അമ്മയെ മർദിച്ച മകൻ അറസ്റ്റിൽ
text_fieldsപത്തനംതിട്ട: അമ്മയെ ക്രൂരമായി മർദിച്ച മകനെ പൊലീസ് അറസ്റ്റു ചെയ്തു. റാന്നി അത്തിക്കയം കുടമുരുട്ടി കൊച്ചുകുളം കോലിഞ്ചിപ്പതാലിൽ ഗോപാലകൃഷ്ണന്റെ ഭാര്യ രാധാമണിയെ (61) മർദിച്ച മകൻ രഞ്ജിത്താണ് (40) അറസ്റ്റിലായത്. കഴിഞ്ഞ ഞായറാഴ്ച ഉച്ചക്കുശേഷം വീടിന്റെ മുറ്റത്ത് പാത്രം കഴുകിക്കൊണ്ടുനിന്ന രാധാമണിയെ രഞ്ജിത്ത് ക്രൂരമായി മർദിക്കുകയായിരുന്നു.
കഴുത്തിൽ കുത്തിപ്പിടിച്ച് ഇയാൾ ശ്വാസം മുട്ടിക്കുകയും, തൊഴിക്കുകയും, നെഞ്ചിൽ പിടിച്ചമർത്തുകയും ചെയ്തതായി അമ്മയുടെ മൊഴിയിൽ പറയുന്നു. പലതവണ ക്രൂരമായ മർദനത്തിന് ഇരയാകുമ്പോഴും മണിക്കൂറുകൾക്കകം അതെല്ലാം ക്ഷമിച്ചിരുന്നു. പെരുന്നാട് പൊലീസിന് മുന്നിൽ പലപ്രാവശ്യവും പരാതിയായി എത്തുമ്പോഴും മകനെ നിയമനടപടികളിൽ കുരുക്കാൻ അമ്മ ആഗ്രഹിച്ചിരുന്നില്ല. പലപ്പോഴും മകനുവേണ്ടി ക്ഷമ ചോദിച്ച് ഇനിയും അങ്ങനെ സംഭവിക്കില്ലെന്ന് ഉറപ്പ്നൽകി മകനെയും കൂട്ടി മാതാവ് സ്റ്റേഷനിൽനിന്ന് പോകാറുണ്ടായിരുന്നെന്ന് പെരുന്നാട് സി.ഐ യു.രാജീവ് കുമാർ പറഞ്ഞു.
ഇക്കുറി വേദനയിൽ പുളഞ്ഞ് അവർ സ്റ്റേഷനിൽ എത്തി മകന്റെ മർദനം തുടരുന്നത് ഇനി സഹിക്കാൻ കഴിയിെല്ലന്നും നിയമസഹായം ഉറപ്പാക്കണമെന്നും ആവശ്യപ്പെട്ടു. പൊലീസ് ഉടനെ തന്നെ മനഃപ്പൂർവമല്ലാത്ത നരഹത്യാശ്രമത്തിന് കേസെടുത്ത് രഞ്ജിത്തിനെ അറസ്റ്റ്ചെയ്ത് കോടതിയിൽ ഹാജരാക്കി റിമാൻഡ് ചെയ്തു. എസ്.ഐ രവീന്ദ്രൻ നായരുടെ നേതൃത്വത്തിൽ നടത്തിയ അന്വേഷണത്തിൽ ഇയാളെ കൊച്ചുകുളത്തുനിന്നാണ് പിടികൂടിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.