റോഡ് ഉയർത്തൽ: മാമുക്കിലെ വ്യാപാരികൾ പ്രതിഷേധിച്ചു

റാ​ന്നി: പു​ന​ലൂ​ർ-​മൂ​വാ​റ്റു​പു​ഴ റോ​ഡി​ൽ മാ​മു​ക്ക് ഭാ​ഗ​ത്ത് ഉ​യ​ർ​ത്താ​ൻ വീ​ണ്ടും അ​ട​യാ​ളം ഇ​ട്ട​തി​ൽ വ്യാ​പാ​രി​ക​ൾ പ്ര​തി​ഷേ​ധി​ച്ചു. വ്യാ​പാ​ര​സ്ഥാ​പ​ന​ങ്ങ​ൾ തു​റ​ക്കാ​ൻ എ​ത്തി​യ​പ്പോ​ഴാ​ണ്​ റാ​ന്നി മാ​മു​ക്കി​ലെ വ്യാ​പാ​രി​ക​ൾ അ​ട​യാ​ളം ഇ​ട്ട​തു​ക​ണ്ട​ത്.

ബു​ധ​നാ​ഴ്ച രാ​വി​ലെ​യാ​ണ് പു​ന​ലൂ​ർ-​മൂ​വാ​റ്റു​പു​ഴ റോ​ഡി​ൽ റാ​ന്നി വ​ലി​യ​പാ​ലം മു​ത​ൽ മാ​മു​ക്ക് ഭാ​ഗ​ത്തേ​ക്ക് ര​ണ്ടാ​മ​തും അ​ട​യാ​ളം ഇ​ട്ട​ത്. ഒ​രു​മാ​സം മു​മ്പ്​ എ​ഫ്.​ആ​ർ.​എ​ൽ ലെ​വ​ൽ അ​ട​യാ​ള​പ്പെ​ടു​ത്തി​യ​തി​ൽ​നി​ന്ന്​ ഒ​രു​മീ​റ്റ​ർ കൂ​ടി ഉ​യ​ർ​ത്തി​യാ​ണ് ഇ​പ്പോ​ൾ മാ​ർ​ക്ക് ചെ​യ്തി​രി​ക്കു​ന്ന​ത്. റോ​ഡ്​ ഉ​യ​ർ​ത്തി​യാ​ൽ റാ​ന്നി ടൗ​ണി​െൻറ മ​ധ്യ​ഭാ​ഗ​ത്തു​ള്ള മാ​മു​ക്കി​ലെ നൂ​റോ​ളം ക​ട​മു​റി​ക​ൾ ഉ​പേ​ക്ഷി​ക്കേ​ണ്ടി​വ​രും.

വ്യാ​പാ​രി​ക​ൾ സം​ഘ​ടി​ച്ച് ഉ​തി​മൂ​ട്ടി​ലു​ള്ള ഇ.​കെ.​കെ ക​ൺ​സ്ട്ര​ക്​​ഷ​ൻ ക​മ്പ​നി അ​ധി​കൃ​ത​ർ​ക്കും കെ.​എ​സ്.​ടി.​പി പൊ​ൻ​കു​ന്നം ഓ​ഫി​സി​ലെ​ത്തി എ​ൻ​ജി​നീ​യ​ർ​ക്കും പ​രാ​തി​ന​ൽ​കി.

ആ​ദ്യം​മാ​ർ​ക്ക് ചെ​യ്ത​ത​നു​സ​രി​ച്ച് ഒ​ട്ടേ​റെ ന​ഷ്​​ട​ങ്ങ​ൾ ഉ​ണ്ടാ​കു​മെ​ങ്കി​ലും പൊ​തു​ന​ന്മ​ക്കാ​യി അ​ത് സ്വീ​കാ​ര്യ​മാ​ണെ​ന്ന നി​ല​പാ​ടാ​ണ് വ്യാ​പാ​രി​ക​ൾ സ്വീ​ക​രി​ച്ച​ത്. അ​പൂ​ർ​വ​മാ​യി ഉ​ണ്ടാ​കു​ന്ന വെ​ള്ള​പ്പൊ​ക്ക​ത്തെ ഭ​യ​ന്ന് ക്ര​മാ​തീ​ത​മാ​യി റോ​ഡ് ഉ​യ​ർ​ത്തു​ന്ന​തു​മൂ​ലം ടൗ​ണി​ലെ പ്ര​ധാ​ന ഭാ​ഗ​ത്തെ വ്യാ​പാ​ര സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​നം നി​ല​ക്കും.

വ്യാ​പാ​രി​ക​ളു​ടെ​യും അ​നു​ബ​ന്ധ ജീ​വ​ന​ക്കാ​രു​ടെ​യും ഉ​പ​ജീ​വ​നം ന​ഷ്​​ട​പ്പെ​ടും. പ്ര​ദേ​ശ​ത്തെ താ​മ​സ​ക്കാ​ർ​ക്ക് ഉ​ണ്ടാ​കു​ന്ന ബു​ദ്ധി​മു​ട്ടു​ക​ളും ക​ണ​ക്കി​ലെ​ടു​ക്ക​ണ​മെ​ന്നും വ്യാ​പാ​രി​ക​ൾ ആ​വ​ശ്യ​പ്പെ​ട്ടു. മാ​മു​ക്കി​ൽ ഏ​റ്റ​വും കൂ​ടു​ത​ൽ വെ​ള്ളം ഒ​ഴു​കി​യെ​ത്തു​ന്ന ഭാ​ര​ത് പെ​ട്രോ​ൾ പ​മ്പി​ന് സ​മീ​പ​ത്തെ തേ​ക്കാ​ട്ടി​ൽ പ​ള്ളി​പ്പ​ടി റോ​ഡി​ലെ ക​ലു​ങ്ക്​ നി​ല​നി​ർ​ത്തി റോ​ഡ് നി​ർ​മാ​ണം ന​ട​ത്ത​ണ​മെ​ന്നും അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.