കാണാമറയത്ത് ജസ്​ന: തി​രി​ച്ചു​വ​രു​മെ​ന്ന പ്ര​തീ​ക്ഷ​യി​ൽ കുടുംബം

റാ​ന്നി: ജ​സ്​​ന തി​രി​ച്ചു​വ​രു​മെ​ന്ന പ്ര​തീ​ക്ഷ​യി​ൽ പി​താ​വും സ​ഹോ​ദ​ര​ങ്ങ​ളും. വെ​ച്ചൂ​ച്ചി​റ കൊ​ല്ല​മു​ള സ്വ​ദേ​ശി ജ​സ്​​ന​യെ കാ​ണാ​താ​യി​ട്ട് നാ​ലു​വ​ർ​ഷം ക​ഴി​ഞ്ഞു. വെ​ച്ചൂ​ച്ചി​റ കൊ​ല്ല​മു​ള കു​ന്ന​ത്ത് ക​ള​ത്തി​ല്‍ ജ​യിം​സി​ന്‍റെ മ​ക​ള്‍ ജ​സ്‌​ന​യെ കാ​ണാ​താ​യ​ത് 2018 മാ​ര്‍ച്ച് 22നാ​ണ്. കാ​ഞ്ഞി​ര​പ്പ​ള്ളി എ​സ്.​ഡി കോ​ള​ജി​ല്‍ ബി​രു​ദ വി​ദ്യാ​ര്‍ഥി​നി​യാ​യി​രു​ന്ന ജ​സ്‌​ന മ​രി​യം ജ​യിം​സി​നെ മു​ണ്ട​ക്ക​യ​ത്തെ ബ​ന്ധു​വീ​ട്ടി​ലേ​ക്കു​ള്ള യാ​ത്ര​ക്കി​ടെ​യാ​ണ് കാ​ണാ​താ​യ​ത്.

ജ​സ്​​ന​യു​ടെ വ​ശം മൊ​ബൈ​ല്‍ ഫോ​ണും ഇ​ല്ലാ​തി​രു​ന്ന​താ​യി പ​റ​യു​ന്നു. ജ​സ്​​ന​യെ​ക്കു​റി​ച്ച് ഏ​റെ അ​ന്വേ​ഷ​ണ​ങ്ങ​ള്‍ ഇ​തു​മാ​യി ബ​ന്ധ​പ്പെ​ട്ടു ന​ട​ന്നു. ജ​സ്‌​ന​യെ കാ​ണാ​താ​കു​ന്ന​ത് വീ​ട്ടി​ല്‍നി​ന്നു​ള്ള യാ​ത്ര​യി​ലാ​ണ്. വെ​ച്ചൂ​ച്ചി​റ പൊ​ലീ​സ് സ്റ്റേ​ഷ​ന്‍ പ​രി​ധി​യി​ലാ​യി​രു​ന്നു സ്ഥ​ലം. എ​ന്നാ​ല്‍, കേ​സെ​ടു​ക്കാ​ന്‍ വെ​ച്ചൂ​ച്ചി​റ പൊ​ലീ​സ് ആ​ദ്യം മ​ടി​ച്ചു. എ​രു​മേ​ലി​യി​ല്‍നി​ന്ന്​ കാ​ണാ​താ​യെ​ന്ന പേ​രി​ല്‍ കേ​സ് അ​വി​ടെ എ​ടു​ക്ക​ട്ടെ​യെ​ന്നാ​യി​രു​ന്നു നി​ര്‍ദേ​ശം. ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ര്‍ ഇ​ട​പെ​ട്ട ശേ​ഷ​മാ​ണ് അ​ന്വേ​ഷ​ണം ഊ​ര്‍ജി​ത​മാ​യ​ത്. 2018 മേ​യ് 27ന് ​ഐ.​ജി മ​നോ​ജ് എ​ബ്ര​ഹാ​മി​ന്‍റെ നേ​തൃ​ത്വ​ത്തി​ല്‍ പ്ര​ത്യേ​ക സം​ഘ​ത്തെ നി​യോ​ഗി​ച്ച് അ​ന്വേ​ഷ​ണം ആ​രം​ഭി​ച്ചു.

ജെ​സ്‌​ന മടങ്ങിവരുമെന്ന പ്രതീക്ഷയിൽ പി​താ​വും സ​ഹോ​ദ​ര​ങ്ങ​ളും ഇ​പ്പോ​ഴും കാ​ത്തി​രി​ക്കു​ക​യാ​ണ്. അ​ന്വേ​ഷ​ണ​ത്തി​നി​ട​യി​ൽ പൊ​ലീ​സും ക്രൈം​ബ്രാ​ഞ്ച് ഉ​ദ്യോ​ഗ​സ്ഥ​രും ചി​ല ശു​ഭ​സൂ​ച​ന​ക​ള്‍ പ​ല​പ്പോ​ഴാ​യി ന​ല്‍കി​യി​രു​ന്നു. ഇ​തെ​ല്ലാം ബ​ന്ധു​ക്ക​ളു​ടെ പ്ര​തീ​ക്ഷ വ​ർ​ധി​പ്പി​ച്ചു. പി​ന്നീ​ട് ഹൈ​കോ​ട​തി ഉ​ത്ത​ര​വു​കൂ​ടി വ​ന്ന​തോ​ടെ കേ​സ് സി.​ബി.​ഐ​ക്ക്​ കൈ​മാ​റി.