ജില്ല ജയിൽ: ഒന്നാം ഘട്ട നിർമാണം പൂർത്തിയായി

പ​ത്ത​നം​തി​ട്ട: ഒ​ന്നാം ഘ​ട്ടം പൂ​ർ​ത്തി​യാ​യ ജി​ല്ല ജ​യി​ൽ നി​ർ​മാ​ണം പു​രോ​ഗ​മി​ക്കു​ന്നു. ഇ​നി ന​ട​ത്തേ​ണ്ട​ത് ര​ണ്ടാം​ഘ​ട്ട നി​ർ​മാ​ണം. ഇ​തി​നു​ള്ള സാ​ങ്കേ​തി​ക അ​നു​മ​തി ല​ഭി​ക്കു​ന്ന​തി​ന്​ മാ​സ​ങ്ങ​ളോ​ളം കാ​ല​താ​മ​സം നേ​രി​ട്ടി​രു​ന്നു. ര​ണ്ടാം ഘ​ട്ട​ത്തി​ന്​ 6.98 കോ​ടി ല​ഭി​ച്ച​തു​മാ​ണ്. എ​ന്നാ​ൽ, ഡി​സം​ബ​റി​ൽ തു​ട​ങ്ങേ​ണ്ട പ​ണി സാ​ങ്കേ​തി​ക അ​നു​മ​തി​ക​ളെ തു​ട​ർ​ന്ന്​ നീ​ളു​ക​യാ​യി​രു​ന്നു. മൂ​ന്ന്​ നി​ല​യി​ൽ നി​ർ​മി​ക്കു​ന്ന ജി​ല്ല ജ​യി​ൽ സ​മു​ച്ച​യ​ത്തി​ന്റെ ഒ​രോ​നി​ല​യും ഒ​രോ​ഘ​ട്ട​മാ​യി പൂ​ർ​ത്തി​യാ​ക്കാ​നാ​ണ്​ തീ​രു​മാ​നം.

കാ​ല​താ​മ​സം നേ​രി​ടും

വ​ർ​ഷ​ങ്ങ​ളോ​ളം മു​ട​ങ്ങി​ക്കി​ട​ന്ന ജി​ല്ല ജ​യി​ൽ നി​ർ​മാ​ണം ന​വം​ബ​ർ 11നാ​ണ് പു​ന​രാ​രം​ഭി​ച്ച​ത്. എ​ന്നാ​ൽ, പി​ന്നീ​ട് മാ​ലി​ന്യ​പ്ലാ​ന്റ് പ​ദ്ധ​തി​യു​ടെ മാ​റ്റ​ത്തെ തു​ട​ർ​ന്ന് പ​ണി വീ​ണ്ടും നി​ർ​ത്തി​വെ​ച്ചു. മാ​ലി​ന്യ​സം​സ്ക​ര​ണ പ്ലാ​ന്റി​ന്റെ രൂ​പ​രേ​ഖ പൂ​ർ​ത്തി​യാ​ക്കി അ​നു​മ​തി ല​ഭി​ക്കാ​ൻ കു​റ​ച്ച് കാ​ല​താ​മ​സം ഉ​ണ്ടാ​കു​മെ​ന്ന് അ​ധി​കൃ​ത​ർ അ​റി​യി​ച്ചു.

എ​ന്നാ​ൽ, നി​ർ​മാ​ണം ക​ഴി​ഞ്ഞ ബ്ലോ​ക്കു​ക​ളു​ടെ അ​റ്റ​കു​റ്റ​പ്പ​ണി ജ​നു​വ​രി ആ​റോ​ടെ ആ​രം​ഭി​ക്കു​മെ​ന്നും അ​ധി​കൃ​ത​ർ പ​റ​ഞ്ഞു. മാ​ലി​ന്യം ശേ​ഖ​രി​ക്കു​ന്ന​തി​നൊ​പ്പം ഇ​തി​ലെ മ​ലി​ന​വ​സ്തു​ക്ക​ൾ അ​രി​ച്ചു​മാ​റ്റി ബാ​ക്കി​യു​ള്ള മ​ലി​ന​ജ​ലം എ​ടു​ത്ത് ശു​ദ്ധീ​ക​രി​ച്ച് പു​ന​രു​പ​യോ​ഗ​ത്തി​ന് പ്രാ​പ്ത​മാ​ക്കു​മെ​ന്ന​താ​ണ് മാ​ലി​ന്യ​സം​സ്ക​ര​ണ പ്ലാ​ന്റി​ന്റെ പ്ര​ത്യേ​ക​ത. ഇ​ത്ത​ര​ത്തി​ൽ ശു​ദ്ധീ​ക​രി​ച്ചെ​ടു​ക്കു​ന്ന വെ​ള്ളം കൃ​ഷി ആ​വ​ശ്യ​ങ്ങ​ൾ​ക്കും ശൗ​ചാ​ല​യ ആ​വ​ശ്യ​ങ്ങ​ൾ​ക്കും ഉ​പ​യോ​ഗി​ക്കാ​ൻ സാ​ധി​ക്കും.

പ​ദ്ധ​തി​യി​ൽ മാ​റ്റം; മാ​ലി​ന്യ​സം​സ്ക​ര​ണ പ്ലാ​ന്റ് സ്ഥാ​പി​ക്കും

നി​ർ​മാ​ണ പ​ദ്ധ​തി​യി​ൽ മാ​റ്റം വ​രു​ത്തി ജി​ല്ല ജ​യി​ൽ. സാ​ധാ​ര​ണ മാ​ലി​ന്യ​പ്ലാ​ന്‍റ്​ എ​ന്ന​ത് മാ​റ്റി മാ​ലി​ന്യ​സം​സ്ക​ര​ണ പ്ലാ​ന്റ് (എ​സ്.​ടി.​പി) സ്ഥാ​പി​ക്കാ​നാ​ണ് തീ​രു​മാ​നം. ഇ​തി​നു​ള്ള രൂ​പ​രേ​ഖ ത​യാ​റാ​ക്കു​ന്ന​തി​ന് തി​രു​വ​ന​ന്ത​പു​രം സി.​ഇ.​ടി എ​ൻ​ജി​നീ​യ​റി​ങ് കോ​ള​ജി​നെ ഏ​ൽ​പി​ച്ചി​രി​ക്കു​ക​യാ​ണ്. പ്ലാ​ൻ പൂ​ർ​ത്തി​യാ​യി അ​നു​മ​തി​യും ല​ഭി​ച്ച് ക​ഴി​ഞ്ഞാ​ൽ മാ​ലി​ന്യ​സം​സ്ക​ര​ണ പ്ലാ​ന്റി​ന്റെ പ​ണി തു​ട​ങ്ങാം. ആ​ദ്യ​പ്ലാ​നി​ൽ സാ​ധാ​ര​ണ മാ​ലി​ന്യ​പ്ലാ​ന്റാ​ണ്​ വി​ഭാ​വ​നം ചെ​യ്തി​രു​ന്ന​ത്.

എ​ന്നാ​ൽ, മാ​ലി​ന്യ​പ്ലാ​ന്‍റ്​ നി​ർ​മി​ക്കാ​ൻ ക​ണ്ടെ​ത്തി​യ സ്ഥ​ലം സ്ഥി​രം വെ​ള്ള​ക്കെ​ട്ട് മേ​ഖ​ല​യാ​യ​തി​നാ​ൽ നി​ർ​മാ​ണം പ്ര​യാ​സ​ക​ര​മാ​യി. ശ​ക്ത​മാ​യ വെ​ള്ള​ക്കെ​ട്ടു​ണ്ടാ​കു​ന്നി​ട​ത്ത് സാ​ധാ​ര​ണ മാ​ലി​ന്യ​പ്ലാ​ന്‍റ്​ നി​ർ​മി​ച്ചാ​ൽ ഇ​ത് കാ​ല​ക്ര​മേ​ണ ഇ​ടി​യാ​നും പൊ​ട്ട​ൽ ഉ​ണ്ടാ​കാ​നു​മു​ള്ള സാ​ധ്യ​ത കൂ​ടു​ത​ലാ​ണ്. കൂ​ടാ​തെ ഒ​രു​പാ​ട് ആ​ളു​ക​ൾ ഉ​പ​യോ​ഗി​ക്കു​ന്ന​തി​നാ​ൽ അ​ടി​ക്ക​ടി ബ്ലോ​ക്ക് തു​ട​ങ്ങി​യ പ്ര​ശ്ന​ങ്ങ​ളും വ​രാം. ഇ​ത്ത​രം പ​രി​മി​തി​ക​ളെ തു​ട​ർ​ന്നാ​ണ് സാ​ധാ​ര​ണ മാ​ലി​ന്യ​പ്ലാ​ന്റി​ൽ​നി​ന്ന്​ മാ​ലി​ന്യ​സം​സ്ക​ര​ണ പ്ലാ​ന്റ് നി​ർ​മി​ക്കാ​മെ​ന്ന തീ​രു​മാ​ന​ത്തി​ലേ​ക്ക് അ​ധി​കൃ​ത​ർ എ​ത്തി​യ​ത്.

താ​ഴ​ത്തെ നി​ല​യി​ൽ 70 പേ​രെ താ​മ​സി​പ്പി​ക്കാം

സ​ബ് ജ​യി​ലി​ൽ​നി​ന്ന് ജി​ല്ല ജ​യി​ൽ പ​ദ​വി ല​ഭി​ച്ച​തി​നെ തു​ട​ർ​ന്നാ​ണ് പു​തി​യ ജ​യി​ൽ നി​ർ​മാ​ണം ആ​രം​ഭി​ച്ച​ത്. ഒ​ന്നാം ഘ​ട്ട​ത്തി​ൽ ല​ഭി​ച്ച അ​ഞ്ച​ര​ക്കോ​ടി​കൊ​ണ്ട് താ​ഴ​ത്തെ നി​ല​യി​ലെ നി​ർ​മാ​ണം പൂ​ർ​ത്തി​യാ​ക്കി. മൊ​ത്തം 200 പേ​രെ പാ​ർ​പ്പി​ക്കു​ന്ന​തി​നു​ള്ള സൗ​ക​ര്യം പു​തി​യ ജ​യി​ൽ കെ​ട്ടി​ട​ത്തി​ലു​ണ്ടാ​കും. നി​ർ​മാ​ണം പൂ​ർ​ത്തി​യാ​യ താ​ഴ​ത്തെ നി​ല​യി​ൽ 70 പേ​രെ താ​മ​സി​പ്പി​ക്കാ​നാ​കും. ര​ണ്ട് ചെ​റി​യ സെ​ല്ലും ഒ​രു വ​ലി​യ​സെ​ല്ലും ഈ ​നി​ല​യി​ലു​ണ്ട്. വ​ലി​യ സെ​ല്ലു​ക​ളി​ൽ 30 പേ​രെ വീ​ത​വും ചെ​റു​തി​ൽ പ​ത്തു​പേ​രെ​യും പാ​ർ​പ്പി​ക്കാം.

കൂ​ടാ​തെ, അ​ടു​ക്ക​ള​യും ഓ​ഫി​സ് മു​റി​ക​ളും ജീ​വ​ന​ക്കാ​ർ​ക്കു​ള്ള മു​റി​ക​ളും താ​ഴ​ത്തെ നി​ല​യി​ലു​ണ്ട്. എ​ന്നാ​ൽ, മു​മ്പ്​ ഇ​വി​ടെ​യു​ണ്ടാ​യി​രു​ന്ന വ​നി​ത സെ​ൽ ഇ​നി​യു​ണ്ടാ​വി​ല്ല. ര​ണ്ടാം​ഘ​ട്ട​ത്തി​ൽ ചു​റ്റു​മ​തി​ലി​ന് മു​ക​ളി​ൽ വൈ​ദ്യു​തി​വേ​ലി, മാ​ലി​ന്യ​നി​ർ​മാ​ർ​ജ​ന പ്ലാ​ന്റ്, ഒ​ന്നാം നി​ല​യി​ൽ ത​ട​വു​കാ​രെ പാ​ർ​പ്പി​ക്കു​ന്ന​തി​നു​ള്ള മു​റി​ക​ൾ എ​ന്നി​വ​യാ​ണ് നി​ർ​മി​ക്കു​ന്ന​ത്.

130 പേ​രെ പാ​ർ​പ്പി​ക്കു​ന്ന​തി​നു​ള്ള സെ​ല്ലു​ക​ൾ ഒ​ന്നാം നി​ല​യി​ൽ നി​ർ​മി​ക്കും. ഈ ​ഘ​ട്ടം പൂ​ർ​ത്തി​യാ​കു​ന്ന​തോ​ടെ ജ​യി​ലി​ന്റെ പ്ര​വ​ർ​ത്ത​നം തു​ട​ങ്ങാം. എ​റ​ണാ​കു​ളം നീ​തി​ന്യാ​യ വി​ഭാ​ഗ​ത്തി​നാ​യി​രു​ന്നു ടെ​ൻ​ഡ​ർ ന​ട​പ​ടി​യു​ടെ മേ​ൽ​നോ​ട്ടം.