തിരുവല്ല: ടി.കെ റോഡിലെ മഞ്ഞാടിയിൽ നിയന്ത്രണം നഷ്ട്ടപ്പെട്ട കാർ വൈദ്യുത പോസ്റ്റിൽ ഇടിച്ചു മറിഞ്ഞുണ്ടായ അപകടത്തിൽ യാത്രക്കാരിക്ക് പരിക്കേറ്റു. ഓമല്ലൂർ കൊല്ലക്കാമണ്ണിൽ ഗ്രേസ് വില്ലയിൽ ഗ്രേസി സാമുവൽ (45)നാണ് പരിക്കേറ്റത്.
തിങ്കളാഴ്ച രാവിലെ ഒമ്പതോടെ മഞ്ഞാടി ജങ്ഷന് സമീപമായിരുന്നു അപകടം. പോസ്റ്റിൽ ഇടിച്ച് മറിഞ്ഞ കാർ ഫയർ ഫോഴ്സ് എത്തിയാണ് റോഡിൽ നിന്ന് നീക്കം ചെയ്തത്. സാരമായി പരിക്കേറ്റ ഗ്രേസിയെ തിരുവല്ലയിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.