അയൽവാസിയെ വെട്ടിപ്പരിക്കേൽപ്പിച്ച സംഘത്തിലെ ഒരാൾ അറസ്റ്റിൽ

തിരുവല്ല: അയൽവാസിയെ വെട്ടിപ്പരിക്കേൽപ്പിച്ച സംഘത്തിലെ ഒരാൾ അറസ്റ്റിലായി. കുളക്കാട് ദർശനയിൽ സ്റ്റോയി വർഗീസ് (30) ആണ് അറസ്റ്റിലായത്. മുണ്ടപ്പള്ളിത്തറയിൽ സനൽ ജോസിനെ വെട്ടിപ്പരിക്കേൽപ്പിച്ച കേസിലാണ് അറസ്റ്റ്‌.

ബൈക്കിലെത്തിയ സ്റ്റോയും സഹോദരൻ സ്റ്റാനും ചേർന്ന് ജോസിനെ ആക്രമിക്കുകയായിരുന്നു. വെള്ളിയാഴ്ച രാത്രിയായിരുന്നു സംഭവം. സംഭവ ശേഷം ഒളിവിൽ പോയ പ്രതികളിൽ പാലിയേക്കരയിലെ ഒരു വീട്ടിൽ ഉള്ളതായി പൊലീസിന് വിവരം ലഭിച്ചു.

സ്ഥലത്തെത്തിയ തിരുവല്ല എസ്.ഐ അനിൽ കുമാറിൻെറ നേതൃത്വത്തിലെ സംഘം വീട് വളഞ്ഞ് സ്റ്റോയെ അറസ്റ്റ് ചെയ്യുകയായിരുന്നു. കൂട്ടുപ്രതിയായ സ്റ്റാൻ പൊലീസിനെ ആക്രമിച്ച് രക്ഷപെട്ടു.