പ്രളയത്തിൽ നാശമായ ആധാരങ്ങൾക്ക് പകർപ്പ് നൽകിയത്​ വസ്​തുതകളില്ലാതെ; തി​രു​ത്താ​ൻ എ​ത്തി​യ​പ്പോ​ൾ തീ​യ​തി ക​ഴി​െ​ഞ്ഞ​ന്ന്​ മ​റു​പ​ടി

റാ​ന്നി: 2018ലെ ​പ്ര​ള​യ​ത്തി​ൽ നാ​ശ​മാ​യ ആ​ധാ​ര​ങ്ങ​ൾ​ക്ക് റാ​ന്നി സ​ബ് ര​ജി​സ്ട്രാ​ർ ഓ​ഫി​സി​ൽ​നി​ന്നും പ​ക​ർ​പ്പ്​ ന​ൽ​കി​യെ​ങ്കി​ലും നി​യ​മ​പ്ര​കാ​രം വ​സ്തു​ത​ക​ൾ രേ​ഖ​പ്പെ​ടു​ത്താ​തി​രു​ന്ന​ത് നാ​ട്ടു​കാ​രെ വ​ല​യ്ക്കു​ന്നു. പ്ര​ള​യ​ത്തി​ൽ മു​ങ്ങി റാ​ന്നി​യി​ൽ നൂ​റ് ക​ണ​ക്കി​ന് ആ​ളു​ക​ളു​ടെ ആ​ധാ​ര​ങ്ങ​ളാ​ണ് ന​ശി​ച്ച​ത്. തു​ട​ർ​ന്ന് സ​ർ​ക്കാ​ർ ഉ​ത്ത​ര​വ് അ​നു​സ​രി​ച്ച് റാ​ന്നി സ​ബ് ര​ജി​സ്ട്രാ​ർ ഓ​ഫി​സി​ൽ​നി​ന്നും ഇൗ ​ആ​ധാ​ര​ങ്ങ​ളു​ടെ പ​ക​ർ​പ്പ് ന​ൽ​കി.

എ​ന്നാ​ൽ, പ്ര​ള​യ​ത്തി​ൽ ന​ശി​ച്ചു​പോ​യ​തു​കൊ​ണ്ടാ​ണ്​ പ​ക​ർ​പ്പ് ന​ൽ​കു​ന്ന​തെ​ന്ന്​ രേ​ഖ​പ്പെ​ടു​ത്താ​തെ​യാ​ണ് സ​ബ് ര​ജി​സ്ട്രാ​ർ പ​ക​ർ​പ്പ് ന​ൽ​കി​യ​ത്. കൂ​ടാ​തെ ഇ​തി​നാ​ധാ​ര​മാ​യ സ​ർ​ക്കാ​ർ ഉ​ത്ത​ര​വി​െൻറ വി​വ​ര​വും രേ​ഖ​പ്പെ​ടു​ത്തി​യി​രു​ന്നി​ല്ല. ഇ​ത് മൂ​ലം പ​ക​ർ​പ്പെ​ടു​ത്ത ആ​ധാ​ര​ങ്ങ​ൾ​ക്ക് പ്ര​യോ​ജ​ന​മി​ല്ലാ​ത്ത സ്ഥി​തി​യാ​ണ്.

ഇ​ത്ത​ര​ത്തി​ൽ ആ​ധാ​ര​ങ്ങ​ളു​ടെ പ​ക​ർ​പ്പെ​ടു​ത്ത റാ​ന്നി സ്വ​ദേ​ശി അ​നി​ല കു​മാ​രി ഗൃ​ഹ​നി​ർ​മാ​ണ വാ​യ്പ​യ്ക്കാ​യി എ​ൽ.​ഐ.​സി​യെ സ​മീ​പി​ച്ച​പ്പോ​ഴാ​ണ് കൈ​വ​ശ​മു​ള്ള​ത് ഉ​പ​യോ​ഗ​ശൂ​ന്യ​മാ​യ ആ​ധാ​ര​മാ​ണെ​ന്ന് ബോ​ധ്യ​മാ​യ​ത്.

വീ​ണ്ടും റാ​ന്നി സ​ബ് ര​ജി​സ്ട്രാ​ർ ഓ​ഫി​സി​നെ സ​മീ​പി​ച്ച​പ്പോ​ൾ ഇ​തി​നാ​യു​ള്ള സ​ർ​ക്കാ​ർ ഉ​ത്ത​ര​വി​െൻറ കാ​ലാ​വ​ധി അ​വ​സാ​നി​ച്ചെ​ന്നാ​ണ്​ മ​റു​പ​ടി ല​ഭി​ച്ച​ത്. ഇ​നി​യും സ​ർ​ക്കാ​ർ സ​മ​യം നീ​ട്ടി ന​ൽ​കി​യെ​ങ്കി​ലേ ആ​ധാ​ര​ങ്ങ​ളി​ൽ വി​വ​രം രേ​ഖ​പ്പെ​ടു​ത്താ​ൻ ക​ഴി​യൂ എ​ന്നാ​ണ് മ​റു​പ​ടി.

തു​ട​ർ​ന്ന് ഇ​വ​ർ ഇ​ക്കാ​ര്യ​ങ്ങ​ൾ കാ​ണി​ച്ച് മു​ഖ്യ​മ​ന്ത്രി​ക്ക് അ​പേ​ക്ഷ ന​ൽ​കി​യി​രു​ന്നു. തു​ട​ർ​ന​ട​പ​ടി​ക്കാ​യി ര​ജി​സ്ട്രേ​ഷ​ൻ ഐ.​ജി​ക്ക് കൈ​മാ​റി​യ​താ​യി അ​റി​യി​പ്പും വ​ന്നു. പി​ന്നീ​ട് പ​ല​ത​വ​ണ ഐ.​ജി ഓ​ഫി​സു​മാ​യി ബ​ന്ധ​പ്പെ​ട്ടെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ല. അ​തോ​ടെ സ്വ​ന്ത​മാ​യി വീ​ട് എ​ന്ന ഇ​വ​രു​ടെ സ്വ​പ്ന​വും ത​ക​രു​ക​യാ​ണ്.

ഇ​ത്ത​ര​ത്തി​ൽ നൂ​റു​ക​ണ​ക്കി​നാ​ളു​ക​ളാ​ണ് ഉ​പ​യോ​ഗ​ര​ഹി​ത ആ​ധാ​ര​ങ്ങ​ളു​മാ​യി സ​ർ​ക്കാ​റി​െൻറ ക​നി​വ് കാ​ത്തി​രി​ക്കു​ന്ന​ത്.