പന്തളം നഗരസഭ; കാർഷിക പദ്ധതിയോട്​ അവഗണന; വലഞ്ഞ്​ കർഷകർ

പ​ന്ത​ളം: ന​ഗ​ര​സ​ഭ​യി​ലെ കാ​ർ​ഷി​ക പ​ദ്ധ​തി​ക്ക് അ​വ​ഗ​ണ​ന. ന​ഗ​ര​സ​ഭ​യു​ടെ 2025-26 പ​ദ്ധ​തി​യി​ലെ​ങ്കി​ലും കൃ​ഷി​ക്കും അ​നു​ബ​ന്ധ മേ​ഖ​ല​ക​ൾ​ക്കും മു​ൻ​ഗ​ണ​ന ന​ൽ​ക​ണ​മെ​ന്ന് ആ​വ​ശ്യം ശ​ക്ത​മാ​കു​ന്നു. നാ​ലു​വ​ർ​ഷ​മാ​യി സ​ർ​ക്കാ​ർ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൻ നാ​മ​മാ​ത്ര​മാ​യി കാ​ർ​ഷി​ക പ​ദ്ധ​തി​ക​ൾ​ക്ക് ഡി.​പി.​സി അം​ഗീ​കാ​രം ല​ഭി​ക്കാ​നാ​യി പ​ണം വ​ക​യി​രു​ത്തു​മെ​ങ്കി​ലും അ​ത് സ​മ​യ​ബ​ന്ധി​ത​മാ​യി ന​ട​പ്പാ​ക്കാ​നോ ക​ർ​ഷ​ക​രി​ലെ​ത്തി​ക്കാ​നോ ഗു​ണ​നി​ല​വാ​ര​മു​ള്ള വി​ത്തു​ക​ൾ ന​ൽ​കാ​നോ ന​ഗ​ര​സ​ഭ​യും കൃ​ഷി വ​കു​പ്പും ത​യാ​റാ​കു​ന്നി​ല്ല.

പ​ന്ത​ള​ത്തെ നെ​ല്ല​റ​യാ​യി വി​ശേ​ഷി​പ്പി​ക്കു​ന്ന ചേ​രി​ക്ക​ൽ, ക​രി​ങ്ങാ​ലി പാ​ട​ശേ​ഖ​ര​ത്തി​ൽ​പെ​ട്ട കി​ളി​കൊ​ല്ലൂ​ർ, മ​ണ​ത്ത​റ, വാ​രു​കൊ​ല്ല എ​ന്നി ചി​റ്റി​ല​പാ​ട​ശേ​ഖ​ര​ങ്ങ​ളി​ലെ​യും യ​ഥാ​സ​മ​യം കൃ​ഷി​യി​റ​ക്കാ​നാ​കാ​തെ​യും വി​ള​വെ​ടു​ക്കാ​നാ​കാ​തെ​യും ബു​ദ്ധി​മു​ട്ടു​ക​യാ​ണ് ക​ർ​ഷ​ക​ർ. പാ​ട​ശേ​ഖ​ര​ത്തേ തോ​ടു​ക​ളും പു​ഞ്ച​യു​മെ​ല്ലാം ക​റു​ക​യും പാ​യ​ലും നി​റ​ഞ്ഞു​കി​ട​ക്കു​ന്ന​തും ഡി-​വാ​ട്ട​റി​ങ്​ സം​വി​ധാ​നം കാ​ര്യ​ക്ഷ​മ​മ​ല്ലാ​ത്ത​തു​മാ​ണ് ഇ​തി​നു കാ​ര​ണം. ഈ ​വ​ർ​ഷം ത​ന്നെ പ​തി​നാ​യി​ര​ക്ക​ണ​ക്കി​ന് രൂ​പ​യു​ടെ നെ​ൽ​വി​ത്തു​ക​ളാ​ണ് കാ​ലം തെ​റ്റി വ​ന്ന മ​ഴ മൂ​ലം ന​ശി​ച്ച​ത്.

കൃ​ഷി ആ​രം​ഭി​ക്കു​ന്ന​തി​നു മു​മ്പു​ത​ന്നെ പാ​ട​ശേ​ഖ​ര​ത്തേ​ക്കു​ള്ള തോ​ടും ചാ​ല​ക​ളും പാ​ട​ശേ​ഖ​ര​ങ്ങ​ളി​ലെ​യും ക​റു​ക​യും പാ​യ​ലും നീ​ക്കം ചെ​യ്യു​ന്ന​തി​നും ഡി-​വാ​ട്ട​റി​ങ്​ സം​വി​ധാ​നം ത്വ​രി​ത​പ്പെ​ടു​ത്തു​ന്ന​തി​നും പാ​ട​ശേ​ഖ​ര സ​മി​തി​ക​ൾ​ക്ക് ഫ​ണ്ട​നു​വ​ദി​ക്ക​ണ​മെ​ന്നും വി​ള​വെ​ടു​പ്പി​ന് കൊ​യ്ത്തു​മെ​തി​യ​ന്ത്രം വാ​ട​ക​ക്ക്​ എ​ടു​ക്ക​യാ​ണെ​ന്നും യ​ന്ത്ര​ങ്ങ​ൾ യ​ഥാ​സ​മ​യം ല​ഭി​ക്കാ​ത്ത​തു​മൂ​ലം ഏ​ക്ക​റു​ക​ണ​ക്കി​ന് കൃ​ഷി​യാ​ണ്​ വി​ള​വെ​ടു​ക്കാ​നാ​കാ​തെ ന​ശി​ക്കു​ന്ന​ത്.

പ​ന്ത​ളം ന​ഗ​ര​സ​ഭ 2000-2005ൽ ​കൊ​യ്ത്തു​മെ​തി​യ​ന്ത്രം വാ​ങ്ങി​യെ​ങ്കി​ലും ഉ​പ​യോ​ഗ​ത്തി​ലെ പാ​ളി​ച്ച​മൂ​ലം യ​ന്ത്രം കേ​ടാ​യി ന​ഗ​ര​സ​ഭ ഷെ​ഡി​ൽ കി​ട​ക്കു​ക​യാ​ണ്. പ​ന്ത​ള​ത്തെ പാ​ട​ശേ​ഖ​ര​ങ്ങ​ളി​ലെ വി​ള​വെ​ടു​പ്പ് സ​മ​യ​ബ​ന്ധി​ത​മാ​യി ന​ട​ത്താ​ൻ ന​ഗ​ര​സ​ഭ ര​ണ്ടു കൊ​യ്ത്തു​മെ​തി​യ​ന്ത്ര​ങ്ങ​ൾ വാ​ങ്ങി ക​ർ​ഷ​ക​രു​ടെ ആ​വ​ശ്യ​ത്തി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ടു.