ജൂനിയർ അത്ലറ്റിക്സിൽ തിളങ്ങി ഇരട്ട സഹോദരിമാർ

റാന്നി: പത്തനംതിട്ട ജില്ല ജൂനിയർ അത്ലറ്റിക്സിൽ അണ്ടർ 20 പെൺകുട്ടികളുടെ വിഭാഗത്തിൽ തിളങ്ങി ഇരട്ട സഹോദരിമാരായ എസ്. അൽക്കയും എസ്. അല്‍മിയും. അല്‍മിക്ക് ഷോട്ട്പുട്ടിൽ ഒന്നാം സ്ഥാനവും അൽമിക്ക് ജാവലിൻ ത്രോയില്‍ ഒന്നാം സ്ഥാനവും ഡിസ്കസ്ത്രോയില്‍ രണ്ടാം സ്ഥാനവും ലഭിച്ചു.

സ്കൂള്‍ കായിക മത്സരത്തില്‍ ജില്ല, സംസ്ഥാന തലങ്ങളില്‍ ഒന്നാം സ്ഥാനമടക്കം നിരവധി സമ്മാനങ്ങള്‍ വാരിക്കൂട്ടിയ ഇരട്ടകള്‍ ദേശീയ സ്കൂള്‍ മീറ്റിലും കഴിവു തെളിയിച്ചിട്ടുണ്ട്. കുന്നം ഗവ. എല്‍.പി സ്കൂള്‍ അധ്യാപകൻ ഇടമുറി തോമ്പിക്കണ്ടം ചേന്നമലയില്‍ സി.പി. സുനിലാണ് പിതാവ്.