Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightPathanamthittachevron_rightThiruvallachevron_rightട്രാവൻകൂർ ഷുഗേഴ്​സിൽ...

ട്രാവൻകൂർ ഷുഗേഴ്​സിൽ സ്പിരിറ്റ്​ വെട്ടിപ്പ്

text_fields
bookmark_border
ട്രാവൻകൂർ ഷുഗേഴ്​സിൽ സ്പിരിറ്റ്​ വെട്ടിപ്പ്
cancel

തിരുവല്ല: സംസ്ഥാന സർക്കാറി​െൻറ നിയന്ത്രണത്തിൽ പ്രവർത്തിക്കുന്ന പുളിക്കീഴ് ട്രാവൻകൂർ ഷുഗേഴ്സ് ആൻഡ് കെമിക്കൽസിൽ വൻ സ്പിരിറ്റ് തട്ടിപ്പ്. എക്സൈസ് എൻഫോഴ്‌സ്‌മെൻറ്​ നടത്തിയ പരിശോധനയിലാണ് 20,000 ലിറ്റർ സ്പിരിറ്റി​െൻറ വെട്ടിപ്പ് നടത്തിയതായി വ്യക്തമായത്. എക്സൈസ് സംഘം നടത്തിയ പരിശോധനയിൽ രണ്ട് ടാങ്കറി​െൻറ കാബിനിൽ സൂക്ഷിച്ചിരുന്ന 9.50 ലക്ഷം രൂപയും കണ്ടെടുത്തു. ഒരുടാങ്കറിൽനിന്ന്​ ആറുലക്ഷവും മറ്റൊന്നിൽനിന്ന്​ 3.5 ലക്ഷവുമാണ് പിടിച്ചത്. ഫാക്ടറിയിലെ സ്പിരിറ്റി​െൻറ കണക്ക് സൂക്ഷിക്കുന്ന തിരുവൻവണ്ടൂർ സ്വദേശി അരുൺ കുമാറിന് കൈമാറാൻ കൊണ്ടുവന്ന പണമാണിതെന്ന് ടാങ്കർ ഡ്രൈവർമാർ എക്സൈസ് സംഘത്തിന് മൊഴി നൽകി.

ട്രാവൻകൂർ ഷുഗേഴ്സ് ആൻഡ് കെമിക്കൽസ് ലിമിറ്റഡ് ബിവറേജസ് കോർപറേഷന്​ വേണ്ടി ജവാൻ എന്ന പേരിൽ റം നിർമിച്ചുനൽകുന്നുണ്ട്​. ഇതിന്​ മധ്യപ്രദേശിൽനിന്ന് 1,15,000 ലിറ്റർ സ്പിരിറ്റ് എത്തിക്കാനുള്ള കരാർ എറണാകുളം കേന്ദ്രമായ സ്വകാര്യകമ്പനിക്ക് നൽകിയിരുന്നു. ഈ കമ്പനിയുടെ കരാർ പ്രകാരമുള്ള ഒടുവിലത്തെ ലോഡാണ് ബുധനാഴ്​ച എത്തിയത്. ഈ കമ്പനി ടാങ്കറുകളിൽ കൊണ്ടുവരുന്ന സ്പിരിറ്റി​െൻറ അളവിൽ കുറവുണ്ടെന്ന രഹസ്യവിവരം എക്സൈസ് എൻഫോഴ്സ്മെൻറ് വിഭാഗത്തിന് നേര​േത്ത ലഭിച്ചിരുന്നു.

ഇതേതുടർന്ന് അതിർത്തി കടന്ന് കേരളത്തിലെത്തിയ വാഹനങ്ങൾ എക്‌സൈസി​െൻറ നിരീക്ഷണത്തിലായിരുന്നു. ബുധനാഴ്​ച പുലർച്ചയോടെ പുളിക്കീഴിലെ ഫാക്ടറിയിലേക്ക് ടാങ്കർ ലോറികൾ എത്തി. തുടർന്ന് ടാങ്കർ ലോറിയുടെ ഡ്രൈവർമാരെ എക്സൈസ് കസ്​റ്റഡിയിലെടുത്തു. 40,000 ലിറ്ററി​െൻറ രണ്ട്​ ടാങ്കറിലും 35,000 ലിറ്ററി​െൻറ ഒരു ടാങ്കറിലും ഉദ്യോഗസ്ഥസംഘം വിശദ പരിശോധന നടത്തി. ഇതിലാണ് 20,000 ലിറ്റർ സ്പിരിറ്റ്​ കുറവുള്ളതായി സൂചന ലഭിച്ചത്. ലീഗൽ മെട്രോളജി വിഭാഗത്തി​െൻറ മേൽനോട്ടത്തിൽ പെരുന്തുരുത്തിയിലെ വേ ബ്രിഡ്ജിൽ ടാങ്കർ ലോറികളുടെ ഭാരപരിശോധനയും നടത്തി. ലീഗൽ മെട്രോളജി വിദഗ്‌ധസംഘത്തി​െൻറ നേതൃത്വത്തിൽ വ്യാഴാഴ്​ച സ്പിരിറ്റി​െൻറ കൃത്യമായ അളവെടുക്കും. കേരളത്തിൽ വാഹനങ്ങൾ എത്തുംമുമ്പേ സ്പിരിറ്റ് ചോർത്തി വി​െറ്റന്നാണ് എക്സൈസി​െൻറ നിഗമനം. ജീവനക്കാരെയും മൂന്ന് ടാങ്കർ ഡ്രൈവർമാരെയും കസ്​റ്റഡിയിൽ ചോദ്യം ചെയ്തുവരുകയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Travancore Sugars
News Summary - Spirit scam at Travancore Sugars
Next Story