ദിശാ സൂചികകൾ തുരു​​മ്പെടുത്തു; തണ്ണിത്തോട് റൂട്ടിൽ അപകട യാത്ര

കോ​ന്നി: കോ​ന്നി-​ത​ണ്ണി​ത്തോ​ട് റോ​ഡി​ൽ ഞ​ള്ളൂ​രി​ലെ ദി​ശാ സൂ​ചി​ക​ക​ൾ ഇ​ള​കി തൂ​ങ്ങി​യി​ട്ടും പു​നഃ​സ്ഥാ​പി​ക്കാ​ൻ ന​ട​പ​ടി​യി​ല്ല. ഞ​ള്ളൂ​ർ ഫോ​റ​സ്റ്റ്​ സ്​​റ്റേ​ഷ​ന് സ​മീ​പ​മു​ള്ള കൊ​ടും​വ​ള​വി​ൽ സ്ഥാ​പി​ച്ച പ്ര​ധാ​ന ദി​ശാ​സൂ​ചി​ക തു​രു​മ്പെ​ടു​ക്കാ​ൻ തു​ട​ങ്ങി​യി​ട്ട് കാ​ല​ങ്ങ​ളാ​യി. മ​റ്റു​ള്ള ബോ​ർ​ഡു​ക​ൾ കാ​ടു​ക​യ​റി യാ​ത്ര​ക്കാ​ർ​ക്ക് കാ​ണാ​നും ക​ഴി​യി​ല്ല. സി​ഗ്ന​ൽ സ്റ്റ​മ്പു​ക​ൾ പ​ല​തും വാ​ഹ​ന​ങ്ങ​ൾ ത​ട്ടി​യും മ​റ്റും ഇ​ള​കി​പ്പോ​കു​ക​യും ചെ​യ്തു. കോ​ന്നി-​ത​ണ്ണി​ത്തോ​ട്-​ചി​റ്റാ​ർ റോ​ഡി​ൽ കൊ​ടും​വ​ള​വു​ക​ൾ ഉ​ള്ള​തി​നാ​ൽ നി​ര​വ​ധി അ​പ​ക​ട​ങ്ങ​ൾ ന​ട​ക്കു​ന്നു​ണ്ട്. രാ​ത്രി യാ​ത്ര​യി​ൽ മ​ഞ്ഞ് വീ​ഴു​ന്ന​ത് പ​തി​വാ​യ​തി​നാ​ൽ ഈ ​സി​ഗ്ന​ൽ ബോ​ർ​ഡു​ക​ളും സ്റ്റ​മ്പു​ക​ളും ക​ണ്ടാ​ണ് യാ​ത്ര​ക്കാ​ർ റോ​ഡ് തി​രി​ച്ച​റി​യു​ന്ന​ത് ത​ന്നെ. വി​വി​ധ ജി​ല്ല​ക​ളി​ൽ​നി​ന്നും വ​രു​ന്ന വി​നോ​ദ​സ​ഞ്ചാ​രി​ക​ളാ​ണ് ഈ ​വ​ഴി വ​രു​ന്ന​വ​രി​ൽ ഏ​റെ​യും. ഇ​വ​ർ അ​പ​ക​ട​ത്തി​ൽ​പെ​ടു​ന്ന​തി​നു​ള്ള സാ​ധ്യ​ത ഏ​റെ​യാ​ണ്.