കാടും പടലും മൂടി ഇടമുറി മലയാറ്റുപടി-അമ്പലംപടി റോഡ്

റാ​ന്നി: കാ​ടും പ​ട​ലും മൂ​ടി ഇ​ട​മു​റി മ​ല​യാ​റ്റു​പ​ടി- അ​മ്പ​ലം​പ​ടി റോ​ഡ് യാ​ത്ര​ക്കാ​രെ ദു​രി​ത​ത്തി​ലാ​ക്കു​ന്നു. ഇ​തി​ന്​ പ​രി​ഹാ​രം കാ​ണ​ണ​മെ​ന്ന പ്ര​ദേ​ശ​വാ​സി​ക​ളു​ടെ ആ​വ​ലാ​തി​ക്ക് ഇ​നി​യും അ​റു​തി​യാ​യി​ല്ല. ഇ​ട​മു​റി മ​ല​യാ​റ്റു​പ​ടി​യി​ൽ​നി​ന്ന് റ​ബ​ർ ബോ​ർ​ഡ് ച​പ്പാ​ത്ത്-​ഇ​ര​പ്പം​പാ​റ-​ശാ​സ്താം​ക​ണ്ടം- ഇ​ട​മു​റി അ​മ്പ​ലം​പ​ടി റോ​ഡ്​ വി​ക​സ​ന​മാ​ണ് കാ​ല​ങ്ങ​ളാ​യി നീ​ളു​ന്ന​ത്.

കാ​ട്ടു​പ​ന്നി​യെ​യും ഇ​ഴ​ജ​ന്തു​ക്ക​ളെ​യും ഭ​യ​ന്നു​വേ​ണം ഇ​തു​വ​ഴി കാ​ല്‍ന​ട, വാ​ഹ​ന​യാ​ത്ര ന​ട​ത്താ​ന്‍. അ​ര​നൂ​റ്റാ​ണ്ട്​ മു​മ്പ്​ നി​ർ​മി​ച്ച ഒ​ന്നേ​മു​ക്കാ​ല്‍ കി​ലോ​മീ​റ്റ​ര്‍ ദൂ​രം വ​രു​ന്ന റോ​ഡി​ന്റെ വി​ക​സ​നം ഇ​ന്നും പ്ര​ഖ്യാ​പ​ന​ത്തി​ൽ മാ​ത്രം ഒ​തു​ങ്ങു​ക​യാ​ണ്.

ചേ​ത്ത​യ്ക്ക​ൽ-​പു​ള്ളി​ക്ക​ല്ല്, മു​ക്ക​ട-​ഇ​ട​മ​ൺ-​അ​ത്തി​ക്ക​യം റോ​ഡു​ക​ളെ​യും പ​ഴ​വ​ങ്ങാ​ടി, നാ​റാ​ണം​മൂ​ഴി പ​ഞ്ചാ​യ​ത്തു​ക​ളെ​യും ബ​ന്ധി​പ്പി​ക്കു​ന്ന പ്ര​ധാ​ന ഇ​ട​റോ​ഡാ​ണി​ത്. റ​ബ​ർ ബോ​ർ​ഡി​ന്റെ ചേ​ത്ത​യ്ക്ക​ൽ പ​രീ​ക്ഷ​ണ​ത്തോ​ട്ട​ത്തി​ന്റെ വ​ശ​ത്തു​കൂ​ടി​യാ​ണ് ഈ ​റോ​ഡ് ക​ട​ന്നു​പോ​കു​ന്ന​ത്. റ​ബ​ർ പ​രീ​ക്ഷ​ണ തോ​ട്ടം ആ​രം​ഭി​ച്ച​പ്പോ​ൾ തോ​ട്ട​ത്തി​നു​ള്ളി​ലൂ​ടെ​യു​ള്ള റോ​ഡ് അ​ട​ച്ചി​രു​ന്നു. അ​തോ​ടെ ഇ​തി​നു സ​മീ​പ​ത്തു​ള്ള​വ​രു​ടെ സ​ഞ്ചാ​ര​മാ​ര്‍ഗം അ​ട​ഞ്ഞു. തു​ട​ർ​ന്ന് നാ​ട്ടു​കാ​ർ കോ​ട​തി ഉ​ത്ത​ര​വി​ലൂ​ടെ നേ​ടി​യെ​ടു​ത്ത വ​ഴി​യാ​ണി​ത്. ഇ​തി​ന്റെ ഒ​രു​വ​ശം കു​ള​ത്തു​ങ്ക​ല്‍-​ഇ​ര​പ്പ​ന്‍പാ​റ നീ​രൊ​ഴു​ക്കു തോ​ടും മ​റു​വ​ശം തോ​ട്ട​ത്തി​ന്‍റെ അ​തി​രു​മാ​ണ്.

തോ​ടി​ന്റെ വ​ശ​ത്ത് തു​ട​ക്ക​ഭാ​ഗ​ത്തു മാ​ത്ര​മാ​ണ് സം​ര​ക്ഷ​ണ​ഭി​ത്തി പ​ണി​തി​ട്ടു​ള്ള​ത്. മ​ഴ​ക്കാ​ല​ങ്ങ​ളി​ല്‍ വാ​ഹ​ന​ങ്ങ​ൾ വ​ശം ചേ​ർ​ത്താ​ൽ അ​പ​ക​ട​ത്തി​ൽ​പെ​ടും. ജി​ല്ല പ​ഞ്ചാ​യ​ത്ത്, നാ​റാ​ണം​മൂ​ഴി പ​ഞ്ചാ​യ​ത്ത്, മു​ൻ എം.​പി പി.​ജെ. കു​ര്യ​ൻ, മു​ൻ എം.​എ​ൽ.​എ രാ​ജു എ​ബ്ര​ഹാം എ​ന്നി​വ​രു​ടെ ഫ​ണ്ട് ചെ​ല​വ​ഴി​ച്ച് കു​റെ ഭാ​ഗം മെ​ച്ച​പ്പെ​ടു​ത്തി​യി​രു​ന്നു. ബാ​ക്കി ഭാ​ഗം കാ​ടു​ക​യ​റി സ​ഞ്ചാ​ര​മാ​ര്‍ഗ​മി​ല്ലാ​തെ കി​ട​ക്കു​ക​യാ​ണ്.

ത്രി​ത​ല പ​ഞ്ചാ​യ​ത്തു​ക​ളോ എം.​പി, എം.​എ​ല്‍.​എ ഫ​ണ്ടു​ക​ളോ അ​നു​വ​ദി​ച്ചാ​ല്‍ മാ​ത്ര​മേ റോ​ഡ്​ നി​ര്‍മാ​ണം പൂ​ർ​ത്തി​യാ​ക്കാ​നാ​കൂ. ഇ​തി​നാ​യി നാ​ട്ടു​കാ​ര്‍ മു​ട്ടാ​ത്ത വാ​തി​ലു​ക​ളി​ല്ല. റാ​ന്നി ബ്ലോ​ക്ക്​ പ​ഞ്ചാ​യ​ത്ത് എ​ൻ​ജി​നീ​യ​റി​ങ് വി​ഭാ​ഗം എ​സ്റ്റി​മേ​റ്റ് ത​യാ​റാ​ക്കി ത​ദ്ദേ​ശ സ്വ​യം​ഭ​ര​ണ വ​കു​പ്പ് ഡ​യ​റ​ക്ട​ര്‍ക്ക് സ​മ​ര്‍പ്പി​ച്ചി​ട്ടു​ണ്ട്. എ​ന്നാ​ല്‍, അ​തി​ന്‍റെ തു​ട​ര്‍ന​ട​പ​ടി​യൊ​ന്നും ആ​യി​ട്ടി​ല്ല. ദു​രി​ത​ത്തി​ന് അ​റു​തി വ​രു​ത്താ​ന്‍ ന​ട​പ​ടി​യു​ണ്ടാ​ക​ണ​മെ​ന്നാ​ണ് അ​ധി​കാ​രി​ക​ളോ​ട്​ നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.