യാത്രക്കാർക്ക് ഭീഷണിയായി ഇടമുറിയിൽ തെരുവുനായ്​ക്കൾ

റാ​ന്നി: ഇ​ട​മു​റി​യി​ലും പ​രി​സ​ര​ത്തും തെ​രു​വു​നാ​യ്​ ശ​ല്യം വ​ർ​ധി​ച്ചു. സ്കൂ​ള്‍ കു​ട്ടി​ക​ള​ട​ക്കം വ​ഴി​യാ​ത്ര​ക്കാ​ര്‍ ഇ​വ​യെ ഭ​യ​ന്നാ​ണ് സ​ഞ്ച​രി​ക്കു​ന്ന​ത്. ശ​ല്യം രൂ​ക്ഷ​മാ​യ​തോ​ടെ പ​ഞ്ചാ​യ​ത്തി​ല്‍ പ​രാ​തി ന​ല്‍കി​യി​ട്ടും അ​ധി​കൃ​ത​ര്‍ തി​രി​ഞ്ഞു​നോ​ക്കു​ന്നി​ല്ലെ​ന്ന്​ നാ​ട്ടു​കാ​ര്‍ പ​റ​യു​ന്നു.

തോ​മ്പി​ക്ക​ണ്ടം മു​ത​ല്‍ ഇ​ട​മു​റി ജ​ങ്ഷ​ന്‍ വ​രെ​യാ​ണ് ഇ​വ​യു​ടെ ശ​ല്യം രൂ​ക്ഷം. റ​ബ​ര്‍ബോ​ര്‍ഡ്​ വ​ക തോ​ട്ട​ത്തി​ല്‍ ത​ള്ളു​ന്ന മാ​ലി​ന്യ​മാ​ണ് ഇ​വ​യെ ഇ​വി​ടേ​ക്ക് ആ​ക​ര്‍ഷി​ക്കു​ന്ന​ത്. അ​ടു​ത്തി​ടെ വീ​ട്ടു​മു​റ്റ​ത്ത് ക​ളി​ച്ചു​കൊ​ണ്ടി​രു​ന്ന കു​ട്ടി​യെ തെ​രു​വു​നാ​യ്​ ക​ടി​ച്ച്​ മു​റി​വേ​ല്‍പി​ച്ച സം​ഭ​വം ഉ​ണ്ടാ​യി​രു​ന്നു. പ​രാ​തി​ക​ള്‍ ഉ​യ​ര്‍ന്ന​തോ​ടെ മു​മ്പ് നാ​യ​ക​ളെ പി​ടി​കൂ​ടി വ​ന്ധ്യം​ക​രി​ച്ചി​രു​ന്നു.

ഇ​ങ്ങ​നെ പി​ടി​കൂ​ടി​യ​വ​യെ വ​ന്ധ്യം​ക​രി​ച്ച​ശേ​ഷം വീ​ണ്ടും ഇ​വി​ടെ​ത്ത​ന്നെ കൊ​ണ്ടു​വ​ന്നു​വി​ട്ട​താ​യും നാ​ട്ടു​കാ​ര്‍ ആ​രോ​പി​ക്കു​ന്നു. ശ​ല്യം വ​ർ​ധി​ച്ച​തോ​ടെ കു​ട്ടി​ക​ളെ ഒ​റ്റ​ക്ക്​ സ്കൂ​ളി​ല്‍ വി​ടാ​ന്‍ മ​ടി​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു. ഏ​തു​സ​മ​യ​വും നാ​യ​ക​ളു​ടെ ആ​ക്ര​മ​ണം ഭ​യ​ന്നാ​ണ് ജ​ന​ങ്ങ​ള്‍ ഇ​തു​വ​ഴി ക​ട​ന്നു​പോ​കു​ന്ന​ത്.