കുന്നന്താനം കിൻഫ്ര പാർക്കിൽ പ്ലാസ്റ്റിക് റീസൈക്ലിങ്​ ഫാക്ടറി നവംബറിൽ പ്രവർത്തനം തുടങ്ങും

മ​ല്ല​പ്പ​ള്ളി: കു​ന്ന​ന്താ​നം കി​ൻ​ഫ്ര പാ​ർ​ക്കി​ൽ ജി​ല്ല പ​ഞ്ചാ​യ​ത്തും ക്ലീ​ൻ കേ​ര​ള ക​മ്പ​നി​യും സം​യു​ക്ത​മാ​യി ന​ട​പ്പാ​ക്കു​ന്ന ഇ​ന്‍റ​ഗ്രേ​റ്റ​ഡ് പ്ലാ​സ്റ്റി​ക് റീ​സൈ​ക്ലി​ങ്​ ഫാ​ക്ട​റി നി​ശ്ച​യി​ച്ച സ​മ​യ​പ​രി​ധി​ക്കു​ള്ളി​ൽ പ്ര​വ​ർ​ത്ത​ന​ക്ഷ​മ​മാ​ക്കു​മെ​ന്ന് അ​ധി​കൃ​ത​ർ. ന​വം​ബ​റി​ൽ പ​ദ്ധ​തി ക​മീ​ഷ​ൻ ചെ​യ്യാ​നാ​ണ് തീ​രു​മാ​നം. റീ​ബി​ൽ​ഡ് കേ​ര​ള പ​ദ്ധ​തി​യു​ടെ ഭാ​ഗ​മാ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

ജി​ല്ല പ​ഞ്ചാ​യ​ത്തി​ന്‍റെ ‘നി​ർ​മ​ല ഗ്രാ​മം -നി​ർ​മ​ല ന​ഗ​രം -നി​ർ​മ​ല ജി​ല്ല’ പ​ദ്ധ​തി​യു​ടെ ഭാ​ഗ​മാ​യി ഫാ​ക്ട​റി വ​രു​ന്ന​ത്. ത​ദ്ദേ​ശ​സ്ഥാ​പ​ന​ങ്ങ​ൾ ഹ​രി​ത ക​ർ​മ​സേ​ന വ​ഴി ശേ​ഖ​രി​ക്കു​ന്ന പ്ലാ​സ്റ്റി​ക് പാ​ഴ് വ​സ്തു​ക്ക​ൾ ശേ​ഖ​രി​ച്ച് പു​നഃ​ചം​ക്ര​മ​ണം ചെ​യ്ത് പ്ലാ​സ്റ്റി​ക് ത​രി​ക​ളാ​ക്കി പ്ലാ​സ്റ്റി​ക്ക് നി​ർ​മാ​താ​ക്ക​ൾ​ക്ക് ന​ൽ​കു​ന്ന​താ​ണ്​ പ​ദ്ധ​തി.

ഒ​രു ദി​വ​സം അ​ഞ്ച് ട​ൺ പാ​ഴ് വ​സ്തു​ക്ക​ൾ സം​സ്ക​രി​ക്കാ​നാ​വ​ശ്യ​മാ​യ യ​ന്ത്ര സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തും. ആ​റു കോ​ടി രൂ​പ മു​ത​ൽ​മു​ട​ക്കി​ലാ​ണ് പ​ദ്ധ​തി ന​ട​പ്പാ​ക്കു​ന്ന​ത്. കേ​ര​ള ഇ​ല​ക്​​ട്രി​ക്ക​ലാ​ണ്​ നി​ർ​മാ​ണ ക​രാ​ർ ​ഏ​​റ്റെ​ടു​ത്ത​ത്.

നി​ർ​മാ​ണ പു​രോ​ഗ​തി ജി​ല്ല പ​ഞ്ചാ​യ​ത്ത്​ അ​ധി​കൃ​ത​ർ വി​ല​യി​രു​ത്തി. ക്ഷേ​മ​കാ​ര്യ സ്​​ഥി​രം സ​മി​തി അ​ധ്യ​ക്ഷ​ൻ ജി​ജി മാ​ത്യു, ജി​ല്ല പ​ഞ്ചാ​യ​ത്ത്​ അം​ഗം സി.​കെ. ല​താ​കു​മാ​രി, കു​ന്ന​ന്താ​നം പ​ഞ്ചാ​യ​ത്ത് പ്ര​സി​ഡ​ന്‍റ്​ ശ്രീ​ദേ​വി സ​തീ​ഷ്, ക്ലീ​ൻ കേ​ര​ള ക​മ്പ​നി മാ​നേ​ജി​ങ്​ ഡ​യ​റ​ക്ട​ർ ജി.​കെ. സു​രേ​ഷ് കു​മാ​ർ, പ്രോ​ജ​ക്ട്​ ഓ​ഫി​സ​ർ ശ്രീ​ജി​ത്ത് തു​ട​ങ്ങി​യ​വ​രാ​ണ്​ സ​ന്ദ​ർ​ശി​ച്ച​ത്.