കാണാതായ യുവാവിൻെറ മൃതദേഹം ചീഞ്ഞളിഞ്ഞ നിലയിൽ കണ്ടെത്തി

റാന്നി: കാണാതായ യുവാവിൻെറ മൃതദേഹം സ്വകാര്യ വ്യക്തിയുടെ കാട് പിടിച്ച പുരയിടത്തിൽ കണ്ടെത്തി. പഴവങ്ങാടി കരികുളം ഒഴുവൻപാറ മുട്ടുമണ്ണിൽ സജിയുടെ മകൻ രാഹുൽ മോൻെറ (സജിത്ത് - 23) മൃതദേഹമാണ് ഒഴുവൻ പാറ ഗാർഡ് സ്റ്റേഷനു സമീപം ചീഞ്ഞളിഞ്ഞ നിലയിൽ കണ്ടത്.

ഈ മാസം എഴ്​ മുതൽ രാഹുലിനെ കാണാനില്ലായിരുന്നു. ഇത് സംബന്ധിച്ച് റാന്നി പൊലീസ്​ സ്​റ്റേഷനിൽ പരാതി നൽകിയിരുന്നു. കാട് തെളിക്കാൻ വന്നവരാണ് തിങ്കളാഴ്ച വൈകുന്നേരം നാലരയോട് മൃതദേഹം കണ്ടത്.

നേരത്തെ ഡ്രൈവറായിരുന്ന രാഹുൽ കൂലിപ്പണിക്ക് പോയിക്കൊണ്ടിരിക്കുകയായിരുന്നു. ഭാര്യ മായ.