വധശ്രമക്കേസിൽ ഒളിവിലായിരുന്ന പ്രതി പിടിയിൽ

തി​രു​വ​ല്ല: ഓ​ത​റ പു​തു​ക്കു​ള​ങ്ങ​ര​യി​ൽ ന​ട​ന്ന വ​ധ​ശ്ര​മ​ക്കേ​സി​ൽ ഒ​ളി​വി​ലാ​യി​രു​ന്ന പ്ര​തി പി​ടി​യി​ലാ​യി. ഓ​ത​റ പു​തു​ക്കു​ള​ങ്ങ​ര​യി​ൽ മാ​ർ​ച്ച് 29ന് ​മ​ണ്ണു​ക​ട​ത്ത്​ സം​ഘ​ങ്ങ​ൾ മാ​രാ​കാ​യു​ധ​ങ്ങ​ളു​മാ​യി ഏ​റ്റു​മു​ട്ടി​യ സം​ഭ​വ​ത്തി​ലെ പ്ര​തി​യാ​യ ഓ​ത​റ പ​ഴ​യ​കാ​വ് ത​ല​പ്പാ​ല അ​ഖി​ലേ​ഷ് സു​കു​മാ​ര​നെ​യാ​ണ്​ (ശം​ഭു -33) മാ​വേ​ലി​ക്ക​ര​യി​ലെ ബ​ന്ധു​വീ​ട്ടി​ൽ​നി​ന്ന്​ തി​രു​വ​ല്ല പൊ​ലീ​സ് അ​റ​സ്റ്റ് ചെ​യ്ത​ത്.

അ​ന്ന​ത്തെ സം​ഭ​വ​ത്തി​ൽ മൂ​ന്നു​പേ​ർ​ക്ക്​ കു​ത്തേ​റ്റി​രു​ന്നു. അ​ഞ്ച്​ പ്ര​തി​ക​ളു​ള്ള കേ​സി​ൽ അ​ഖി​ലേ​ഷി​ന്റെ സ​ഹോ​ദ​ര​ൻ ദി​ലു ഉ​ൾ​പ്പെ​ടെ നാ​ലു​പേ​ർ മു​മ്പ് അ​റ​സ്റ്റി​ലാ​യി​രു​ന്നു. സം​ഭ​വ​ശേ​ഷം ഒ​ളി​വി​ൽ ക​ഴി​ഞ്ഞി​രു​ന്ന പ്ര​തി കൊ​ല്ലം പു​ന​ലൂ​രി​ലെ ഏ​ലൂ​രി​ലു​ണ്ടെ​ന്ന​റി​ഞ്ഞ് അ​വി​ടെ​യെ​ത്തി​യ പൊ​ലീ​സ് സം​ഘ​ത്തെ ക​ണ്ട് ഇ​യാ​ൾ വ​ന​ത്തി​ലേ​ക്ക് ക​ട​ന്നു​ക​ള​ഞ്ഞു. പൊ​ലീ​സ് സം​ഘം രാ​ത്രി മു​ഴു​വ​ൻ തി​ര​ച്ചി​ൽ ന​ട​ത്തി​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല. ഇ​യാ​ളെ പി​ന്തു​ട​ർ​ന്ന പൊ​ലീ​സി​ന് പ്ര​തി മാ​വേ​ലി​ക്ക​ര​യി​ൽ എ​ത്തി​യ​താ​യി വി​വ​രം ല​ഭി​ച്ചു. തു​ട​ർ​ന്ന് വ്യാ​ഴാ​ഴ്ച രാ​വി​ലെ ഒ​മ്പ​തോ​ടെ മാ​വേ​ലി​ക്ക​ര - ഓ​ല​കെ​ട്ടി​യ​മ്പ​ലം റോ​ഡി​ൽ വെ​ച്ചാ​ണ്​ പി​ടി​യി​ലാ​യ​ത്. മൊ​ബൈ​ൽ ഫോ​ൺ ഉ​പ​യോ​ഗി​ക്കാ​തി​രു​ന്ന​തി​നാ​ലാ​ണ് ഇ​യാ​ളെ പി​ടി​കൂ​ടാ​ൻ ക​ഴി​യാ​തെ പോ​യ​തെ​ന്ന്​ പൊ​ലീ​സ് പ​റ​ഞ്ഞു. സി.​ഐ ബി.​കെ. സു​നി​ൽ കൃ​ഷ്​​ണ​ന്‍റെ നേ​തൃ​ത്വ​ത്തി​ൽ സി.​പി.​ഒ മ​നോ​ജ് കു​മാ​ർ, അ​ഖി​ലേ​ഷ്, ഉ​ദ​യ​ശ​ങ്ക​ർ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്.