ബസിൽ മാലമോഷണം തമിഴ്നാട് സ്വദേശിനി അറസ്റ്റിൽ

പന്തളം: ബസ് യാത്രക്കാരിയുടെ ഒന്നരപ്പവ‍െൻറ മാല മോഷ്ടിച്ച തമിഴ്നാട് സ്വദേശിനി അറസ്റ്റിൽ. തൂത്തുക്കുടി അണ്ണാനഗർ ഡോർ നമ്പർ 12ൽ ഗണേശി‍െൻറ ഭാര്യ ദിവ്യയാണ്(30) അറസ്റ്റിലായത്. ശനിയാഴ്ച രാവിലെ 10.30ഓടെയാണ് സംഭവം. പന്തളം-അടൂർ റൂട്ടിലെ കെ.എസ്.ആർ.ടി.സി ബസിലെ യാത്രക്കാരിയുടെ മാലയാണ് മോഷണംപോയത്.

ബസ് ജീവനക്കാർ പൊലീസിൽ വിവരമറിയിച്ചു. പൊലീസെത്തി നടത്തിയ പരിശോധനയിൽ ദിവ്യയുടെ കൈയിൽനിന്ന് മാല കണ്ടെടുക്കുകയായിരുന്നു. ഇവർക്കൊപ്പമുണ്ടായിരുന്ന സ്ത്രീ കടന്നുകളഞ്ഞു.