ഓക്സിജൻ പ്ലാൻറിനാവശ്യമായ സാമഗ്രികളുമായെത്തിയ ​ട്രെയിലർ പൊലീസ്​

റാന്നി: പത്തനംതിട്ട ജനറൽ ആശുപത്രിയിൽ സ്ഥാപിക്കുന്ന ഓക്സിജൻ പ്ലാൻറിനായി ട്രയിലറിൽ വന്ന മെഷിനറികൾ പൊലീസ്​ പിടിച്ചിട്ടു.

പകൽ റോഡുഗതാഗതം തടസ്സപ്പെടുത്തുമെന്നു കണ്ട് പോലീസ് റാന്നിയിൽ തടഞ്ഞിടുകയായിരുന്നു. വളവുകളും മറ്റും തിരിയാൻ തന്നെ പ്രയാസമുള്ള തരം നീളംകൂടിയ വാഹനത്തിൽ ഇന്നലെ രാവിലെ എത്തിയ പ്ലാൻറ്​ വാഹനം പൊലീസ് തടഞ്ഞ് സ്വകാര്യ ബസ് സ്​റ്റാൻഡി ലാണ്​ പാർക്ക് ചെയ്യിപ്പിച്ചത്.

പകലിലെ വാഹനത്തിരക്കൊഴിവാക്കി അഞ്ചരയോടെ വാഹനം പത്തനംതിട്ടയിലേക്ക് വിട്ടു. പുനലൂർ - മൂവാറ്റുപുഴ റോഡിൽ നിർമാണ ജോലികൾ കൂടി നടക്കുന്നതിനാൽ വാഹന യാത്ര തന്നെ പ്രതിസന്ധിയിലായിരിക്കുമ്പോൾ പ്ലാൻറ്​ ഉൾക്കൊള്ളുന്ന ഇത്ര വലിയ വാഹനം തിരക്കുള്ളപ്പോൾ കടന്നുപോകുന്നത് വലിയ പ്രതിസന്ധിയുണ്ടാകമെന്ന് പൊലീസ് പറഞ്ഞു.