ആദ്യ സമ്പൂർണ നേത്രദാന ഗ്രാമമായി മാറാൻ വെച്ചൂച്ചിറ

റാ​ന്നി: കേ​ര​ള​ത്തി​ലെ ആ​ദ്യ​ത്തെ സ​മ്പൂ​ർ​ണ നേ​ത്ര​ദാ​ന ഗ്രാ​മ​പ​ഞ്ചാ​യ​ത്താ​യി മാ​റു​വാ​ൻ വെ​ച്ചൂ​ച്ചി​റ ഒ​രു​ങ്ങു​ന്നു. അ​ന്ധ​രാ​യ മ​നു​ഷ്യ​ർ​ക്ക് ക​ണ്ണു​ക​ൾ ദാ​ന​മാ​യി ന​ൽ​കു​ന്ന​തി​ന്​ നേ​ത്ര​ദാ​നം പ്രോ​ത്സാ​ഹി​പ്പി​ക്കു​ന്ന ‘കാ​ഴ്ച’ നേ​ത്ര​ദാ​ന സേ​ന സം​ഘ​ട​ന​യു​മാ​യി ചേ​ർ​ന്നാ​ണ് വെ​ച്ചൂ​ച്ചി​റ ഗ്രാ​മ​പ​ഞ്ചാ​യ​ത്ത് പ​ദ്ധ​തി​ക്ക് തു​ട​ക്കം​കു​റി​ക്കു​ന്ന​ത്.

ഈ​മാ​സം 24 മു​ത​ൽ ന​വം​ബ​ർ 15വ​രെ പ​ഞ്ചാ​യ​ത്തി​ലെ 15 വാ​ർ​ഡു​ക​ളി​ലു​മാ​യി ബോ​ധ​വ​ത്ക​ര​ണ പ​രി​പാ​ടി​ക​ൾ, സെ​മി​നാ​റു​ക​ൾ, നേ​ത്ര​ചി​കി​ത്സ ക്യാ​മ്പു​ക​ൾ, നേ​ത്ര​ദാ​ന സ​മ്മ​ത​പ​ത്രം ഏ​റ്റു​വാ​ങ്ങ​ൽ , മ​റ്റ് അ​നു​ബ​ന്ധ പ​രി​പാ​ടി​ക​ളും സം​ഘ​ടി​പ്പി​ക്കും. 24ന് ​ഉ​ച്ച​ക്ക്​ 2.30ന് ​വെ​ച്ചൂ​ച്ചി​റ സി.​എം.​എ​സ് എ​ൽ.​പി സ്കൂ​ളി​ൽ ന​ട​ക്കു​ന്ന ച​ട​ങ്ങി​ൽ കാ​ഴ്ച നേ​ത്ര​ദാ​ന സേ​ന ചെ​യ​ർ​മാ​ൻ പ്ര​ശ​സ്ത സം​വി​ധാ​യ​ക​ൻ ബ്ല​സി ഔ​പ​ചാ​രി​ക​മാ​യി ഉ​ദ്ഘാ​ട​നം നി​ർ​വ​ഹി​ക്കും.

ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ ടി.​കെ. ജ​യിം​സ് അ​ധ്യ​ക്ഷ​ത​വ​ഹി​ക്കും. കാ​ഴ്ച നേ​ത്ര​ദാ​ന സേ​ന ജ​ന​റ​ൽ സെ​ക്ര​ട്ട​റി അ​ഡ്വ. റോ​ഷ​ൻ റോ​യി മാ​ത്യു മു​ഖ്യാ​തി​ഥി​യാ​യി​രി​ക്കും. ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മ​തി, കു​ടും​ബ​ശ്രീ അ​യ​ൽ​ക്കൂ​ട്ട​ങ്ങ​ൾ, വെ​ച്ചൂ​ച്ചി​റ പ്രാ​ഥ​മി​കാ​രോ​ഗ്യ കേ​ന്ദ്രം, പ​ഞ്ചാ​യ​ത്തി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, അം​ഗ​ൻ​വാ​ടി​ക​ൾ, വാ​യ​ന​ശാ​ല​ക​ൾ, ക്ല​ബു​ക​ൾ, സ​ന്ന​ദ്ധ സം​ഘ​ട​ന​ക​ൾ എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്.

വെ​ച്ചൂ​ച്ചി​റ പ​ഞ്ചാ​യ​ത്തി​ലെ മു​ഴു​വ​ൻ ജ​ന​ങ്ങ​ളു​ടെ​യും ക​ണ്ണു​ക​ൾ മ​ര​ണ​ശേ​ഷം ദാ​ന​മാ​യി ന​ൽ​കി സ​മൂ​ഹ​ത്തി​നാ​കെ മാ​തൃ​ക​യാ​വു​ന്ന പ​ദ്ധ​തി​ക്കാ​ണ് വെ​ച്ചൂ​ച്ചി പ​ഞ്ചാ​യ​ത്ത് ത​യാ​റെ​ടു​ക്കു​ന്ന​ത്.