ആറന്മുളയിൽ നെൽകൃഷിയുടെ 'ടേക്ഓഫ്'

ക​ര​യാ​കു​മോ, വ​യ​ലാ​യി തു​ട​രു​മോ എ​ന്ന് ഇ​നി​യും പ​റ​യാ​നാ​കി​ല്ല. എ​ങ്കി​ലും ആ​റ​ന്മു​ള വി​മാ​ന​ത്താ​വ​ള ഭൂ​മി​യി​ൽ വീ​ണ്ടും നെ​ൽ​വി​ത്തു​ക​ൾ മു​ള​ച്ചു​പൊ​ന്തു​ന്നു. ഒ​പ്പം വി​വാ​ദ​ങ്ങ​ളും ഉ​യ​രു​ന്നു. 'മാ​ധ്യ​മം' പ​ര​മ്പ​ര ഇ​ന്നു​മു​ത​ൽ...

പ​ത്ത​നം​തി​ട്ട: 22 വ​ർ​ഷ​മാ​യി കൃ​ഷി ചെ​യ്യാ​തെ കി​ട​ന്ന ആ​റ​ന്മു​ള പു​ഞ്ച പൂ​ർ​ണ​മാ​യും കൃ​ഷി​യി​റ​ക്കാ​നാ​ണ് ശ്രമം. 271 ഏ​ക്ക​റോ​ളം ഭൂ​മി​യി​ലാ​ണ് നെ​ല്ല് വി​ത​ച്ച​ത്. കൃ​ഷി, റ​വ​ന്യൂ, ജ​ല​സേ​ച​ന വ​കു​പ്പു​ക​ളും ക​ർ​ഷ​ക​രും കൈ​കോ​ർ​ത്താ​ണ് ആ​റ​ന്മു​ള​യി​ലെ ഞാ​റ്റ​ടി​ക​ളെ പ​ച്ച​പ്പ​ണി​യി​ക്കു​ന്ന​ത്. ഞാ​റ്​ പ​റി​ച്ചു​ന​ടാ​തെ നെ​ൽ​വി​ത്ത് പാ​ട​ങ്ങ​ളി​ല​പ്പാ​ടെ നേ​രി​ട്ട് വി​ത​റി മു​ള​പ്പി​ച്ചെ​ടു​ക്കു​ന്ന രീ​തി​യി​ലാ​ണ് ഇ​വി​ടെ കൃ​ഷി വീ​ണ്ടെ​ടു​ക്കു​ന്ന​ത്.

ആ​റ​ന്മു​ള​യി​ൽ വി​മാ​ന​ത്താ​വ​ള​ത്തി​നാ​യി പു​ഞ്ച​പ്പാ​ട​വും തോ​ടു​ക​ളും ചാ​ലു​ക​ളും മ​ണ്ണി​ട്ട് നി​ക​ത്തി​യ​തോ​ടെ 22 വ​ർ​ഷം​മു​മ്പാ​ണ് ഞാ​റ്റു​പാ​ട്ടു​ക​ൾ നി​ല​ച്ച​ത്. ജ​നു​വ​രി 18 മു​ത​ൽ 50 കു​തി​ര​ശ​ക്തി​യു​ള്ള മോ​ട്ടോ​ർ ഉ​പ​യോ​ഗി​ച്ച് വെ​ള്ളം വ​റ്റി​ച്ചു​തു​ട​ങ്ങി. മ​ല്ല​പ്പു​ഴ​ശ്ശേ​രി​യി​ൽ 197 ഏ​ക്ക​റി​ലും ആ​റ​ന്മു​ള​യി​ൽ 74ലും ​കൃ​ഷി​യി​റ​ക്കി. ഇ​തി​ൽ 12 ഏ​ക്ക​ർ ഒ​ഴി​കെ ബാ​ക്കി​യെ​ല്ലാം വെ​ള്ളം​ക​യ​റി​യ നി​ല​യി​ലാ​യി​രു​ന്നു.

ആ​റ​ന്മു​ള ചാ​ലും ക​രി​മാ​രം തോ​ടും പു​നഃ​സ്ഥാ​പി​ച്ചി​ട്ടു​പോ​ലും വെ​ള്ള​മി​റ​ങ്ങാ​ത്ത സ്ഥി​തി നി​ല​നി​ന്നു. കൃ​ഷി വ​കു​പ്പ് 17 ല​ക്ഷം രൂ​പ അ​ട​ച്ച് ട്രാ​ൻ​സ്ഫോ​ർ​മ​ർ സ​ഹി​തം സ്ഥാ​പി​ച്ച് പോ​സ്റ്റു​ക​ളി​ട്ട് ക​ണ​ക്​​ഷ​നെ​ടു​ത്തു. ജ​നു​വ​രി 18 മു​ത​ൽ വെ​ള്ളം വ​റ്റി​ക്ക​ൽ തു​ട​ങ്ങി. പ​മ്പ്​ ചെ​യ്ത വെ​ള്ളം ക​രി​മാ​രം തോ​ട് വ​ഴി കോ​ഴി​ത്തോ​ട് വ​ഴി പ​മ്പ​യാ​റ്റി​ലേ​ക്കാ​ണ് എ​ത്തി​യ​ത്.

തോ​ടു​ക​ളി​ൽ മ​ണ്ണി​ടി​ഞ്ഞു​വീ​ണ് നി​ക​ന്നു​കി​ട​ന്ന​തും വെ​ള്ള​പ്പൊ​ക്ക സ​മ​യ​ങ്ങ​ളി​ൽ എ​ക്ക​ൽ വ​ന്ന​ടി​ഞ്ഞ​തും എ​ല്ലാം പ​മ്പ് ചെ​യ്യു​ന്ന വെ​ള്ളം ഒ​ഴു​കി​പ്പോ​കു​ന്ന​തി​ന് ത​ട​സ്സ​മാ​യി​രു​ന്നു. ഈ ​ത​ട​സ്സ​ങ്ങ​ളെ​ല്ലാം ക​ർ​ഷ​ക​രു​ടെ കൂ​ട്ടാ​യ്മ​യി​ൽ നീ​ക്കി​യാ​ണ് വെ​ള്ളം പൂ​ർ​ണ​മാ​യി വ​റ്റി​ച്ച് കൃ​ഷി​ക്ക് ഭൂ​മി​യൊ​രു​ക്കി​യ​ത്. വെ​ള്ളം വ​റ്റി​ക്കു​ന്ന​തു​മു​ത​ൽ വി​ത​ക്കു​ന്ന​തി​ൽ​വ​രെ വി​വാ​ദ​ങ്ങ​ൾ ഉ​യ​രു​ന്നു​ണ്ട്. കൃ​ഷി ത​ട​യാ​ൻ പ​ഴ​യ വി​മാ​ന​ത്താ​വ​ള പ​ദ്ധ​തി​ക്കാ​ർ രം​ഗ​ത്തി​റ​ങ്ങി​ക്ക​ഴി​ഞ്ഞു.

അ​വ​ർ നി​യ​മ​ന​ട​പ​ടി​ക​ളി​ലേ​ക്ക് ക​ട​ക്കു​ക​യാ​ണ്. നേ​ര​ത്തെ 2016ലും 2018​ലും ഇ​വി​ടെ ചിലയിടത്ത്​ കൃ​ഷി​യി​റ​ക്കി​യി​രു​ന്നു. 2016 ഒ​ക്ടോ​ബ​ർ 28ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​റ​ന്മു​ള​യി​ലെ​ത്തി വി​ത്ത് വി​ത​ച്ച​തോ​ടെ​യാ​ണ് വി​മാ​ന​ത്താ​വ​ള പ​ദ്ധ​തി​ക്ക് തി​ര​ശ്ശീ​ല വീ​ണ​ത്. 2018ലെ ​വെ​ള്ള​പ്പൊ​ക്ക​ത്തോ​ടെ വീ​ണ്ടും കൃ​ഷി മു​ട​ങ്ങി. അ​ന്ന് ര​ണ്ടു​ത​വ​ണ​യും ന​ട​ന്ന​തി‍െൻറ ഇ​ര​ട്ടി​യി​ലേ​റെ സ്ഥ​ല​ത്താ​ണ് ഇ​പ്പോ​ൾ കൃ​ഷി​യി​റ​ക്കു​ന്ന​ത്.

പു​ഞ്ച​പ്പാ​ടം മു​ങ്ങി​ക്കി​ട​ന്ന​ത് 22 വ​ർ​ഷം

2000ത്തി​ലാ​ണ് അ​വ​സാ​ന​മാ​യി ആ​റ​ന്മു​ള​യി​ൽ കൃ​ഷി​യി​റ​ക്കി​യ​ത്. അ​തേ​വ​ർ​ഷ​മാ​ണ് നാ​ൽ​കാ​ലി​ക്ക​ൽ പാ​ലം പ​ണി​യാ​ൻ ബ​ണ്ടി​ട്ട​ത്. ഈ ​ബ​ണ്ടാ​ണ് കൃ​ഷി മു​ട​ക്കി​യ​ത്. 2004ൽ ​പാ​ലം പ​ണി​ക​ഴി​ഞ്ഞ​പ്പോ​ൾ ബ​ണ്ട് നീ​ക്കി വെ​ള്ളം വ​റ്റി​ച്ചു​നോ​ക്കി.

പൂ​ർ​ണ​മാ​യും ഒ​ഴു​ക്ക് നി​ല​ച്ച​തി​നാ​ൽ വ​റ്റി​ക്കാ​നാ​യി​ല്ല. അ​തി​നു​ശേ​ഷ​മാ​ണ് വി​മാ​ന​ത്താ​വ​ള​ത്തി​നാ​യി മ​ണ്ണി​ട്ട് നി​ക​ത്തി​ത്തു​ട​ങ്ങി​യ​ത്. ചെ​റു​തും വ​ലു​തു​മാ​യ സ​ക​ല തോ​ടു​ക​ളും ചാ​ലു​ക​ളും വി​മാ​ന​ത്താ​വ​ള​ത്തി​‍െൻറ പ്ര​യോ​ക്താ​ക്ക​ൾ മ​ണ്ണി​ട്ടു​മൂ​ടി. ന​ദി​യോ​ളം വ​ലി​പ്പ​മു​ള്ള ആ​റ​ന്മു​ള ചാ​ല് ഉൾപ്പെടെ നി​ക​ത്തി. ക​രി​മാ​രം തോ​ട് മി​ക്ക​ഭാ​ഗ​ങ്ങ​ളി​ലും മ​ണ്ണി​ട്ട്​ ആ​റ് പ​ഞ്ചാ​യ​ത്തി​ലൂ​ടെ ക​ട​ന്നു​വ​ന്ന് കോ​ഴി​ത്തോ​ട്ടി​ലെ​ത്തു​ന്ന വ​ലി​യ​തോ​ടി‍െൻറ ദി​ശ തി​രി​ച്ചു​വി​ട്ടു.

മ​ണ്ണ് മാ​റ്റി ചാ​ലു​ക​ൾ പു​നഃ​സ്ഥാ​പി​ക്കാ​ൻ ഹൈ​കോ​ട​തി ഉ​ത്ത​ര​വി​ട്ടി​രു​ന്നു. അ​ത് ന​ട​പ്പാ​ക്കാ​ൻ അ​ന്നി​രു​ന്ന ക​ല​ക്ട​ർ ഹ​രി​കി​ഷോ​ർ ത​യാ​റാ​യി​ല്ല. തോ​ട് പു​നഃ​സ്ഥാ​പി​ച്ചി​ല്ലെ​ങ്കി​ൽ കു​ടി​വെ​ള്ളം മു​ട്ടു​മെ​ന്ന കോ​ട​തി​യ​ല​ക്ഷ്യ ഹ​ര​ജി​യി​ലും അ​നു​കൂ​ല വി​ധി വ​ന്നു. അ​തി​നു​ശേ​ഷം വ​ന്ന ക​ല​ക്ട​ർ ഗി​രി​ജ ര​ണ്ട് തോ​ടു​ക​ളും പു​നഃ​സ്ഥാ​പി​ക്കാ​ൻ ത​യാ​റാ​യി. അ​പ്പോ​ഴേ​ക്കും ഇ​ട​തു​പ​ക്ഷ സ​ർ​ക്കാ​ർ അ​ധി​കാ​ര​ത്തി​ൽ വ​ന്നു. ആ ​സ​മ​യ​ത്താ​ണ് തോ​ടു​ക​ൾ പു​നഃ​സ്ഥാ​പി​ച്ച​ത്. എ​ങ്കി​ലും വെ​ള്ളം പൂ​ർ​ണ​മാ​യും ഒ​ഴു​കി​പ്പോ​കു​ന്ന അ​വ​സ്ഥ ഉ​ണ്ടാ​യി​ല്ല. 2016ലും 2018​ലും കൃ​ഷി​യി​റ​ക്കി​യെ​ങ്കി​ലും വെ​ള്ളം കാ​ര്യ​മാ​യി വ​റ്റി​ക്കാ​നാ​കാ​ത്ത​തി​നാ​ൽ ഭൂ​രി​ഭാ​ഗം നി​ല​വും മു​ങ്ങി​ക്കി​ട​ക്കു​ക​യാ​യി​രു​ന്നു.

(തു​ട​രും)