ശരാശരി മാർക്കുമായി പഴവങ്ങാടി പഞ്ചായത്ത്

റാ​ന്നി: റാ​ന്നി ബ്ലോ​ക്കി​ലെ വ​ലി​യ പ​ഞ്ചാ​യ​ത്തു​ക​ളി​ലൊ​ന്നാ​ണ് റാ​ന്നി- പ​ഴ​വ​ങ്ങാ​ടി. റാ​ന്നി ടൗ​ണി​ന്‍റെ ഹൃ​ദ​യ​ഭാ​ഗ​ത്ത് സ്ഥി​തി​ചെ​യ്യു​ന്ന പ​ഞ്ചാ​യ​ത്തി​ൽ ആ​കെ 17 വാ​ർ​ഡു​ക​ളു​ണ്ട്. ഇ​പ്പോ​ൾ ഭ​രി​ക്കു​ന്ന​ത് യു.​ഡി.​എ​ഫ്. ക​ക്ഷി​നി​ല: യു.​ഡി.​എ​ഫ് - 10, എ​ൽ.​ഡി.​എ​ഫ് - 5, സ്വ​ത​ന്ത്ര​ർ - 2. ഭ​ര​ണം തു​ട​ങ്ങി ഒ​രു​വ​ർ​ഷം പി​ന്നി​ടു​മ്പോ​ൾ നേ​ട്ട​ങ്ങ​ളും കോ​ട്ട​ങ്ങ​ളു​മാ​യി പ​ഞ്ചാ​യ​ത്ത് ഭ​ര​ണ​സ​മി​തി മു​ന്നോ​ട്ടു​പോ​കു​ന്നു.

കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ പ​ഞ്ചാ​യ​ത്ത് ഒ​രു പ​ടി മു​ന്നി​ലാ​യി​രു​ന്നു. അ​തേ​സ​മ​യം അ​ടി​സ്ഥാ​ന കാ​ര്യ​ങ്ങ​ളി​ൽ ഇ​നി​യും മു​ന്നോ​ട്ടു​പോ​കാ​നു​ണ്ടെ​ന്നാ​ണ്​ പൊ​തു അ​ഭി​പ്രാ​യം. ടൗ​ണി​ന്‍റെ മു​ഖ​ച്ഛാ​യ മാ​റ്റു​ന്ന​തി​ൽ വ​ലി​യ പ​ങ്ക് വ​ഹി​ക്കാ​ൻ ക​ഴി​യു​ന്നി​ല്ല.

ഇ​ട്ടി​യ​പ്പാ​റ​യി​ലെ അ​ടു​ത്ത​ടു​ത്ത ര​ണ്ട് ബ​സ്റ്റാ​ൻ​ഡി​ന്‍റെ സ്ഥി​തി ശോ​ച​നീ​യ​മാ​ണെ​ന്ന്​ ചൂ​ണ്ടി​കാ​ട്ടു​ന്ന​വ​ർ നി​ര​വ​ധി​യാ​ണ്. കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ലേ​ക്ക് മ​ഴ​ക്കാ​ല​ത്ത് ക​യ​റാ​ൻ പ്ര​യാ​സം. പ്രൈ​വ​റ്റ് സ്റ്റാ​ൻ​ഡി​ന് കു​റ​ച്ച് വി​ക​സ​നം അ​നി​വാ​ര്യ​മാ​ണ്.

നി​ന്നു​തി​രി​യാ​ൻ ഇ​ട​മി​ല്ല. ബൈ​പാ​സ് റോ​ഡി​ൽ​നി​ന്ന് സ്റ്റാ​ൻ​ഡു​ക​ളി​ലേ​ക്ക് ക​യ​റി വ​രു​ന്ന​വ​ഴി ത​ക​ർ​ന്നു​കി​ട​ക്കു​ക​യാ​ണ്. അ​തേ​പോ​ലെ മു​ഖ്യ പ്ര​ശ്ന​ങ്ങ​ളി​ലൊ​ന്നാ​ണ് മാ​ലി​ന്യ സം​സ്ക്ക​ര​ണം. നി​റ​യെ വ്യാ​പാ​ര സ്ഥാ​പ​ന​ങ്ങ​ളും മ​റ്റും സ്ഥി​തി​ചെ​യ്യു​ന്ന ഇ​വി​ടെ മാ​ലി​ന്യം അ​ടി​ക്ക​ടി വ​ർ​ധി​ക്കു​ന്നു. ഇ​വ സം​സ്ക്ക​രി​ക്കു​ന്ന പ​ദ്ധ​തി​ക​ൾ അ​ത്ര​ക​ണ്ട് വി​ജ​യി​ച്ചി​ട്ടി​ല്ല. കോ​വി​ഡ് കാ​ല​ത്ത് അ​ട​ച്ചു പൂ​ട്ടി​യ മാ​ർ​ക്ക​റ്റ് തു​റ​ന്നെ​ങ്കി​ലും ഉ​ണ​ർ​വി​ല്ല. മ​ത്സ്യ​ഫെ​ഡി​ന്‍റെ വി​ൽ​പ​ന​കേ​ന്ദ്രം ആ​രം​ഭി​ച്ച​തും ജ​ന​കീ​യ​ഹോ​ട്ട​ലും പ​ഞ്ചാ​യ​ത്തി​ന്‍റെ നേ​ട്ട​ങ്ങ​ളാ​ണ്. അ​തേ​സ​മ​യം, ഭ​ര​ണം ന​ഷ്ട​പ്പെ​ട്ട ഇ​ട​തു​പ​ക്ഷം ശ​ക്താ​മ​യി രം​ഗ​ത്തു​ണ്ട്.

ഒരുവർഷംകൊണ്ട് ഒരുപാട് കാര്യങ്ങൾ ചെയ്തു -അ​നി​ത

റാ​ന്നി: റാ​ന്നി പ​ഴ​വ​ങ്ങാ​ടി പ​ഞ്ചാ​യ​ത്ത് ഭ​ര​ണ​സ​മി​തി കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ ജ​ന​ങ്ങ​ളോ​ടൊ​പ്പം​നി​ന്ന് പ്ര​വ​ർ​ത്തി​ക്കു​ന്നു. റാ​ന്നി ഇ​ട്ടി​യ​പ്പാ​റ​യി​ൽ കു​ടും​ബ​ശ്രീ​യു​ടെ ജ​ന​കീ​യ ഹോ​ട്ട​ൽ പ്ര​വ​ർ​ത്ത​നം ന​ട​ക്കു​ന്നു.

റാ​ന്നി സെ​ന്‍റ്​ തോ​മ​സ് കോ​ള​ജി​ൽ സി.​എ​ഫ്.​എ​ൽ.​ടി.​സി പ്ര​വ​ർ​ത്ത​ന​മാ​രം​ഭി​ച്ചെ​ങ്കി​ലും രോ​ഗി​ക​ൾ കു​റ​വാ​യ​തി​നാ​ലും കോ​ള​ജി​ൽ കു​ട്ടി​ക​ളു​ടെ പ​രീ​ക്ഷ ന​ട​ക്കു​ന്ന​തി​നാ​ലും അ​ട​ച്ചു​പൂ​ട്ടി. റാ​ന്നി ഇ​ട്ടി​യ​പ്പാ​റ​യി​ൽ മ​ത്സ്യ​ഫെ​ഡ് സ്റ്റാ​ൾ തു​റ​ന്നു. ജ​ണ്ടാ​യി​ക്ക​ലി​ൽ ഗ്യാ​സ് ക്രി​മി​റ്റോ​റി​യ​തി​ന്‍റെ പ​ണി ​ധൃ​ത​ഗ​തി​യി​ൽ ന​ട​ക്കു​ന്നു.

ഗ്രാ​മ​പ​ഞ്ചാ​യ​ത്തി​ൽ അ​ഞ്ച്, നാ​ല് വാ​ർ​ഡു​ക​ളി​ൽ അം​ഗ​ൻ​വാ​ടി​ക​ൾ പ്ര​വ​ർ​ത്ത​നം തു​ട​ങ്ങി. എ​ല്ലാ വാ​ർ​ഡു​ക​ളി​ലും അ​ഞ്ചു​ല​ക്ഷം രൂ​പ​യു​ടെ ഗ്രാ​മീ​ണ റോ​ഡു​ക​ൾ കോ​ൺ​ക്രീ​റ്റ്​ ചെ​യ്യു​ന്ന​തി​ന് ടെ​ൻ​ഡ​ർ ക്ഷ​ണി​ച്ചു. 17 വാ​ർ​ഡു​ക​ളി​ലും കു​ടി​വെ​ള്ള​ത്തി​നു​വേ​ണ്ടി ഓ​രോ​ല​ക്ഷം രൂ​പ വീ​തം പൈ​പ്പ് ലൈ​നു​ക​ൾ സ്ഥാ​പി​ക്കു​ന്ന​തി​ന്​ വാ​ട്ട​ർ അ​തോ​റി​റ്റി​യി​ൽ അ​ട​ച്ചി​ട്ടു​ണ്ട്.

ഉ​യ​ർ​ന്ന പ്ര​ദേ​ശ​ത്ത് ആ​ൾ​ത്താ​മ​സം ഇ​ല്ലാ​ത്ത സ്ഥ​ലം നോ​ക്കി വ​സ്തു​വാ​ങ്ങി മാ​ലി​ന്യ​നി​ർ​മാ​ർ​ജ​നം ന​ട​ത്തു​ന്ന​തി​ന് ശ്ര​മം ന​ട​ത്തു​ന്നു. ഇ​ട്ടി​യ​പ്പാ​റ കോ​ള​ജ് റോ​ഡി​ൽ പ​ണി​യു​ന്ന വ​ഴി​യി​ടം ടേ​ക്ക് എ ​ബ്രേ​ക്ക് പ്ര​വ​ർ​ത്ത​നം ആ​രം​ഭി​ച്ചു. ഇ​ട്ടി​യ​പ്പാ​റ​യി​ൽ ഷോ​പ്പി​ങ് കോം​പ്ല​ക്സ്, പ​ഞ്ചാ​യ​ത്ത് ആ​സ്ഥാ​ന മ​ന്ദി​രം എ​ന്നി​വ പ​ണി​യു​ന്ന​തി​ന് ആ​റു​ല​ക്ഷം രൂ​പ എ​സ്റ്റി​മേ​റ്റ്, പ്ലാ​ൻ എ​ന്നി​വ ത​യാ​റാ​ക്കു​ന്ന​തി​നാ​യി ഉ​ൾ​പ്പെ​ടു​ത്തി. കെ.​എ​സ്.​ഇ.​ബി​ക്ക് വൈ​ദ്യു​തി ന​ൽ​കാ​ൻ ക​ഴി​ഞ്ഞ​ത്​ എ​ടു​ത്തു​പ​റ​യ​ത്ത​ക്ക നേ​ട്ട​മാ​ണ്. റാ​ന്നി ഇ​ട്ടി​യ​പ്പാ​റ ബ​സ് സ്റ്റേ​ഷ​നി​ൽ പൊ​ളി​ഞ്ഞ പൊ​ലീ​സ് എ​യ്ഡ് പോ​സ്റ്റ് പ​ണി​യു​ന്ന​തി​ന് ടെ​ൻ​ഡ​ർ ക്ഷ​ണി​ച്ചു. ഇ​ട്ടി​യ​പാ​റ മാ​ർ​ക്ക​റ്റി​നോ​ട് ചേ​ർ​ന്ന് മു​മ്പു​ണ്ടാ​യി​രു​ന്ന സൈ​റ​ൺ മാ​റ്റി പു​തി​യ​ത് സ്ഥാ​പി​ക്കും.

അ​നി​ത അ​നി​ൽ​കു​മാ​ർ (പ​ഴ​വ​ങ്ങാ​ടി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​)

വികസന നേട്ടങ്ങൾ ചൂണ്ടികാണിക്കാനില്ല - ഷൈനി രാജീവ്

റാ​ന്നി: റാ​ന്നി-​പ​ഴ​വ​ങ്ങാ​ടി ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ ഒ​രു​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളെ​പ്പ​റ്റി ജ​നം നി​രാ​ശ​രാ​ണ്. ക​ഴി​ഞ്ഞ എ​ൽ.​ഡി.​എ​ഫ് ഭ​ര​ണ​സ​മി​തി ന​ട​പ്പി​ലാ​ക്കി​യ വി​ക​സ​ന പ​ദ്ധ​തി​ക​ൾ അ​ട്ടി​മ​റി​ക്കു​ക​യാ​യി​രു​ന്നു. പ​ഞ്ചാ​യ​ത്തി​ന്‍റെ പൊ​തു​വി​ക​സ​ന​ത്തി​ന് പ​ദ്ധ​തി​ക​ൾ ആ​വി​ഷ്ക്ക​രി​ക്കു​ന്നി​ല്ല.

റാ​ന്നി ടൗ​ണി​ന്‍റെ തീ​രാ​ശാ​പ​മാ​യി​രു​ന്ന മാ​ലി​ന്യ സം​സ്ക്ക​ര​ണ പ​ദ്ധ​തി​യാ​യ തു​മ്പൂ​ർ​മു​ഴി പ​ദ്ധ​തി അ​ട്ടി​മ​റി​ച്ചു. തു​മ്പൂ​ർ​മു​ഴി, ഹ​രി​ത ക​ർ​മ​സേ​ന, പ്ലാ​സ്റ്റി​ക് ഷ്രെ​ഡി​ങ്​ യൂ​നി​റ്റ്, ടൗ​ണി​ൽ സി.​സി ടി.​വി സ്ഥാ​പി​ക്ക​ൽ, ക്ലീ​ൻ കേ​ര​ള ക​മ്പ​നി എ​ന്നി​വ സം​യോ​ജി​പ്പി​ച്ചാ​ണ് ടൗ​ണി​ലെ​യും വാ​ർ​ഡു​ക​ളി​ലെ​യും മാ​ലി​ന്യ നി​ർ​മാ​ർ​ജ​നം ചെ​യ്തി​രു​ന്ന​ത്.

90 ശ​ത​മാ​നം നി​ർ​മാ​ണം പൂ​ർ​ത്തി​യാ​ക്കി​യ ജ​ണ്ടാ​യി​ക്ക​ലി​ലെ വാ​ത​ക ശ്മ​ശാ​നം നി​ർ​മാ​ണ പ്ര​വ​ർ​ത്ത​നം നി​ല​ച്ചു. ബ​സ് സ്റ്റാ​ൻ​ഡ് ന​വീ​ക​ര​ണ​ത്തി​ന് പ​ദ്ധ​തി​ക​ൾ ഇ​ല്ല. ക​ഴി​ഞ്ഞ ഭ​ര​ണ​സ​മി​തി നി​ർ​മാ​ണം പൂ​ർ​ത്തീ​ക​രി​ച്ച കൃ​ഷി ഭ​വ​ൻ സ്വ​ന്തം കെ​ട്ടി​ട​ത്തി​ലേ​ക്ക് മാ​റ്റി​സ്ഥാ​പി​ക്കു​വാ​ൻ ക​ഴി​ഞ്ഞി​ട്ടി​ല്ല. ശോ​ച്യാ​വ​സ്ഥ നേ​രി​ടു​ന്ന മൃ​ഗാ​ശു​പ​ത്രി കെ​ട്ടി​ട​ത്തി​ന് പ​ക​രം പു​തി​യ കെ​ട്ടി​ടം നി​ർ​മി​ക്കാ​ൻ പ​ദ്ധ​തി​യി​ല്ല. മ​ക്ക​പ്പു​ഴ​യി​ൽ പ്ര​വ​ർ​ത്തി​ക്കു​ന്ന പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തോ​ട് അ​വ​ഗ​ണ​ന.

റാ​ന്നി സെ​ന്‍റ്​ തോ​മ​സ് കോ​ള​ജി​ലെ കോ​വി​ഡ് കെ​യ​ർ സെ​ന്‍റ​ർ പ്ര​വ​ർ​ത്ത​ന​ത്തി​ന് തു​ട​ർ ന​ട​പ​ടി സ്വീ​ക​രി​ച്ചി​ല്ല. ആ​ന്‍റോ ആ​ന്‍റ​ണി എം.​പി​യു​ടെ ഫ​ണ്ടി​ൽ​നി​ന്ന്​ ല​ഭി​ച്ച ആം​ബു​ല​ൻ​സ് നാ​ല് മാ​സ​മാ​യി ഉ​പ​യോ​ഗി​ക്കാ​തെ കി​ട​ക്കു​ന്നു. വി​ക​സ​ന മു​ര​ടി​പ്പി​നും കെ​ടു​കാ​ര്യ​സ്ഥ​ത​ക്കു​മെ​തി​രെ ഒ​രു വ​ർ​ഷ​ക്കാ​ല​ത്തി​നി​ട​യി​ൽ എ​ൽ.​ഡി.​എ​ഫ് നേ​തൃ​ത്വ​ത്തി​ൽ പ​ഞ്ചാ​യ​ത്ത് ഓ​ഫി​സി​നു മു​ന്നി​ൽ തു​ട​ർ​ച്ച​യാ​യ 18 ദി​വ​സം സ​മ​രം ന​ട​ത്തേ​ണ്ടി​വ​ന്നു.

ഷൈ​നി രാ​ജീ​വ് (എ​ൽ.​ഡി.​എ​ഫ്)