വിവേചനം കാണിക്കുന്നു; സി.പി.എം ഭരിക്കുന്ന പഞ്ചായത്തിനെതിരെ എൽ.ജെ.ഡി

മാന്നാർ: സി.പി.എം. ഭരണം കയ്യാളുന്ന ബുധനൂർ ഗ്രാമ പഞ്ചായത്ത് ഭരണ സമിതി ഗുണഭോക്താക്കളെ തിരഞ്ഞെടുക്കുന്നതിൽ വിവേചനം കാട്ടുന്നു എന്നാരോപിച്ച് ഇടതുമുന്നണി ഘടക കക്ഷിയായ എൽ.ജെ.ഡി പ്രതിഷേധിച്ചു. അർഹരായ നിരവധി കുടുംബങ്ങളെ ഒഴിവാക്കി അനർഹരെ ലിസ്റ്റിൽ തിരുകിക്കയറ്റി ആനുകൂല്യങ്ങൾ പക്ഷപാതപരമായി വിതരണം നടത്തുന്നു എന്നാണ് പരാതി. ഇതിൽ പ്രതിഷേധിച്ച് 18ന് എണ്ണയ്ക്കാട്ട് ജനകീയ കൺവൻഷൻ നടത്തും.