അ​ത്​​ല​റ്റി​ക്സി​ലും ഗെ​യിം​സി​ലും പത്തനംതിട്ട ജില്ല 14ാം സ്ഥാ​ന​ത്ത്​

പത്തനംതിട്ട: സംസ്ഥാന സ്കൂൾ കായികമേളയിൽനിന്ന് ജില്ലക്ക് നിരാശ മടക്കം. ചൊവ്വാഴ്ച മീറ്റിന് സമാപനമായപ്പോൾ ഓവറോൾ പോയിന്‍റ് നിലയിൽ സംസ്ഥാനത്ത് ഏറ്റവും പിന്നിലാണ് പത്തനംതിട്ട. അത്ലറ്റിക്സിലും ഗെയിംസിലും 14ാം സ്ഥാനത്ത് ഫിനിഷ് ചെയ്ത പത്തനംതിട്ടക്ക് ആകെ 53 പോയിന്‍റാണുള്ളത്. ഒരു സ്വർണം, ആറു വെള്ളി, 15 വെങ്കലം എന്നിങ്ങനെയാണ് മെഡൽനില. അത്ലറ്റിക്സിൽ രണ്ടു വീതം വെള്ളിയും വെങ്കലവുമടക്കം ആകെ എട്ട് പോയിൻറാണ് നേടാനായത്.

സീനിയർ ഗേൾസ്‌ നെറ്റ്‌ബാളിൾ ജില്ല ടീം സ്വർണ മെഡൽ നേടിയതാണ് അഭിമാനനേട്ടം. ഏക സ്വർണമെഡലും ഇതാണ്‌. കുറിയന്നൂർ മാർത്തോമ ഹൈസ്കൂളിലെ പത്താം ക്ലാസ് വിദ്യാർഥി അമൽ മനോജ് അത്ലറ്റിക്സിൽ ഇരട്ടനേട്ടം സ്വന്തമാക്കി. ഡിസ്കസ് ത്രോയിൽ വെള്ളിയും ഷോട്ട്പുട്ടിൽ വെങ്കലവുമാണ് ജൂനിയർ ആൺകുട്ടികളുടെ വിഭാഗത്തിൽ അമൽ സ്വന്തമാക്കിയത്.

മാവേലിക്കര ചെറുകോൽ ഇല്ലത്ത് പരേതനായ ഡി. മനോജിന്‍റെയും കെ. അർച്ചനമോളുടെയും മകനാണ് അമൽ. എൻ.ജി. ശിവശങ്കറും അമൽ സന്തോഷ് ജോസഫുമാണ് പരിശീലകർ. കഴിഞ്ഞ സംസ്ഥാന മേളയിലും അമൽ വെള്ളി നേടിയിരുന്നു.

ജൂനിയർ ആൺകുട്ടികളുടെ 400മീറ്റർ ഹർഡിൽസിൽ ഇരവിപേരൂർ സെന്‍റ് ജോൺസ് എച്ച്.എസ്.എസിലെ സ്റ്റെഫിൻ ടൈറ്റസാണ് മറ്റൊരു വെള്ളി നേട്ടക്കാരൻ. സബ് ജൂനിയർ ആൺകുട്ടികളുടെ ഡിസ്കസ് ത്രോയിൽ കുറിയന്നൂർ മാർത്തോമ എച്ച്.എസിലെ എം. മനു വെങ്കലം നേടി.

ഗെയിംസിൽ 19 നു താഴെയുള്ള പെൺകുട്ടികളുടെ വിഭാഗം ഹോക്കിയിൽ രണ്ടാം സ്ഥാനം നേടാനായി. ഇൻക്ലൂ‍സീവ്‌ കായികമേളയിൽ ക്രിക്കറ്റിൽ വെള്ളിമെഡൽ നേടിയതും അഭിമാനമായി. അടൂർ ജി.ജി.എച്ച്‌.എസ്‌.എസിലെ എ. കാശിനാഥിന്‍റെ നേതൃത്വത്തിലായിരുന്നു വെള്ളിനേട്ടം.

കോന്നി ജി.എച്ച്.എസിലെ അമൃതേഷ് കൃഷ്ണ, സാന്റോ സന്തോഷ്, തെങ്ങമം ജി.എച്ച്.എസ്.എസിലെ എസ്.വിഷ്ണു, ഇടപ്പരിയാരം എസ്.എൻ.ഡി.പി എച്ച്.എസ്.എസിലെ മന്ന എഫ്രേം സിംസൺ, കുന്നന്താനം എൻ.എസ്.എസിലെ ഷാരോൺ ജേക്കബ്, കിസുമം ജി.എച്ച്.എസ്.എസിലെ പി.എ. അഭിജിത്, കിഴവള്ളൂർ സെന്റ്‌ ജോർജിലെ പി. ആദിത്യൻ, മാങ്കോട് ജി.വി.എച്ച്.എസിലെ എച്ച്. അൽസാബിർ, പത്തനംതിട്ട ജി.എച്ച്.എസ്‌.എസിലെ ജീവ ജിജു, തടിയൂർ എൻ.എസ്.എസിലെ എസ്.ആർ. ദേവേഷ്, ഇളമണ്ണൂർ ഇ.വി എച്ച്.എസ്.എസിലെ ഗൗരിനാഥ്, വെണ്ണിക്കുളം സെന്റ്‌ ബെഹനാൻസിലെ അനന്തകൃഷ്ണൻ, തട്ടയിൽ എൻ.എസ്.എസിലെ അദ്വൈത് കൃഷ്ണ, തടിയൂർ എൻ.എസ്.എസിലെ അബിൻ കെ ഷാജി എന്നിവരായിരുന്നു ടീം അംഗങ്ങൾ.

അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം; പ​രി​ശീ​ല​ക​രു​മി​ല്ല

അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വ​വാ​ണ്​ ജി​ല്ല​യു​ടെ പി​ന്നാ​ക്കം പോ​ക്കി​ന്​ പ്ര​ധാ​ന​കാ​ര​ണം. ഭൂ​രി​ഭാ​ഗം സ്കൂ​ളു​ക​ളി​ലും ട്രാ​ക്കു​ക​ളോ മ​റ്റു സൗ​ക​ര്യ​ങ്ങ​ളോ ഇ​ല്ല. ഒ​റ്റ​പ്പെ​ട്ട ​സ്കൂ​ളു​ക​ളി​ൽ മാ​ത്ര​മാ​ണ്​ മി​ക​ച്ച പ​രി​ശീ​ല​ന സൗ​ക​ര്യ​മു​ള്ള​ത്. ഇ​വ​ർ​ക്കും സാ​മ്പ​ത്തി​കം അ​ട​ക്കം ത​ട​സ്സ​ങ്ങ​ൾ മൂ​ലം ചാ​മ്പ്യ​ൻ സ്​​കൂ​ൾ എ​ന്ന നി​ല​യി​ലേ​ക്ക്​ എ​ത്താ​ൻ ക​ഴി​യു​ന്നി​ല്ല. ജി​ല്ല സ്​​​റ്റേ​ഡി​യ​ത്തി​ന്‍റെ ന​വീ​ക​ര​ണം ന​ട​ക്കു​ന്ന​തി​നാ​ൽ ഇ​വി​ടെ​യും പ​രി​ശീ​ല​ന​ത്തി​ന്​ അ​വ​സ​ര​മി​ല്ല.

മി​ക്ക സ്​​കൂ​ളു​ക​ളി​ലും കാ​യി​ക അ​ധ്യാ​പ​ക​രി​ല്ല. ജി​ല്ല​യി​ൽ മൊ​ത്തം 52 കാ​യി​കാ​ധ്യാ​പ​ക​രാ​ണു​ള്ള​ത്. ഇ​തി​ൽ ആ​റു​ പേ​ർ ഈ ​വ​ർ​ഷം വി​ര​മി​ക്കും. കാ​യി​കാ​ധ്യാ​പ​ക​രു​ടെ അ​ഭാ​വ​വും കു​ട്ടി​ക​ളു​ടെ പ​രി​ശീ​ല​ന കു​റ​വും കാ​ര​ണം ഉ​പ​ജി​ല്ല കാ​യി​ക​മേ​ള​ക​ളെ​ല്ലാം ‘ട്രാ​ക്ക്’ തെ​റ്റി​യ നി​ല​യി​ലാ​ണ്​ ന​ട​ന്ന​ത്.

സ്​​കൂ​ളു​ക​ളി​ൽ​നി​ന്ന് പ​രി​ശീ​ല​ന​മൊ​ന്നും ല​ഭി​ക്കാ​ത്ത കു​ട്ടി​ക​ളാ​ണ്​ ഉ​പ​ജി​ല്ല​ക​ളി​ൽ പ​​​ങ്കെ​ടു​ത്ത​ത്. കാ​യി​ക​മേ​ഖ​ല​യോ​ട് അ​ധി​കൃ​ത​ർ കാ​ട്ടു​ന്ന അ​വ​ഗ​ണ​ന മൂ​ലം പു​തി​യ താ​രോ​ദ​യ​ങ്ങ​ൾ ഉ​ണ്ടാ​കു​ന്നി​ല്ലെ​ന്നും കാ​യി​കാ​ധ്യാ​പ​ക​ർ പ​റ​യു​ന്നു. സം​സ്​​ഥാ​ന​ത​ല മ​ൽ​സ​ര​ത്തി​ൽ ജി​ല്ല പി​ന്നി​ലാ​കു​ന്ന​തി​ന്​ പ്ര​ധാ​ന കാ​ര​ണ​വും ഇ​താ​ണെ​ന്ന്​ ഇ​വ​ർ ചൂ​ണ്ടി​ക്കാ​ട്ടു​ന്നു.