ബലക്ഷയമുള്ള കൽക്കെട്ടിന് മുകളിലെ നിർമിതികൾ പൊളിച്ചുനീക്കാൻ നിർദേശം

റാ​ന്നി: പു​ന​ലൂ​ർ-​മൂ​വാ​റ്റു​പു​ഴ സം​സ്ഥാ​ന​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് എ​സ്.​സി സ്കൂ​ളി​ന്‍റെ മു​ൻ​വ​ശ​ത്ത് ബ​ല​ക്ഷ​യം നേ​രി​ടു​ന്ന പ​ഴ​യ ക​ൽ​ക്കെ​ട്ടി​ന്​ മു​ക​ളി​ൽ കോ​ൺ​ക്രീ​റ്റി​ങ് ന​ട​ത്തി​യു​ള്ള പ്ര​വൃ​ത്തി​ക​ൾ പൊ​ളി​ച്ചു​മാ​റ്റി പു​തി​യ കെ​ട്ട് നി​ർ​മി​ക്കാ​ൻ അ​ഡ്വ. പ്ര​മോ​ദ് നാ​രാ​യ​ൺ എം.​എ​ൽ.​എ നി​ർ​ദേ​ശം ന​ൽ​കി. ഇ​ത് സം​ബ​ന്ധി​ച്ച് 'മാ​ധ്യ​മം' വാ​ർ​ത്ത ന​ൽ​കി​യി​രു​ന്നു. ഇ​തേ​തു​ട​ർ​ന്നാ​ണ് എം.​എ​ൽ.​എ​യും സം​ഘ​വും പ​രി​ശോ​ധ​ന ന​ട​ത്തി​യ​ത്.

സ്കൂ​ളി​ന് മു​ന്നി​ലെ റോ​ഡി​ന്‍റെ ഇ​ടു​ങ്ങി​യ ഭാ​ഗം വീ​തി​കൂ​ട്ടി നി​ർ​മി​ക്കു​ന്ന​തി​ന് കെ.​എ​സ്.​ടി.​പി അ​ധി​കൃ​ത​ർ, ക​ൺ​സ​ൾ​ട്ട​ന്‍റ്​ എ​ന്നി​വ​രോ​ടൊ​പ്പം പ്ര​ത്യേ​ക സാ​ങ്കേ​തി​ക വി​ദ​ഗ്ധ​നും സം​യു​ക്ത​മാ​യി സ്ഥ​ല​പ​രി​ശോ​ധ​ന ന​ട​ത്തി നി​ർ​മാ​ണം ന​ട​ത്താ​നും എം.​എ​ൽ.​എ നി​ർ​ദേ​ശി​ച്ചു.

2018ലെ ​പ്ര​ള​യ​ത്തി​ൽ തോ​ടി​ന്‍റെ വ​ശം കെ​ട്ടി​യി​രു​ന്ന ഭി​ത്തി അ​ടി​യി​ലെ ക​ല്ലു​ക​ള്‍ ഇ​ള​കി ബ​ല​ക്ഷ​യം സം​ഭ​വി​ച്ചു. ഈ ​കെ​ട്ടി​ന്​ മു​ക​ളി​ലാ​യാ​ണ് റോ​ഡ് നി​ര്‍മാ​ണ ക​മ്പ​നി പു​തി​യ നി​ർ​മാ​ണം ന​ട​ത്തി​യ​ത്. ചെ​ത്തോ​ങ്ക​ര എ​സ്.​സി സ്കൂ​ള്‍പ​ടി​യി​ൽ നി​ന്നി​രു​ന്ന ബ​സ് കാ​ത്തി​രി​പ്പു കേ​ന്ദ്രം ക​ഴി​ഞ്ഞ​ദി​വ​സം പൊ​ളി​ച്ചു​നീ​ക്കി​യി​രു​ന്നു. ഈ ​സ്ഥ​ല​ത്ത്​ ഇ​പ്പോ​ള്‍ കോ​ണ്‍ക്രീ​റ്റ് ഭി​ത്തി നി​ര്‍മി​ച്ച​താ​ണ് വി​വാ​ദ​മാ​യ​ത്.

കെ.​എ​സ്.​ടി.​പി അ​ധി​കൃ​ത​രു​ടെ സാ​ന്നി​ധ്യ​മി​ല്ലാ​തെ​യു​ള്ള ഇ​ത്ത​രം നി​ര്‍മാ​ണം ആ​ദ്യം മു​ത​ലെ​യു​ണ്ടെ​ന്ന് പ​രാ​തി​യു​ണ്ടാ​യി​രു​ന്നു. പ​ല​യി​ട​ങ്ങ​ളി​ലും ഇ​ത്ത​രം നി​ല​വാ​ര​മി​ല്ലാ​ത്ത നി​ര്‍മാ​ണ​ങ്ങ​ള്‍ ഉ​​ണ്ടെ​ന്ന ആ​ക്ഷേ​പ​മു​ണ്ടാ​യി​ട്ടും അ​ധി​കൃ​ത​ര്‍ ഗൗ​നി​ച്ചി​ല്ല.

എം.​എ​ൽ.​എ​യോ​ടോ​പ്പം കെ. ​എ​സ്.​ടി.​പി ഉ​ദ്യോ​ഗ​സ്ഥ​രും സ്ഥ​ല​പ​രി​ശോ​ധ​ന​ക്ക് എ​ത്തി​യി​രു​ന്നു.