പുതിയ നഴ്സിങ് കോളജുകളിൽ ഒന്ന് റാന്നിക്ക് അനുവദിക്കാൻ നടപടി സ്വീകരിക്കും -മന്ത്രി വീണാ ജോർജ്

റാന്നി: സംസ്ഥാനത്ത് ആരംഭിക്കുന്ന പുതിയ നഴ്സിങ് കോളജുകളിൽ ഒന്ന് റാന്നിക്ക് അനുവദിക്കാൻ നടപടി സ്വീകരിക്കുമെന്ന് ആരോഗ്യ മന്ത്രി വീണാ ജോർജ് പറഞ്ഞു. 2.25 കോടി രൂപ ചെലവഴിച്ച് പെരുനാട്ടിൽ നിർമിക്കുന്ന പുതിയ ഐ.പി കെട്ടിടത്തിന്റെ ഉദ്ഘാടനവും നവീകരിച്ച കുടുംബാരോഗ്യ കേന്ദ്രത്തിന്റെ ഉദ്ഘാടനവും പ്രവർത്തന ഉദ്ഘാടനവും നിർവഹിച്ച് സംസാരിക്കുകയായിരുന്നു മന്ത്രി.

പ്രമോദ് നാരായൺ എം.എൽ.എ, ബ്ലോക്ക് പഞ്ചായത്ത് പ്രസിഡന്‍റ് കെ.എസ്. ഗോപി, പഞ്ചായത്ത് പ്രസിഡന്‍റ് പി. മോഹൻ, വൈസ് പ്രസിഡൻറ് ഡി. ശ്രീകല, ഡി.എം.ഒ എൽ. അനിതകുമാരി, മെഡിക്കൽ ഓഫിസർ ദീപ്തി മോഹൻ, എം.എസ്. ശ്യാം, സി.എസ്. സുകുമാരൻ, ടി.എസ്. ശാരി, ടി.ആർ. രാജം, റോബിൻ കെ. തോമസ്, സി. സുരേഷ് എന്നിവർ സംസാരിച്ചു.