പൊതുസ്ഥലത്ത് മാലിന്യം തള്ളി പഞ്ചായത്ത്​ ‘മാതൃക’ ​

റാ​ന്നി: പ​ഴ​വ​ങ്ങാ​ടി പ​ഞ്ചാ​യ​ത്തി​ന്‍റെ മ​ഴ​ക്കാ​ല പൂ​ര്‍വ ശു​ചീ​ക​ര​ണം ‘വെ​റും ഷോ’​യെ​ന്ന് ആ​ക്ഷേ​പം. ഇ​ട്ടി​യ​പ്പാ​റ സ്വ​കാ​ര്യ ബ​സ് സ്റ്റാ​ന്‍ഡി​ല്‍ വ്യാ​പാ​ര സ്ഥാ​പ​ന​ങ്ങ​ള്‍ക്ക് സ​മീ​പം പൊ​ക്ക വി​ള​ക്കി​ന് ചു​റ്റു​മാ​യി മാ​ലി​ന്യം ത​ള്ളി​യി​രി​ക്കു​ക​യാ​ണ്​ പ​ഞ്ചാ​യ​ത്ത് ജീ​വ​ന​ക്കാ​ര്‍.

ഹ​രി​ത ക​ർ​മ​സേ​ന വ്യാ​പാ​ര​സ്ഥാ​പ​ന​ങ്ങ​ളി​ൽ നി​ന്നും ശേ​ഖ​രി​ച്ച​വ​യാ​ണി​ത്. മ​ഴ​യ​ത്ത് കൊ​ണ്ടു​വ​ന്ന് ഇ​ട്ടി​രി​ക്കു​ന്ന മാ​ലി​ന്യം ചീ​ഞ്ഞു​ദു​ർ​ഗ​ന്ധം വ​മി​ക്കു​ന്ന നി​ല​യി​ലാ​ണ് ഇ​പ്പോ​ൾ. മാ​ലി​ന്യം ശേ​ഖ​രി​ച്ചു​കൊ​ണ്ടി​രു​ന്ന പ​ഞ്ചാ​യ​ത്തി​ന്‍റെ സ്വ​ന്തം വാ​ഹ​നം കാ​ലാ​വ​ധി ക​ഴി​ഞ്ഞ​തി​നാ​ൽ ഓ​ടി​ക്കാ​നാ​വി​ല്ല.

അ​തി​നാ​ല്‍ വാ​ട​ക വാ​ഹ​ന​ത്തി​ലാ​ണ് ഇ​പ്പോ​ൾ മാ​ലി​ന്യ​ങ്ങ​ൾ നീ​ക്കു​ന്ന​ത്. ഇ​തി​ന് ചു​മ​ത​ല​പ്പെ​ടു​ത്തി​യി​രി​ക്കു​ന്ന​വ​ർ ശേ​ഖ​രി​ച്ച മാ​ലി​ന്യ​ങ്ങ​ൾ രാ​ത്രി​യി​ൽ കൊ​ണ്ടു​വ​ന്ന് ന​ഗ​ര ഹൃ​ദ​യ​ത്തി​ൽ ത​ള്ളു​ക​യാ​യി​രു​ന്നു.

ഇ​പ്പോ​ൾ മാ​ലി​ന്യം ത​ള്ളി​യി​രി​ക്കു​ന്ന​തി​ന്​ പി​ന്നി​ലാ​യി പ​ഞ്ചാ​യ​ത്തി​ന്‍റെ ഷെ​ഡ്രി​ങ് യൂ​ണി​റ്റ് സ്ഥി​തി​ചെ​യ്യു​ന്നു​ണ്ട്. അ​വി​ടെ നി​ന്നു​മാ​ണ് ജൈ​വ, അ​ജൈ​വ മാ​ലി​ന്യ​ങ്ങ​ള്‍ ത​രം​തി​രി​ച്ചു മാ​റ്റു​ന്ന​ത്. ക​ഴി​ഞ്ഞ ര​ണ്ടു ദി​വ​സ​മാ​യി പ​ഞ്ചാ​യ​ത്തി​ല്‍ ജ​ന​പ്ര​തി​നി​ധി​ക​ളു​ടെ നേ​തൃ​ത്വ​ത്തി​ൽ മ​ഴ​ക്കാ​ല​പൂ​ർ​വ ശു​ചീ​ക​ര​ണം വ​ള​രെ ഗം​ഭീ​ര​മാ​യി ന​ട​ത്തി​യി​രു​ന്നു. ഇ​തി​നു പി​ന്നാ​ലെ പൊ​തു​സ്ഥ​ല​ത്ത് മാ​ലി​ന്യം ത​ള്ളി​യ​തോ​ടെ പ​ഞ്ചാ​യ​ത്തി​ന്റെ ശു​ചീ​ക​ര​ണ​പ്ര​വൃ​ത്തി​ക​ൾ പ്ര​ഹ​സ​ന​മാ​യി മാ​റി​യെ​ന്നാ​ണ് ആ​ക്ഷേ​പം.