സ്വകാര്യ ബസ് നിയന്ത്രണംവിട്ട് കലുങ്കിലേക്ക് ഇടിച്ചു കയറി

പന്തളം: സ്വകാര്യ ബസ് നിയന്ത്രണംവിട്ട് കലുങ്കിലേക്ക് ഇടിച്ചു കയറി. പന്തളത്തുനിന്ന് കുരമ്പാല വഴി പത്തനാപുരത്തേക്ക് പോയ സ്വകാര്യ ബസ് എം.സി റോഡിൽ കുരമ്പാല ശങ്കരത്തിൽപടി ജങ്ഷനിൽ നിയന്ത്രണംവിട്ട് ഇടിച്ചു കയറുകയായിരുന്നു. ചൊവ്വാഴ്ച വൈകീട്ട് അഞ്ചോടെയാണ് അപകടം. യാത്രക്കാർ ഉൾപ്പെടെ ചിലർക്ക് സാരമായി പരിക്കേറ്റു. കനത്ത മഴമൂലം ബസി‍െൻറ വേഗം കുറവായിരുന്നതിനാൽ വലിയ അപകടം ഒഴിവായി.