ശ​ബ​രി​മ​ല ഇടത്താവളം ഭൂമി ഏറ്റെടുപ്പ്; ജപ്തിയിൽ നിന്നൊഴിവാകാൻ പത്തനംതിട്ട നഗരസഭക്ക്​ 2. 72കോടി അനുവദിച്ച്​ സർക്കാർ

പ​ത്ത​നം​തി​ട്ട: ന​ഗ​ര​സ​ഭ​യു​ടെ ശ​ബ​രി​മ​ല ഇ​ട​ത്താ​വ​ള പ​ദ്ധ​തി​ക്ക്​ ഭൂ​മി ഏ​റ്റെ​ടു​ത്ത​തു​മാ​യി ബ​ന്ധ​പ്പെ​ട്ട പ്ര​തി​സ​ന്ധി​ക്ക് പ​രി​ഹാ​ര​മാ​കു​ന്നു. ഭൂ​ഉ​ട​മ ന​ൽ​കി​യ കേ​സി​ൽ പ​ത്ത​നം​തി​ട്ട ന​ഗ​ര​സ​ഭ സ​ബ് കോ​ട​തി​യി​ൽ​നി​ന്ന്​ ജ​പ്തി ന​ട​പ​ടി​ക​ൾ നേ​രി​ടു​ന്ന​തി​ടെ​യാ​ണ്​ ആ​ശ്വാ​സ ന​ട​പ​ടി.

രാ​ജ്യ​ത്തെ മു​ഴു​വ​ൻ ശ​ബ​രി​മ​ല തീ​ർ​ഥാ​ട​ക​രു​ടെ പൊ​തു ആ​വ​ശ്യ​മാ​യി ക​ണ്ട്​ തു​ക പ്ര​ത്യേ​ക ധ​ന​സ​ഹാ​യ​മാ​യി അ​നു​വ​ദി​ക്ക​ണ​മെ​ന്ന ന​ഗ​ര​സ​ഭ​യു​ടെ അ​ഭ്യ​ർ​ഥ​ന പ​രി​ഗ​ണി​ച്ച് ഒ​ക്ടോ​ബ​ർ ആ​റാം തീ​യ​തി സം​സ്ഥാ​ന ധ​ന​വ​കു​പ്പ് 2.72 കോ​ടി രൂ​പ പ​ത്ത​നം​തി​ട്ട ന​ഗ​ര​സ​ഭ​ക്ക്​ മു​ൻ​കൂ​റാ​യി അ​നു​വ​ദി​ച്ച് ഉ​ത്ത​ര​വാ​യി. എ​ന്നാ​ൽ, സം​സ്ഥാ​ന​ത്തി​ന്‍റെ സാ​മ്പ​ത്തി​ക സ്ഥി​തി പ​രി​ഗ​ണി​ച്ച് ഭാ​വി​യി​ൽ ന​ഗ​ര​സ​ഭ​ക്ക്​ ന​ൽ​കു​ന്ന റോ​ഡി​ത​ര സം​ര​ക്ഷ​ണ ഫ​ണ്ടി​ൽ​നി​ന്നും അ​നു​വ​ദി​ച്ച തു​ക ഗ​ഡു​ക്ക​ളാ​യി ഈ​ടാ​ക്കു​മെ​ന്നും സ​ർ​ക്കാ​ർ തീ​രു​മാ​നി​ച്ചി​ട്ടു​ണ്ട്.

താ​ഴെ വെ​ട്ടി​പ്ര​ത്തെ അ​ഞ്ചേ​ക്ക​റു​ള്ള ഇ​ട​ത്താ​വ​ള​ത്തി​ന് സ്ഥ​ലം ഏ​റ്റെ​ടു​ത്ത​പ്പോ​ൾ പ്ര​വേ​ശ​ന ക​വാ​ട​ത്തി​നു​ള്ള സ്ഥ​ലം ഏ​റ്റെ​ടു​ത്തി​രു​ന്നി​ല്ല. ഇ​ട​ത്താ​വ​ള​ത്തി​ലേ​ക്ക് അ​യ്യ​പ്പ ഭ​ക്ത​രു​ടെ വാ​ഹ​ന​ങ്ങ​ൾ പ്ര​വേ​ശി​ക്കു​ന്ന​തി​ന് ഇ​ത് ത​ട​സ്സ​മാ​യി.

തു​ട​ർ​ന്ന് 2009 ൽ ​അ​ഡ്വ.​ടി.​സ​ക്കീ​ർ ഹു​സൈ​ൻ ചെ​യ​ർ​മാ​നാ​യ ന​ഗ​ര​സ​ഭ കൗ​ൺ​സി​ൽ ഇ​ട​ത്താ​വ​ള​ത്തി​ന്‍റെ വ​ഴി​ക്കാ​യി 24 സെ​ന്‍റ്​ സ്ഥ​ലം ഏ​റ്റെ​ടു​ക്കാ​ൻ തീ​രു​മാ​ന​മെ​ടു​ത്തു. ഭൂ​മി ഏ​റ്റെ​ടു​ക്ക​ലി​ന്​ അ​ർ​ഹ​മാ​യ ന​ഷ്ട​പ​രി​ഹാ​രം ല​ഭി​ക്കു​ന്ന​തി​ന് 2014 ൽ ​വ​സ്തു ഉ​ട​മ പ​ത്ത​നം​തി​ട്ട സ​ബ് കോ​ട​തി​യി​ൽ കേ​സ് ഫ​യ​ൽ ചെ​യ്തു. ന​ഷ്ട​പ​രി​ഹാ​ര​മാ​യി വ​സ്തു ഉ​ട​മ​യ്ക്ക് ര​ണ്ടു​കോ​ടി രൂ​പ ന​ൽ​കാ​ൻ കോ​ട​തി ഉ​ത്ത​ര​വാ​യി. ഉ​ത്ത​ര​വി​നെ​തി​രെ സം​സ്ഥാ​ന സ​ർ​ക്കാ​ർ ഹൈ​കോ​ട​തി​യി​ൽ അ​പ്പീ​ൽ ന​ൽ​കി. ഏ​റ്റെ​ടു​ത്ത സ്ഥ​ല​ത്തി​ന്‍റെ സ്വ​ഭാ​വ​വും ന​ഗ​ര​കേ​ന്ദ്ര​ത്തി​ൽ നി​ന്നു​ള്ള ദൂ​ര​വും വി​ധി തു​ക അ​നു​വ​ദി​ച്ച കോ​ട​തി പ​രി​ഗ​ണി​ച്ചി​ല്ലെ​ന്നും താ​ര​ത​മ്യ പ​ഠ​ന​ത്തി​നാ​യി ആ​ശ്ര​യി​ച്ച വ​സ്തു ന​ഗ​ര​ത്തി​ലെ പ്ര​ധാ​ന സ്ഥ​ല​ത്തു​ള്ള ക​ര​ഭൂ​മി​യാ​ണെ​ന്നും ചൂ​ണ്ടി​ക്കാ​ട്ടി​യാ​യി​രു​ന്നു അ​പ്പീ​ൽ.

ഇ​തി​നി​ട​യി​ൽ വി​ധി തു​ക​യും പ​ലി​ശ​യും ഈ​ടാ​ക്കാ​ൻ വ​സ്തു ഉ​ട​മ ന​ൽ​കി​യ ഹ​ര​ജി​യി​ൽ കോ​ട​തി ന​ഗ​ര​സ​ഭ ആ​സ്തി​ക​ൾ ജ​പ്‌​തി ചെ​യ്യാ​ൻ ഉ​ത്ത​ര​വി​ട്ടു. ക​ഴി​ഞ്ഞ തീ​ർ​ഥാ​ട​ന കാ​ല​യ​ള​വി​ൽ ദേ​വ​സ്വം മ​ന്ത്രി വി​ളി​ച്ചു​ചേ​ർ​ത്ത ഉ​ന്ന​ത​ത​ല അ​വ​ലോ​ക​ന യോ​ഗ​ത്തി​ൽ ന​ഗ​ര​സ​ഭ ചെ​യ​ർ​മാ​ൻ വി​ധി തു​ക കെ​ട്ടി​വെ​ക്കാ​ൻ സ​ഹാ​യം അ​ഭ്യ​ർ​ഥി​ച്ചു. തു​ട​ർ​ന്ന് വ​കു​പ്പ് മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തു​ക​യും കൗ​ൺ​സി​ലി​ന്‍റെ അ​ഭ്യ​ർ​ഥ​ന സ​ർ​ക്കാ​റി​ന് സ​മ​ർ​പ്പി​ക്കു​ക​യും ചെ​യ്തി​രു​ന്നു.

ജ​പ്തി​ന​ട​പ​ടി നേ​രി​ടു​ന്ന ഘ​ട്ട​ത്തി​ൽ സ​ർ​ക്കാ​ർ പ​ണം അ​നു​വ​ദി​ച്ച​ത്​ ന​ഗ​ര​സ​ഭ​ക്ക്​ ആ​ശ്വാ​സ​ക​ര​മാ​ണെ​ന്ന് ചെ​യ​ർ​മാ​ൻ അ​ഡ്വ. ടി. ​സ​ക്കീ​ർ​ഹു​സൈ​ൻ പ​റ​ഞ്ഞു. എ​ന്നാ​ൽ, ന​ഗ​ര​ത്തി​ന്‍റെ ഭാ​വി വി​ക​സ​ന​ത്തി​ന് ത​ട​സ്സ​മാ​കാ​ത്ത വി​ധം, തു​ക തി​രി​കെ ഈ​ടാ​ക്കാ​നു​ള്ള സ​ർ​ക്കാ​ർ ഉ​ത്ത​ര​വ് പി​ൻ​വ​ലി​ക്കു​ക​യോ കൂ​ടു​ത​ൽ തു​ക റോ​ഡി​ത​ര സം​ര​ക്ഷ​ണ ഫ​ണ്ടി​നാ​യി അ​നു​വ​ദി​ക്കു​ക​യോ ചെ​യ്യ​ണ​മെ​ന്ന് സ​ർ​ക്കാ​റി​നോ​ട് അ​ഭ്യ​ർ​ഥി​ക്കു​മെ​ന്നും ചെ​യ​ർ​മാ​ൻ പ​റ​ഞ്ഞു. ഈ ​വി​ഷ​യ​ങ്ങ​ൾ ച​ർ​ച്ച ചെ​യ്യാ​ൻ ന​ഗ​ര​സ​ഭ കൗ​ൺ​സി​ലി​ന്‍റെ അ​ടി​യ​ന്ത​ര യോ​ഗം വ്യാ​ഴാ​ഴ്ച ചേ​രു​മെ​ന്നും ചെ​യ​ർ​മാ​ൻ അ​റി​യി​ച്ചു.