കാലവർഷം കനത്തിട്ടും മഴക്കണക്കിൽ പ​ത്ത​നം​തി​ട്ട പിന്നിൽ

പ​ത്ത​നം​തി​ട്ട: ഇ​ട​വേ​ള​ക്കു​ശേ​ഷം ക​ന​ത്തെ​ങ്കി​ലും കാ​ല​വ​ർ​ഷ മ​ഴ​ക്ക​ണ​ക്കി​ൽ ജി​ല്ല പി​ന്നി​ൽ. ജൂ​ൺ ഒ​ന്നു​മു​ത​ൽ ബു​ധ​നാ​ഴ്ച​വ​രെ ജി​ല്ല​യി​ൽ പെ​യ്ത​ത്​ പ്ര​തീ​ക്ഷി​ച്ച​തി​നേ​ക്കാ​ൾ 10 ശ​ത​മാ​നം കു​റ​വ് മ​ഴ. കാ​ലാ​വ​സ്ഥ​വ​കു​പ്പി​ന്‍റെ ക​ണ​ക്ക​നു​സ​രി​ച്ച്​ 771.2 മി​ല്ലി​മീ​റ്റ​ർ മ​ഴ​യാ​യി​രു​ന്നു പ​ത്ത​നം​തി​ട്ട​യി​ൽ ല​ഭി​ക്കേ​ണ്ട​തെ​ങ്കി​ലും ഇ​തു​വ​രെ പെ​യ്ത​ത്​ 697.7 മി​ല്ലി മീ​റ്റ​ർ മാ​ത്രം.

നി​ല​വി​ൽ സം​സ്ഥാ​ന​ത്ത്​ ഏ​റ്റ​വും കൂ​ടു​ത​ൽ മ​ഴ പെ​യ്തി​രി​ക്കു​ന്ന​ത്​ ക​ണ്ണൂ​രി​ലാ​ണ്. 14 ശ​ത​മാ​നം അ​ധി​ക​മ​ഴ​യാ​ണ്​ അ​വി​ടെ ല​ഭി​ച്ചി​രി​ക്കു​ന്ന​ത്. ഇ​ത്ത​വ​ണ കാ​ല​വ​ർ​ഷം സാ​ധാ​ര​ണ​യി​ൽ​നി​ന്ന് എ​ട്ട്​ ദി​വ​സം മു​മ്പ്​ എ​ത്തി​യി​രു​ന്നു. ആ​ദ്യ​ദി​വ​സ​ങ്ങ​ളി​ൽ മി​ക​ച്ച മ​ഴ​യാ​ണ്​ ജി​ല്ല​യി​ൽ ല​ഭി​ച്ച​ത്. സം​സ്ഥാ​ന​ത്തു​ത​ന്നെ ഏ​റ്റ​വും കൂ​ടു​ത​ൽ മ​ഴ​യും പ​ത്ത​നം​തി​ട്ട​യി​ലാ​യി​രു​ന്നു. ന​ദി​ക​ളി​ല​ട​ക്കം ജ​ല​നി​ര​പ്പ്​ വ​ലി​യ​തോ​തി​ൽ ഉ​യ​രു​ക​യും ചെ​യ്തി​രു​ന്നു.

എ​ന്നാ​ൽ, പി​ന്നീ​ട്​ മ​ഴ കു​റ​യു​ക​യാ​യി​രു​ന്നു. ചി​ല ദി​വ​സ​ങ്ങ​ളി​ൽ പൂ​ർ​ണ​മാ​യി മ​ഴ വി​ട്ടു​നി​ന്നു. ഇ​താ​ണ്​ മ​ഴ​ക്ക​ണ​ക്കി​ൽ ജി​ല്ല പി​ന്നി​ലാ​കാ​ൻ കാ​ര​ണ​മെ​ന്നാ​ണ്​ വി​ല​യി​രു​ത്ത​ൽ. വീ​ണ്ടും മ​ഴ ശ​ക്​​തി​യാ​ർ​ജി​ച്ച​തോ​ടെ അ​ള​വി​ൽ വീ​ണ്ടും വ​ർ​ധ​ന​വു​ണ്ടാ​കു​മെ​ന്നാ​ണ്​ കാ​ലാ​വ​സ്ഥ വി​ദ​ഗ്​​ധ​ർ ചൂ​ണ്ടി​ക്കാ​ട്ടു​ന്ന​ത്.