ആരോട്​ പറയാൻ, ആര്​ കേൾക്കാൻ

റാ​ന്നി : വീ​തി വ​ർ​ധി​പ്പി​ച്ച റാ​ന്നി- അ​ത്തി​ക്ക​യം റോ​ഡി​ലെ ചെ​ത്തോ​ങ്ക​ര- അ​ത്തി​ക്ക​യം ഭാ​ഗ​ത്തെ ക​രി​കു​ളം സം​ര​ക്ഷി​ത വ​ന​മേ​ഖ​ല​യി​ൽ മ​ര​ക്കു​റ്റി നി​ല​നി​ർ​ത്തി കോ​ൺ​ക്രീ​റ്റ് ചെ​യ്തു. റോ​ഡി​ന്റെ വ​ശ​ത്താ​ണ് മ​ര​ത്തി​ന്റെ കു​റ്റി കോ​ൺ​ക്രീ​റ്റി​ന് മു​ക​ളി​ലേ​ക്ക് ഉ​യ​ർ​ന്നു​നി​ൽ​ക്കു​ന്ന​ത്. ഇ​തു​മൂ​ലം അ​പ​ക​ട​ങ്ങ​ൾ​ക്ക് സാ​ധ്യ​ത​യേ​റി​യ​താ​യി നാ​ട്ടു​കാ​ർ പ​റ​ഞ്ഞു. ഇ​തേ​ഭാ​ഗ​ത്ത് റോ​ഡി​ന്റെ സം​ര​ക്ഷ​ണ ഭി​ത്തി​ക്ക് പ​ല​യി​ട​ത്തു​മു​ള്ള ത​ക​രാ​ർ പ​രി​ഹ​രി​ക്കാ​തെ അ​തേ കെ​ട്ടി​ന് മു​ക​ളി​ൽ ക​ല്ല് കെ​ട്ടി വാ​ർ​ക്കു​ക​യാ​യി​രു​ന്നെ​ന്നും പ​രാ​തി​യു​ണ്ട്.

റാ​ന്നി​യി​ൽ നി​ന്ന് കി​ഴ​ക്ക​ൻ മേ​ഖ​ല​യി​ലേ​ക്കു​ള്ള പ്ര​ധാ​ന റോ​ഡു​ക​ളി​ലൊ​ന്നാ​ണി​ത്. പു​ന​ലൂ​ർ -മൂ​വാ​റ്റു​പു​ഴ സം​സ്ഥാ​ന പാ​ത​യെ കി​ഴ​ക്ക​ൻ മേ​ഖ​ല​യി​ലെ പ്ര​ധാ​ന കേ​ന്ദ്ര​ങ്ങ​ളാ​യ അ​ത്തി​ക്ക​യം, പെ​രു​നാ​ട്, വെ​ച്ചൂ​ച്ചി​റ, കു​ട​മു​രു​ട്ടി എ​ന്നീ ടൗ​ണു​ക​ളു​മാ​യി ബ​ന്ധി​പ്പി​ക്കു​ന്ന റോ​ഡ് ശ​ബ​രി​മ​ല​യു​ടെ മ​റ്റൊ​രു പ്ര​ധാ​ന ഉ​പ​വ​ഴി​യാ​ണ്.

ശ​ബ​രി​മ​ല സീ​സ​ൺ കാ​ല​ത്ത് ഇ​തു​വ​ഴി​യാ​ണ് വാ​ഹ​ന​ങ്ങ​ൾ വഴിതി​രി​ച്ചു​വി​ടു​ന്ന​ത്. നേ​ര​ത്തെ ബി.​എം.​ബി.​സി നി​ല​വാ​ര​ത്തി​ൽ പു​ന​രു​ദ്ധ​രി​ച്ച ഈ റോ​ഡി​ന് വീ​തി വ​ള​രെ കു​റ​വാ​ണ്. പ​ല​ഭാ​ഗ​ങ്ങ​ളി​ലും കൊ​ടും വ​ള​വു​ക​ളും മ​ൺ​തി​ട്ട​ക​ളു​മാ​ണ്. റോ​ഡി​ന്റെ വീ​തി കൂ​ട്ടു​ക, വ​ള​വു​ക​ൾ നി​വ​ർ​ക്കു​ക, വ​ശ​ങ്ങ​ൾ കെ​ട്ടി സം​ര​ക്ഷി​ക്കു​ക, ഓ​ട​ക​ൾ നി​ർ​മി​ക്കു​ക, അ​പ​ക​ട സൂ​ച​നാ​ബോ​ർ​ഡു​ക​ൾ സ്ഥാ​പി​ക്കു​ക, ഇ​ന്റ​ർ​ലോ​ക്ക് ക​ട്ട​ക​ൾ പാ​കു​ക തു​ട​ങ്ങി​യ​വ​ക്കാ​യാണ് ഫ​ണ്ട് അ​നു​വ​ദി​ച്ചി​രി​ക്കു​ന്ന​ത്. എന്നാൽ പ​ല​ഭാ​ഗ​ത്തും ആ​ളു​ക​ൾ സ്ഥ​ലം വി​ട്ടു​ന​ൽ​കാ​ത്ത​തും മറ്റൊരു പ്ര​തി​സ​ന്ധി​യാ​ണ്.