മ​ല​യോ​രം ഇ​ന്ന്​ വി​ധി​യെ​ഴു​തും; 14. 29 ല​ക്ഷം വോ​ട്ട​ർ​മാ​ർ പോ​ളി​ങ്​ ബൂ​ത്തി​ലേ​ക്ക്​

പ​ത്ത​നം​തി​ട്ട: പ​തി​നെ​ട്ടാം ലോ​ക്‌​സ​ഭ തെ​ര​ഞ്ഞെ​ടു​പ്പി​ല്‍ പ​ത്ത​നം​തി​ട്ട ലോ​ക്​​സ​ഭ മ​ണ്ഡ​ലം ഇ​ന്ന് വി​ധി​യെ​ഴു​തും. മ​​ല​യോ​ര ലോ​ക്സ​ഭ മ​ണ്ഡ​ല​ത്തി​ലെ 14,29,700 വോ​ട്ട​ർ​മാ​ർ വെ​ള്ളി​യാ​ഴ്ച പോ​ളി​ങ്​ ബൂ​ത്തി​ലേ​ക്ക് നീ​ങ്ങും. ജി​ല്ല​യി​ലെ അ​ഞ്ച് നി​യ​മ​സ​ഭ മ​ണ്ഡ​ല​ങ്ങ​ളി​ലെ​യും കോ​ട്ട​യ​ത്തെ ര​ണ്ടു മ​ണ്ഡ​ല​ങ്ങ​ളി​ലെ​യും വോ​ട്ട​ർ​മാ​രാ​ണ് പ​ത്ത​നം​തി​ട്ട ലോ​ക്സ​ഭ മ​ണ്ഡ​ല​ത്തി​ന്‍റെ പ​രി​ധി​യി​ലു​ള്ള​ത്. രാ​വി​ലെ ഏ​ഴു മു​ത​ല്‍ വൈ​കീ​ട്ട് ആ​റു​വ​രെ​യാ​ണ് വോ​ട്ടെ​ടു​പ്പ്. 6,83,307 പു​രു​ഷ​ന്‍മാ​രും 7,46,384 സ്ത്രീ​ക​ളും ഒ​മ്പ​ത് ട്രാ​ൻ​സ്​​ജെ​ൻ​ഡ​ർ വി​ഭാ​ഗ​ക്കാ​രു​മാ​ണ് പ​ട്ടി​ക​യി​ലു​ള്ള​ത്. 1437 പോ​ളി​ങ്​ ബൂ​ത്തു​ക​ളാ​ണ് സ​ജ്ജീ​ക​രി​ച്ച​ത്. ഇ​തി​ല്‍ 75 ശ​ത​മാ​നം ബൂ​ത്തു​ക​ളി​ല്‍ ത​ത്സ​മ​യ വെ​ബ് കാ​സ്റ്റി​ങ്​ സം​വി​ധാ​നം ഏ​ര്‍പ്പെ​ടു​ത്തി. 1783 ബാ​ല​റ്റ് യൂ​നി​റ്റ്, 1,773 ക​ൺ​ട്രോ​ള്‍ യൂ​നി​റ്റ്, 1915 വി​വി​പാ​റ്റ് എ​ന്നി​വ​യാ​ണ് സ​ജ്ജീ​ക​രി​ച്ച​ത്. ‌

രാ​വി​ലെ ഏ​ഴി​നാ​ണ് വോ​ട്ടെ​ടു​പ്പ് ആ​രം​ഭി​ക്കു​ന്ന​ത്. പു​ല​ർ​ച്ച 5.30ന് ​മോ​ക്പോ​ള്‍ ന​ട​ക്കും. ഒ​രു പോ​ളി​ങ്​ ബൂ​ത്തി​ല്‍ 50 വോ​ട്ടു​ക​ളാ​ണ് മോ​ക്പോ​ളി​ങ്ങി​ല്‍ ചെ​യ്യു​ന്ന​ത്. തു​ട​ര്‍ന്ന് ക​ണ്‍ട്രോ​ള്‍ യൂ​നി​റ്റു​ക​ള്‍ സ​ജ്ജ​മാ​യ ശേ​ഷം ഏ​ഴി​ന് വോ​ട്ടെ​ടു​പ്പ് ആ​രം​ഭി​ക്കും. പോ​ളി​ങ്​ ഏ​ജ​ന്റു​മാ​ര്‍ രാ​വി​ലെ 5.30ന് ​മു​മ്പാ​യി ബൂ​ത്തു​ക​ളി​ലെ​ത്ത​ണം. വൈ​കു​ന്നേ​രം ആ​റു​വ​രെ​യാ​ണ് വോ​ട്ടി​ങ്. ആ​റു​വ​രെ വ​രി​യി​ല്‍ എ​ത്തി​യ​വ​ര്‍ക്ക് സ്ലി​പ് ന​ല്‍കി സ​മ്മ​തി​ദാ​നാ​വ​കാ​ശം രേ​ഖ​പ്പെ​ടു​ത്താ​നാ​കും. മോ​ക്പോ​ളി​ങ്​ ആ​രം​ഭി​ക്കു​ന്ന​തു മു​ത​ല്‍ പോ​ളി​ങ്​ അ​വ​സാ​നി​ച്ച് വോ​ട്ടു​യ​ന്ത്ര​ങ്ങ​ള്‍ പെ​ട്ടി​യി​ലാ​ക്കു​ന്ന​തു​വ​രെ​യു​ള്ള പോ​ളി​ങ്​ ബൂ​ത്തു​ക​ളി​ലെ ന​ട​പ​ടി​ക​ള്‍ ക​ല​ക്ട​റേ​റ്റി​ലെ ക​ണ്‍ട്രോ​ള്‍ റൂ​മി​ലൂ​ടെ ത​ത്സ​മ​യം വീ​ക്ഷി​ക്കും.

ക​ൺ​ട്രോ​ള്‍ റൂം

​പോ​​ളി​ങ്​ ദി​വ​സം ജി​ല്ല ക​ല​ക്ട​റേ​റ്റി​ലും അ​സി. റി​ട്ടേ​ണി​ങ്​ ഓ​ഫി​സ​ര്‍മാ​രു​ടെ കാ​ര്യാ​ല​യ​ങ്ങ​ളി​ലും വി​പു​ല​മാ​യ ക​ൺ​ട്രോ​ള്‍ റൂം ​സം​വി​ധാ​നം ഏ​ര്‍പ്പെ​ടു​ത്തി​യി​ട്ടു​ണ്ട്. മൊ​ബൈ​ല്‍ പ​രി​ധി​ക്കു പു​റ​ത്തു​ള്ള ഗ​വി, മൂ​ഴി​യാ​ര്‍, ആ​വ​ണി​പ്പാ​റ തു​ട​ങ്ങി​യ പോ​ളി​ങ്​ സ്റ്റേ​ഷ​നു​ക​ളി​ല്‍ വി​വ​ര വി​നി​മ​യ​ത്തി​നു വ​യ​ര്‍ലെ​സ് സം​വി​ധാ​നം ഏ​ര്‍പ്പെ​ടു​ത്തി​യി​ട്ടു​ണ്ട്. എ​സ്.​എം.​എ​സ് മു​ഖേ​ന​യും ഫോ​ണ്‍ മു​ഖേ​ന​യും പോ​ളി​ങ്​ പു​രോ​ഗ​തി സ​മാ​ന്ത​ര​മാ​യി നി​രീ​ക്ഷി​ക്കു​ന്ന​തി​നു​ള്ള സം​വി​ധാ​നം ഏ​ര്‍പ്പെ​ടു​ത്തി​യി​ട്ടു​ണ്ട്.

വോ​ട്ടു​യ​ന്ത്ര​ങ്ങ​ൾ ഇ​ന്നു​ത​ന്നെ ചെ​ന്നീ​ർ​ക്ക​ര​യി​ലെ​ത്തി​ക്കും

പോ​ളി​ങ്ങി​നു​ശേ​ഷം വോ​ട്ടു​യ​ന്ത്ര​ങ്ങ​ൾ അ​ത​തു വി​ത​ര​ണ സ്വീ​ക​ര​ണ കേ​ന്ദ്ര​ത്തി​ല്‍ പോ​ളി​ങ്​ ഉ​ദ്യോ​ഗ​സ്ഥ​ർ സു​ര​ക്ഷാ സം​വി​ധാ​ന​ങ്ങ​ളോ​ടെ തി​രി​കെ​യെ​ത്തി​ക്കും. ഇ​വ വെ​ള്ളി​യാ​ഴ്ച രാ​ത്രി​യി​ൽ ത​ന്നെ വോ​ട്ടെ​ണ്ണ​ല്‍ കേ​ന്ദ്ര​മാ​യ ചെ​ന്നീ​ര്‍ക്ക​ര കേ​ന്ദ്രീ​യ വി​ദ്യാ​ല​യ​ത്തി​ല്‍ എ​ത്തി​ച്ച് പ്ര​ത്യേ​കം സ​ജ്ജീ​ക​രി​ച്ച സ്ട്രോ​ങ്​ റൂ​മു​ക​ളി​ല്‍ സൂ​ക്ഷി​ക്കും. ജൂ​ണ്‍ നാ​ലി​ന് സ്‌​കൂ​ളി​ല്‍ ഓ​രോ മ​ണ്ഡ​ല​ത്തി​നും പ്ര​ത്യേ​കം സ​ജ്ജീ​ക​രി​ച്ചി​ട്ടു​ള്ള ടേ​ബി​ളു​ക​ളി​ല്‍ വോ​ട്ടെ​ണ്ണ​ല്‍ ന​ട​ക്കും.

അ​ടി​സ്ഥാ​ന സൗ​ക​ര്യം ഉ​റ​പ്പാ​ക്കി

എ​ല്ലാ പോ​ളി​ങ്​ സ്റ്റേ​ഷ​നി​ലും സു​ര​ക്ഷ​സം​വി​ധാ​നം ഏ​ര്‍പ്പെ​ടു​ത്തി​യി​ട്ടു​ണ്ട്. ഷെ​യ്ഡ്, റാ​മ്പു​ക​ള്‍, കു​ടി​വെ​ള്ളം തു​ട​ങ്ങി​യ അ​വ​ശ്യ​സൗ​ക​ര്യ​ങ്ങ​ളും പോ​ളി​ങ്​ സ്റ്റേ​ഷ​നു​ക​ളി​ല്‍ ഒ​രു​ക്കി​യി​ട്ടു​ണ്ട്. തെ​ര​ഞ്ഞെ​ടു​പ്പ് ജോ​ലി​ക്കാ​യി നി​യോ​ഗി​ച്ചി​ട്ടു​ള്ള ഉ​ദ്യോ​ഗ​സ്ഥ​ര്‍, സെ​ക്ട​ര്‍ ഓ​ഫി​സ​ര്‍മാ​ര്‍, സെ​ക്ട​ര്‍ അ​സി​സ്റ്റ​ന്റു​മാ​ര്‍, ഭി​ന്ന​ശേ​ഷി വി​ഭാ​ഗ​ക്കാ​ര്‍ തു​ട​ങ്ങി​യ​വ​ര്‍ക്കാ​യി പ്ര​ത്യേ​ക വാ​ഹ​ന സൗ​ക​ര്യം ഏ​ര്‍പ്പെ​ടു​ത്തി​യി​ട്ടു​ണ്ട്. സ​ക്ഷം ആ​പ് മു​ഖേ​ന ഭി​ന്ന​ശേ​ഷി വി​ഭാ​ഗ​ക്കാ​ര്‍ക്ക് വീ​ല്‍ചെ​യ​റു​ക​ള്‍, ആം​ബു​ല​ന്‍സ് ഉ​ള്‍പ്പെ​ടെ​യു​ള്ള സ​ജ്ജീ​ക​ര​ണം ഒ​രു​ക്കും.

പോ​ളി​ങ്​ ശ​ത​മാ​നം നി​ർ​ണാ​യ​ക​മാ​കും; 2019ൽ 74.24 ​ശ​ത​മാ​നം

പ​ത്ത​നം​തി​ട്ട: ശ​ക്ത​മാ​യ മ​ത്സ​രം ന​ട​ക്കു​ന്ന പ​ത്ത​നം​തി​ട്ട മ​ണ്ഡ​ല​ത്തി​ൽ പോ​ളി​ങ്​ ശ​ത​മാ​നം നി​ർ​ണാ​യ​ക​മാ​ണ്. 2019ൽ 74.24 ​ശ​ത​മാ​ന​മാ​യി​രു​ന്നു പോ​ളി​ങ്. 13,82,741 വോ​ട്ട​ർ​മാ​രി​ൽ 10,26,553 പേ​ർ വോ​ട്ട് ചെ​യ്തു. എ​ന്നാ​ൽ, 2014 ൽ 65.70 ​ശ​ത​മാ​നം മാ​ത്ര​മാ​യി​രു​ന്നു പോ​ളി​ങ്. 13,23,906 വോ​ട്ട​ർ​മാ​രി​ൽ 8,69,452 പേ​ർ മാ​ത്ര​മാ​ണ് വോ​ട്ട് ചെ​യ്ത​ത്. ഇ​ക്കു​റി വോ​ട്ട​ർ​മാ​രു​ടെ എ​ണ്ണ​ത്തി​ൽ വ​ർ​ധ​ന​യു​ണ്ടെ​ങ്കി​ലും പ​ട്ടി​ക​യി​ൽ സ്ഥ​ല​ത്തി​ല്ലാ​ത്ത​വ​രും മ​രി​ച്ചു​പോ​യ​വ​രും പൂ​ർ​ണ​മാ​യി ഒ​ഴി​വാ​ക്ക​പ്പെ​ട്ടി​ട്ടി​ല്ല. വോ​ട്ട​ർ​പ​ട്ടി​ക വീ​ടു​ക​യ​റി ത​യാ​റാ​ക്കു​ന്ന ജോ​ലി ഇ​പ്പോ​ൾ ന​ട​ക്കാ​റി​ല്ല. ബി.​എ​ൽ.​ഒ​മാ​രു​ടെ ചു​മ​ത​ല​യി​ലാ​ണ് പ​രി​ഷ്ക​ര​ണം. ഇ​ക്കാ​ര​ണ​ത്താ​ൽ കൃ​ത്യ​മാ​യ കൂ​ട്ടി​ച്ചേ​ർ​ക്ക​ലു​ക​ളോ ഒ​ഴി​വാ​ക്ക​ലു​ക​ളോ ഇ​ല്ല. 85 വ​യ​സ്സി​നു മു​ക​ളി​ലു​ള്ള മു​തി​ർ​ന്ന പൗ​ര​ൻ​മാ​ർ​ക്കും ഭി​ന്ന​ശേ​ഷി​ക്കാ​ർ​ക്കും ഇ​ത്ത​വ​ണ വീ​ട്ടി​ൽ വോ​ട്ട് ഏ​ർ​പ്പെ​ടു​ത്തി​യി​രു​ന്ന​തി​നാ​ൽ ഒ​ട്ടേ​റെ ആ​ളു​ക​ൾ ഈ ​സൗ​ക​ര്യം പ്ര​യോ​ജ​ന​പ്പെ​ടു​ത്തി. ഇ​തോ​ടൊ​പ്പം തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട ജോ​ലി​യി​ലു​ള്ള കൂ​ടു​ത​ൽ ആ​ളു​ക​ൾ​ക്ക് ത​പാ​ൽ വോ​ട്ടി​നു സൗ​ക​ര്യം ചെ​യ്ത​തും പ​രി​ശീ​ല​ന, വി​ത​ര​ണ കേ​ന്ദ്ര​ങ്ങ​ളി​ൽ ഇ​വ​ർ​ക്ക് വോ​ട്ട് രേ​ഖ​പ്പെ​ടു​ത്താ​ൻ സൗ​ക​ര്യം ന​ൽ​കി​യ​തും കാ​ര​ണം വോ​ട്ടി​ങ്​ ശ​ത​മാ​ന​ത്തി​ലും പ്ര​തി​ഫ​ലി​ക്കും. പ​ര​മാ​വ​ധി വോ​ട്ട​ർ​മാ​രെ ബൂ​ത്തു​ക​ളി​ലെ​ത്തി​ക്കാ​നു​ള്ള ശ്ര​മം രാ​ഷ്ട്രീ​യ​ക​ക്ഷി​ക​ളും ന​ട​ത്തും

ആ​ദ്യ​മാ​യി വോ​ട്ട​വ​കാ​ശം 18,087 പേ​ർക്ക്​

പ​ത്ത​നം​തി​ട്ട ലോ​ക്‌​സ​ഭാ മ​ണ്ഡ​ല​ത്തി​ല്‍ ആ​ദ്യ​മാ​യി വോ​ട്ട​വ​കാ​ശം വി​നി​യോ​ഗി​ക്കു​ന്ന​ത് 18,087 പേ​രാ​ണ്. 18-19 വ​യ​സ്സു​കാ​രാ​യ 9254 ആ​ണ്‍കു​ട്ടി​ക​ളും 8833 പെ​ണ്‍കു​ട്ടി​ക​ളു​മാ​ണ് ഇ​തി​ല്‍ ഉ​ള്‍പ്പെ​ടു​ന്ന​ത്.

കന്നിവോട്ടര്‍മാരേ.... വോട്ടെടുപ്പ് പ്രക്രിയ ഇങ്ങനെ

• സ​മ്മ​തി​ദാ​യ​ക​ന്‍ പോ​ളി​ങ് ബൂ​ത്തി​ലെ​ത്തു​ന്നു
• ഒ​ന്നാം പോ​ളി​ങ് ഓ​ഫി​സ​ര്‍ വോ​ട്ട​ര്‍ പ​ട്ടി​ക​യി​ലെ പേ​രും വോ​ട്ട​ര്‍ കാ​ണി​ക്കു​ന്ന തി​രി​ച്ച​റി​യ​ല്‍ രേ​ഖ​യും പ​രി​ശോ​ധി​ക്കും
• ര​ണ്ടാം പോ​ളി​ങ് ഓ​ഫി​സ​ര്‍ വോ​ട്ട​റു​ടെ ഇ​ട​തു​കൈ​യി​ലെ ചൂ​ണ്ടു​വി​ര​ലി​ല്‍ മ​ഷി​പു​ര​ട്ടു​ക​യും സ്ലി​പ് ന​ല്‍കു​ക​യും ഒ​പ്പി​ടു​വി​ക്കു​ക​യും ചെ​യ്യു​ന്നു
• മൂ​ന്നാം പോ​ളി​ങ് ഓ​ഫി​സ​ര്‍ സ്ലി​പ് സ്വീ​ക​രി​ച്ച് വോ​ട്ട​റു​ടെ വി​ര​ലി​ലെ മ​ഷി അ​ട​യാ​ളം പ​രി​ശോ​ധി​ക്കു​ന്നു
• വോ​ട്ട​ര്‍ വോ​ട്ടി​ങ് ന​ട​ത്തു​ന്ന​തി​നു​ള്ള ക​മ്പാ​ര്‍ട്ടു​മെ​ന്റി​ല്‍ എ​ത്തു​ന്നു. മൂ​ന്നാം പോ​ളി​ങ് ഓ​ഫി​സ​ര്‍ ബാ​ല​റ്റ് യൂ​നി​റ്റ് വോ​ട്ടി​ങ്ങി​ന് സ​ജ്ജ​മാ​ക്കു​ന്നു. ബാ​ല​റ്റ് യൂ​നി​റ്റി​ലെ റെ​ഡി ലൈ​റ്റ് പ്ര​കാ​ശി​ക്കു​ന്നു. ശേ​ഷം വോ​ട്ട​ര്‍ താ​ല്‍പ​ര്യ​മു​ള്ള സ്ഥാ​നാ​ര്‍ഥി​ക്ക് നേ​രെ​യു​ള്ള ഇ.​വി.​എ​മ്മി​ലെ നീ​ല ബ​ട്ട​ണ്‍ അ​മ​ര്‍ത്തു​ന്നു. സ്ഥാ​നാ​ര്‍ഥി​യു​ടെ പേ​രി​ന് നേ​രേ​യു​ള്ള ചു​വ​ന്ന ലൈ​റ്റ് പ്ര​കാ​ശി​ക്കു​ന്നു. ഉ​ട​ന്‍ ത​ന്നെ തെ​ര​ഞ്ഞെ​ടു​ത്ത സ്ഥാ​നാ​ര്‍ഥി​യു​ടെ ക്ര​മ​ന​മ്പ​ര്‍, പേ​ര്, ചി​ഹ്നം എ​ന്നി​വ അ​ട​ങ്ങി​യ ബാ​ല​റ്റ് സ്ലി​പ് വി​വി​പാ​റ്റ് യ​ന്ത്രം പ്രി​ന്റ് ചെ​യ്യു​ക​യും ഏ​ഴ് സെ​ക്ക​ന്‍ഡ് പ്ര​ദ​ര്‍ശി​പ്പി​ക്കു​ക​യും ചെ​യ്യു​ന്നു. ക​ണ്‍ട്രോ​ള്‍ യൂ​നി​റ്റി​ല്‍നി​ന്നു​ള്ള ബീ​പ് ശ​ബ്ദം വോ​ട്ട് രേ​ഖ​പ്പെ​ടു​ത്തി എ​ന്ന് ഉ​റ​പ്പു​വ​രു​ത്തു​ന്നു.
• വി​വി​പാ​റ്റി​ല്‍ ബാ​ല​റ്റ് സ്ലി​പ് കാ​ണാ​തി​രി​ക്കു​ക​യോ ബീ​പ് ശ​ബ്ദം കേ​ള്‍ക്കാ​തി​രി​ക്കു​ക​യോ ചെ​യ്താ​ല്‍ പ്രി​സൈ​ഡി​ങ് ഓ​ഫി​സ​റെ ബ​ന്ധ​പ്പെ​ടു​ക. വോ​ട്ട് ചെ​യ്ത ശേ​ഷം പ്രി​ന്റ് ചെ​യ്ത സ്ലി​പ് തു​ട​ര്‍ന്ന് വി​വി​പാ​റ്റ് യ​ന്ത്ര​ത്തി​ല്‍ സു​ര​ക്ഷി​ത​മാ​യി​രി​ക്കും.

തെ​ര​ഞ്ഞെ​ടു​പ്പ്​ ദി​ന​ത്തി​ലെ നി​ബ​ന്ധ​ന​ക​ള്‍

പ​ത്ത​നം​തി​ട്ട: തെ​ര​ഞ്ഞെ​ടു​പ്പ് ദി​വ​സം സ്ഥാ​നാ​ര്‍ഥി, ഇ​ല​ക്ഷ​ന്‍ ഏ​ജ​ന്റ് എ​ന്നി​വ​ര്‍ക്ക് വ​ര​ണാ​ധി​കാ​രി​യു​ടെ അ​നു​മ​തി​യോ​ടെ ഓ​രോ വാ​ഹ​ന​ങ്ങ​ള്‍ മ​ണ്ഡ​ല​ത്തി​ല്‍ ഉ​പ​യോ​ഗി​ക്കാം. സ്ഥാ​നാ​ര്‍ഥി​ക​ളു​ടെ പാ​ര്‍ട്ടി പ്ര​വ​ര്‍ത്ത​ക​ര്‍ക്ക് ഓ​രോ അ​സം​ബ്ലി നി​യോ​ജ​ക മ​ണ്ഡ​ല​ത്തി​ലേ​ക്കും ഓ​രോ വാ​ഹ​ന​ങ്ങ​ള്‍ അ​നു​മ​തി​യോ​ടെ ഉ​പ​യോ​ഗി​ക്കാം.

ഓ​രോ വാ​ഹ​ന​ത്തി​ലും ഡ്രൈ​വ​ര്‍ ഉ​ള്‍പ്പെ​ടെ അ​ഞ്ചു​പേ​രെ മാ​ത്ര​മേ അ​നു​വ​ദി​ക്കൂ. സ്ഥാ​നാ​ര്‍ഥി മ​ണ്ഡ​ല​ത്തി​ല്‍ ഹാ​ജ​ര​ല്ലെ​ങ്കി​ല്‍ സ്ഥാ​നാ​ര്‍ഥി​ക്ക് അ​നു​വ​ദി​ച്ച വാ​ഹ​നം മ​റ്റാ​രും ഉ​പ​യോ​ഗി​ക്ക​രു​ത്. വ​ര​ണാ​ധി​കാ​രി ന​ല്‍കു​ന്ന പെ​ര്‍മി​റ്റ് വാ​ഹ​ന​ത്തി​ന്റെ വി​ന്‍ഡ് സ്‌​ക്രീ​നി​ല്‍ പ​തി​പ്പി​ക്ക​ണം. അ​നു​വ​ദി​ച്ചി​ട്ടു​ള​ള വാ​ഹ​ന​ങ്ങ​ളി​ല്‍ വോ​ട്ട​ര്‍മാ​രെ തെ​ര​ഞ്ഞെ​ടു​പ്പ് കേ​ന്ദ്ര​ത്തി​ലേ​ക്ക് കൊ​ണ്ടു​വ​രു​ന്ന​തി​നോ കൊ​ണ്ടു​പോ​കു​ന്ന​തി​നോ ഉ​പ​യോ​ഗി​ക്ക​രു​ത്.

തെ​ര​ഞ്ഞെ​ടു​പ്പ്​ ദി​വ​സം അ​നു​വ​ദി​ക്ക​പ്പെ​ട്ട വാ​ഹ​ന​ങ്ങ​ള്‍ ഒ​ഴി​കെ മ​റ്റ് വാ​ഹ​ന​ങ്ങ​ള്‍ തെ​ര​ഞ്ഞെ​ടു​പ്പ് ആ​വ​ശ്യ​ത്തി​ന് ഉ​പ​യോ​ഗി​ക്ക​രു​ത്. അ​നു​മ​തി കൂ​ടാ​തെ ഉ​പ​യോ​ഗി​ക്കു​ന്ന വാ​ഹ​ന​ങ്ങ​ളു​ടെ ഉ​ട​മ​ക​ള്‍ക്കെ​തി​രെ മോ​ട്ടോ​ര്‍ വാ​ഹ​ന​നി​യ​മ​പ്ര​കാ​രം ന​ട​പ​ടി സ്വീ​ക​രി​ക്കും.

സ്വ​കാ​ര്യ വാ​ഹ​ന​ങ്ങ​ളി​ല്‍ ഉ​ട​മ​സ്ഥ​ര്‍ക്കോ കു​ടും​ബാം​ഗ​ങ്ങ​ള്‍ക്കോ പോ​ളിം​ഗ് സ്റ്റേ​ഷ​നി​ല്‍ വോ​ട്ട് ചെ​യ്യാ​ന്‍ പോ​കു​ന്ന​തി​ല്‍ ത​ട​സ്സ​മി​ല്ല. സ്വ​കാ​ര്യ വാ​ഹ​ന​ങ്ങ​ള്‍ വോ​ട്ടെ​ടു​പ്പ്​ കേ​ന്ദ്ര​ത്തി​ന്റെ 200 മീ​റ്റ​ര്‍ ചു​റ്റ​ള​വി​ല്‍ പ്ര​വേ​ശി​ക്കാ​ന്‍ പാ​ടി​ല്ല.പോ​ളി​ങ്​ സ്റ്റേ​ഷ​ന്റെ 100 മീ​റ്റ​ര്‍ പ​രി​ധി​ക്കു​ള്ളി​ല്‍ പൊ​തു, സ്വ​കാ​ര്യ​സ്ഥ​ല​ത്ത് വോ​ട്ട​ര്‍മാ​രെ സ്വാ​ധീ​നി​ക്കു​ന്ന പ്ര​വ​ര്‍ത്തി​ക​ളോ, പോ​സ്റ്റ​റു​ക​ളോ ബാ​ന​റു​ക​ളോ അ​നു​വ​ദി​ക്കു​ന്ന​ത​ല്ല. പോ​ളി​ങ്​ സ്റ്റേ​ഷ​ന്റെ 100 മീ​റ്റ​ര്‍ പ​രി​ധി​ക്കു​ള്ളി​ല്‍ മൊ​ബൈ​ല്‍ഫോ​ണ്‍, കോ​ഡ്‌​ല​സ് ഫോ​ണ്‍ എ​ന്നി​വ ഡ്യൂ​ട്ടി​ക്ക് നി​യോ​ഗി​ച്ചി​ട്ടു​ള്ള ഉ​ദ്യോ​ഗ​സ്ഥ​ര​ല്ലാ​തെ മ​റ്റാ​രും ഉ​പ​യോ​ഗി​ക്കാ​ന്‍ പാ​ടി​ല്ല. വോ​ട്ടേ​ഴ്‌​സ് സ്ലി​പ്പു​ക​ളി​ല്‍ സ്ഥാ​നാ​ര്‍ഥി​യു​ടെ പേ​രോ ചി​ഹ്ന​മോ, പാ​ര്‍ട്ടി​യു​ടെ പേ​രോ ഉ​പ​യോ​ഗി​ക്ക​രു​ത്.

പോ​ളി​ങ്​ സ​മ​യ​ത്ത് ബൂ​ത്തു​ക​ള്‍ക്കു​ള്ളി​ല്‍ പോ​ളി​ങ്​ ഉ​ദ്യോ​ഗ​സ്ഥ​ര്‍ ഫോ​ണു​ക​ള്‍ സ്വി​ച്ച് ഓ​ഫ് ചെ​യ്യേ​ണ്ട​തും ആ​വ​ശ്യ​മെ​ങ്കി​ല്‍ ബൂ​ത്തി​നു പു​റ​ത്തു​പോ​യി സം​സാ​രി​ക്കേ​ണ്ട​തു​മാ​ണ്. ബൂ​ത്തു​ക​ളു​ടെ പു​റ​ത്ത് ബൂ​ത്ത് ലെ​വ​ല്‍ ഓ​ഫി​സ​ര്‍മാ​ര്‍ക്ക് മൊ​ബൈ​ല്‍ഫോ​ണ്‍, വോ​ട്ട​ര്‍പ​ട്ടി​ക, വോ​ട്ട​ര്‍ സ്ലി​പ് എ​ന്നി​വ സ​ഹി​തം വോ​ട്ട​ര്‍ അ​സി​സ്റ്റ​ന്‍സ് ബൂ​ത്തു​ക​ളി​ല്‍ നി​ല​കൊ​ള്ളാം.

പോ​ളി​ങ്​ സ്റ്റേ​ഷ​ന്റെ 100 മീ​റ്റ​ര്‍ പ​രി​ധി​ക്കു​ള്ളി​ല്‍ ലൗ​ഡ്‌​സ്പീ​ക്ക​ര്‍, മെ​ഗാ​ഫോ​ണ്‍ എ​ന്നി​വ​യു​ടെ ഉ​പ​യോ​ഗം നി​രോ​ധി​ച്ചി​ട്ടു​ണ്ട്. റെ​ക്കോ​ഡ് ചെ​യ്ത ശ​ബ്ദ​ങ്ങ​ളോ ആം​പ്ലി​ഫ​യ​റു​ക​ളോ ഉ​പ​യോ​ഗി​ച്ചാ​ല്‍ അ​ത്ത​രം ഉ​പ​ക​ര​ണ​ങ്ങ​ള്‍ ക​സ്റ്റ​ഡി​യി​ല്‍ എ​ടു​ക്കും. ഉ​ച്ച​ത്തി​ല്‍ പ്ര​ഭാ​ഷ​ണം ന​ട​ത്തി​യാ​ല്‍ ശി​ക്ഷാ​ന​ട​പ​ടി​ക​ള്‍ സ്വീ​ക​രി​ക്കും. പോ​ളി​ങ്​ സ്റ്റേ​ഷ​നി​ല്‍ പ്ര​വേ​ശി​ക്കു​ന്ന​തി​ന് അം​ഗീ​കൃ​ത പാ​സ് കൃ​ത്യ​മാ​യി പ്ര​ദ​ര്‍ശി​പ്പി​ക്ക​ണം.

പോ​ളി​ങ്​ ശ​ത​മാ​നം അ​റി​യാം വോ​ട്ട​ര്‍ ടേ​ണ്‍ഔ​ട്ട് ആ​പ്പി​ലൂ​ടെ

പ​ത്ത​നം​തി​ട്ട: തെ​ര​ഞ്ഞെ​ടു​പ്പ് ദി​ന​ത്തി​ല്‍ പൊ​തു​ജ​ന​ങ്ങ​ള്‍ക്ക് പോ​ളി​ങ്​ ശ​ത​മാ​നം അ​റി​യാ​നാ​യി ആ​പ്പ് ഒ​രു​ക്കി തെ​ര​ഞ്ഞെ​ടു​പ്പ് ക​മീ​ഷ​ന്‍. വോ​ട്ട​ര്‍ ടേ​ണ്‍ഔ​ട്ട് എ​ന്ന ആ​പ്പാ​ണ് ഇ​തി​നാ​യി ത​യാ​റാ​ക്കി​യി​രി​ക്കു​ന്ന​ത്.

നി​യോ​ജ​ക മ​ണ്ഡ​ലാ​ടി​സ്ഥാ​ന​ത്തി​ലു​ള്ള പോ​ളി​ങ് ശ​ത​മാ​നം ര​ണ്ട് മ​ണി​ക്കൂ​ര്‍ ഇ​ട​വി​ട്ട് വോ​ട്ട​ര്‍ ടേ​ണ്‍ഔ​ട്ട് ആ​പ്പി​ല്‍ ല​ഭി​ക്കും. പോ​ളി​ങ്​ ദി​വ​സ​ത്തി​ന്റെ തൊ​ട്ട​ടു​ത്ത ദി​വ​സം ബൂ​ത്ത് തി​രി​ച്ചു​ള്ള വി​വ​ര​ങ്ങ​ളും പൊ​തു​ജ​ന​ങ്ങ​ള്‍ക്ക് ഇ​തി​ലൂ​ടെ ല​ഭ്യ​മാ​കും.

പോ​ളി​ങ്​ സ്റ്റേ​ഷ​നു​ക​ളി​ലെ ന​ട​പ​ടി​ക്ര​മ​ങ്ങ​ള്‍ നി​രീ​ക്ഷി​ക്കാ​ന്‍ ഓ​രോ മ​ണി​ക്കൂ​റി​ലെ പോ​ളി​ങ് ശ​ത​മാ​നം പു​തു​ക്കു​ന്ന​തി​ന് പോ​ളി​ങ്​ ഉ​ദ്യോ​ഗ​സ്ഥ​ര്‍ക്ക് തെ​ര​ഞ്ഞെ​ടു​പ്പ് ക​മീ​ഷ​ന്റെ പോ​ള്‍ മാ​നേ​ജ​ര്‍ ആ​പ്ലി​ക്കേ​ഷ​നും സ​ജ്ജ​മാ​ക്കി​യി​ട്ടു​ണ്ട്. പോ​ളി​ങ്​ ബൂ​ത്തി​ലെ പ്രി​സൈ​ഡി​ങ് ഓ​ഫി​സ​ര്‍, ഒ​ന്നാം പോ​ളി​ങ്​ ഓ​ഫി​സ​ര്‍, സെ​ക്ട​റ​ല്‍ ഓ​ഫി​സ​ര്‍, റി​ട്ടേ​ണി​ങ്​ ഓ​ഫീ​സ​ര്‍, അ​സി​സ്റ്റ​ന്റ് റി​ട്ടേ​ണി​ങ് ഓ​ഫി​സ​ര്‍മാ​ര്‍ എ​ന്നി​വ​ര്‍ക്ക് പോ​ള്‍ മാ​നേ​ജ​ര്‍ ആ​പ് നി​രീ​ക്ഷി​ക്കാം.

വോ​ട്ട് ചെ​യ്യാ​ന്‍ 13 തി​രി​ച്ച​റി​യ​ല്‍ രേ​ഖ​ക​ള്‍

വോ​ട്ട് ചെ​യ്യു​ന്ന​തി​ന് ഏ​പ്രി​ല്‍ 26 ന് ​പോ​ളി​ങ്​ ബൂ​ത്തി​ല്‍ എ​ത്തു​മ്പോ​ള്‍ തി​രി​ച്ച​റി​യ​ല്‍ രേ​ഖ​യാ​യി ഉ​പ​യോ​ഗി​ക്കേ​ണ്ട​ത് തെ​ര​ഞ്ഞെ​ടു​പ്പ് ക​മീ​ഷ​ന്‍ ന​ല്‍കു​ന്ന ഫോ​ട്ടോ ഐ.​ഡി കാ​ര്‍ഡ് (എ​പി​ക്) ആ​ണ്. എ​ന്നാ​ല്‍, എ​പി​ക് കാ​ര്‍ഡ് കൈ​വ​ശ​മി​ല്ലാ​ത്ത​വ​ര്‍ക്ക് തെ​ര​ഞ്ഞെ​ടു​പ്പ് ക​മീ​ഷ​ന്‍ നി​ര്‍ദേ​ശി​ച്ച ഫോ​ട്ടോ പ​തി​ച്ച മ​റ്റ് 12 അം​ഗീ​കൃ​ത തി​രി​ച്ച​റി​യ​ല്‍ രേ​ഖ​ക​ള്‍ ഉ​പ​യോ​ഗി​ച്ച് വോ​ട്ട് ചെ​യ്യാ​നാ​വു​മെ​ന്ന് മു​ഖ്യ​തെ​ര​ഞ്ഞെ​ടു​പ്പ് ഓ​ഫീ​സ​ര്‍ സ​ഞ്ജ​യ് കൗ​ള്‍ അ​റി​യി​ച്ചു.

• ക​മീ​ഷ​ന്‍ നി​ര്‍ദേ​ശി​ച്ചി​ട്ടു​ള്ള അം​ഗീ​കൃ​ത തി​രി​ച്ച​റി​യ​ല്‍ രേ​ഖ​ക​ള്‍ ഇ​വ​യാ​ണ്
• തെ​ര​ഞ്ഞെ​ടു​പ്പ് ക​മീ​ഷ​ന്‍ ന​ല്‍കു​ന്ന ഫോ​ട്ടോ ഐ​ഡി കാ​ര്‍ഡ്
• ആ​ധാ​ര്‍ കാ​ര്‍ഡ്
• എം.​എ​ന്‍.​ആ​ര്‍.​ഇ.​ജി.​എ തൊ​ഴി​ല്‍ കാ​ര്‍ഡ് (ദേ​ശീ​യ തൊ​ഴി​ലു​റ​പ്പ് പ​ദ്ധ​തി ജോ​ബ് കാ​ര്‍ഡ്)
• ബാ​ങ്ക്/​പോ​സ്റ്റ് ഓ​ഫി​സ് ന​ല്‍കു​ന്ന ഫോ​ട്ടോ സ​ഹി​ത​മു​ള്ള പാ​സ്ബു​ക്കു​ക​ള്‍
• തൊ​ഴി​ല്‍ മ​ന്ത്രാ​ല​യ​ത്തി​ന്റെ ആ​രോ​ഗ്യ ഇ​ന്‍ഷ്വ​റ​ന്‍സ് സ്മാ​ര്‍ട്ട് കാ​ര്‍ഡ്
• ഡ്രൈ​വി​ങ്​ ലൈ​സ​ന്‍സ്
• പാ​ന്‍ കാ​ര്‍ഡ്
• ദേ​ശീ​യ ജ​ന​സം​ഖ്യ ര​ജി​സ്റ്റ​റി​ന് കീ​ഴി​ല്‍ ര​ജി​സ്ട്രാ​ര്‍ ജ​ന​റ​ല്‍ ഓ​ഫ് ഇ​ന്ത്യ ന​ല്‍കു​ന്ന സ്മാ​ര്‍ട്ട് കാ​ര്‍ഡ്
• ഇ​ന്ത്യ​ന്‍ പാ​സ്​​പോ​ര്‍ട്ട്
• ഫോ​ട്ടോ സ​ഹി​ത​മു​ള്ള പെ​ന്‍ഷ​ന്‍ രേ​ഖ
• കേ​ന്ദ്ര, സം​സ്ഥാ​ന ജീ​വ​ന​ക്കാ​ര്‍, പൊ​തു​മേ​ഖ​ല സ്ഥാ​പ​ന​ങ്ങ​ള്‍, പ​ബ്ലി​ക്ക് ലി​മി​റ്റ​ഡ് ക​മ്പ​നി എ​ന്നി​വ​യി​ലെ ജീ​വ​ന​ക്കാ​ര്‍ എ​ന്നി​വ​ര്‍ക്ക് ന​ല്‍കു​ന്ന ഫോ​ട്ടോ പ​തി​ച്ച ഐ.​ഡി​കാ​ര്‍ഡ്
• പാ​ര്‍ല​മെ​ന്റ് അം​ഗ​ങ്ങ​ള്‍/ നി​യ​മ​സ​ഭ​ക​ളി​ലെ അം​ഗ​ങ്ങ​ള്‍/ ലെ​ജി​സ്ലേ​റ്റി​വ് കൗ​ണ്‍സി​ല്‍ അം​ഗ​ങ്ങ​ള്‍ എ​ന്നി​വ​ര്‍ക്ക് ന​ല്‍കു​ന്ന ഔ​ദ്യോ​ഗി​ക തി​രി​ച്ച​റി​യ​ല്‍ കാ​ര്‍ഡു​ക​ള്‍
• ഭി​ന്ന​ശേ​ഷി തി​രി​ച്ച​റി​യ​ല്‍ കാ​ര്‍ഡ് (യു​ഡി ഐ ​ഡി കാ​ര്‍ഡ്)