റാന്നിയിൽ പുലിയെ ക​ണ്ടെന്ന്​; ആശങ്കയിൽ നാട്ടുകാർ

റാ​ന്നി: പ​ഴ​വ​ങ്ങാ​ടി പ​ഞ്ചാ​യ​ത്തി​ലെ ഐ​ത്ത​ല വാ​യ​ന​ശാ​ല​പ്പ​ടി​ക്കു സ​മീ​പം പു​ലി​യെ​ന്ന്​ സം​ശ​യി​ക്കു​ന്ന ജീ​വി​യെ ക​ണ്ടെ​ന്ന് നാ​ട്ടു​കാ​ർ. ചൊ​വ്വാ​ഴ്ച രാ​ത്രി ഏ​ഴ​ര​യോ​ടെ ബൈ​ക്കി​ൽ സ​ഞ്ച​രി​ച്ച പ്ര​ദേ​ശ​വാ​സി​യാ​യ തു​ണ്ടി​യി​ൽ ബി​ജു​വാ​ണ് പു​ലി​യെ​പ്പോ​ലു​ള്ള ജീ​വി​യെ ക​ണ്ട​താ​യി അ​റി​യി​ച്ച​ത്. ബൈ​ക്കി​ൽ വ​രു​ന്ന വ​ഴി ശ​ബ്ദം കേ​ട്ട് പ​തു​ങ്ങി നി​ന്ന ജീ​വി വീ​ടി​ന്‍റെ ഗേ​റ്റി​ന​ടി​യി​ലൂ​ടെ ഓ​ടി​ക്ക​യ​റാ​ൻ ശ്ര​മി​ച്ചു. രാ​ത്രി​യി​ൽ ജീ​വി​യെ ക​ണ്ട​തു മു​ത​ൽ നാ​ട്ടു​കാ​ർ പ​രി​ഭ്രാ​ന്തി​യി​ലാ​ണ്.

തി​ങ്ക​ളാ​ഴ്ച​യും ഇ​തി​നെ ക​ണ്ടി​രു​ന്ന​താ​യി നാ​ട്ടു​കാ​ർ പ​റ​ഞ്ഞു. ജ​ന​വാ​സ മേ​ഖ​ല​യാ​ണ്. ഇ​തി​നു സ​മീ​പം കു​റ്റി​ക്കാ​ടു​മു​ണ്ട്. അ​തേ​സ​മ​യം, പു​ലി​ക്ക് സ​മാ​ന​മാ​യ വ​ള്ളി​പ്പൂ​ച്ച​യാ​യി​രി​ക്കാ​മെ​ന്ന് റാ​ന്നി ഫോ​റ​സ്റ്റ് അ​ധി​കൃ​ത​ർ ‘മാ​ധ്യ​മ’​ത്തോ​ട് പ​റ​ഞ്ഞു. പു​ലി ജ​ന​വാ​സ മേ​ഖ​ല​യി​ൽ അ​ധി​ക​സ​മ​യം ത​ങ്ങി​ല്ലെ​ന്നും കു​ട്ടി​യാ​ണെ​ങ്കി​ൽ ത​ള്ള​പ്പു​ലി​യെ വി​ട്ട് മാ​റി​നി​ൽ​ക്കു​ക അ​പൂ​ർ​വ​മാ​ണെ​ന്നും പ​റ​ഞ്ഞു. മേ​ഖ​ല​യി​ൽ പ​രി​ശോ​ധ​ന ന​ട​ത്തു​മെ​ന്നും ബ​ന്ധ​പ്പെ​ട്ട​വ​ർ അ​റി​യി​ച്ചു. നേ​ര​ത്തേ​യും വ​ള്ളി​പ്പൂ​ച്ച​യെ റാ​ന്നി​ക്ക് സ​മീ​പ​ത്തു​നി​ന്ന് പി​ടി​കൂ​ടി​യി​ട്ടു​ണ്ട്. പ്ര​ദേ​ശ​വാ​സി​ക​ൾ ജാ​ഗ്ര​ത​യി​ലാ​ണ്. സ​ന്ധ്യ ക​ഴി​ഞ്ഞാ​ൽ നാ​ട്ടു​കാ​ർ പു​റ​ത്തി​റ​ങ്ങാ​തെ​യാ​യി.