പ​ന്ത​ളം ബൈ​പാ​സി​നാ​യി വ​സ്തു അ​ള​ന്ന് ക​ല്ലി​ട്ടി​ട്ട് ഒ​രു വ​ർ​ഷം

പ​ന്ത​ളം: പ​ന്ത​ളം ബൈ​പാ​സി​നാ​യി വ​സ്തു അ​ള​ന്ന് ക​ല്ലി​ട്ടി​ട്ട് ഒ​രു വ​ർ​ഷം പൂ​ർ​ത്തി​യാ​യി​ട്ടും തു​ട​ർ​ന​ട​പ​ടി​ക​ൾ ഇ​ഴ​യു​ന്നു. പ​ദ്ധ​തി​ക്കാ​യി സ്ഥ​ലം അ​ള​ന്നു ക​ല്ലി​ടു​ന്ന ജോ​ലി​ക​ൾ ഒ​രു വ​ർ​ഷം മു​മ്പ് പൂ​ർ​ത്തി​യാ​യി. ഇ​ത​നു​സ​രി​ച്ച രൂ​പ​രേ​ഖ കേ​ര​ള റോ​ഡ് ഫ​ണ്ട് ബോ​ർ​ഡ് അ​ധി​കൃ​ത​ർ, കി​ഫ്ബി​യു​ടെ ചു​മ​ത​ല​യു​ള്ള കാ​യം​കു​ളം ലാ​ൻ​ഡ് അ​ക്വി​സി​ഷ​ൻ ത​ഹ​സി​ൽ​ദാ​ർ​ക്ക് കൈ​മാ​റി​യി​ട്ട് മാ​സ​ങ്ങ​ളാ​യി.

സ്ഥ​ലം ഏ​റ്റെ​ടു​ക്ക​ൽ സം​ബ​ന്ധി​ച്ച്​ നി​ല​വി​ൽ പ​രാ​തി​ക​ൾ ഇ​ല്ലാ​ത്ത​തി​നാ​ൽ പ്ര​ക്രി​യ സു​ഗ​മ​മാ​യി ന​ട​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു നാ​ട്ടു​കാ​ർ. ഒ​ട്ടു​മി​ക്ക വി​ക​സ​ന പ്ര​വ​ർ​ത്ത​ന​ങ്ങ​ൾ​ക്കും സ്ഥ​ലം വി​ട്ടു​ന​ൽ​കാ​തെ ത​ർ​ക്ക​ങ്ങ​ൾ നി​ല​നി​ൽ​ക്കു​മ്പോ​ൾ പ​ന്ത​ള​ത്തെ ബൈ​പാ​സി​ന് സ്ഥ​ലം ഏ​റ്റെ​ടു​ക്ക​ൽ കാ​ര്യ​മാ​യ പ്ര​ശ്ന​ങ്ങ​ൾ ഇ​ല്ല എ​ന്ന​തും പ്ര​ത്യേ​ക​ത​യാ​ണ്. എ​ന്നി​ട്ടും നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കാ​ൻ അ​ധി​കൃ​ത​ർ വേ​ഗം കാ​ട്ടു​ന്നി​ല്ല.

അ​ന്തി​മ പ​രി​ശോ​ധ​ന ന​ട​ത്തും

പ​ദ്ധ​തി​യു​ടെ രൂ​പ​രേ​ഖ പ്ര​കാ​ര​മു​ള്ള സ​ർ​വേ ന​മ്പ​ർ അ​ടി​സ്ഥാ​ന​മാ​ക്കി അ​ന്തി​മ​പ​രി​ശോ​ധ​ന ന​ട​ത്തും. സ്ഥ​ലം ഏ​റ്റെ​ടു​ക്ക​ൽ ജോ​ലി​ക​ൾ തു​ട​ർ​ന്ന് ന​ട​ക്കും. എ​ത്ര​യും വേ​ഗം നി​ർ​മാ​ണം ആ​രം​ഭി​ക്കാ​ൻ ഉ​ദ്ദേ​ശി​ക്കു​ന്നു എ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. പ​ദ്ധ​തി​യു​ടെ രൂ​പ​രേ​ഖ ത​യാ​റാ​ക്കി കി​ഫ്ബി ചു​മ​ത​ല​യു​ള്ള ത​ഹ​സി​ൽ​ദാ​ർ​ക്ക് കൈ​മാ​റി​യി​ട്ടു​ണ്ട്. ഇ​നി കി​ഫ്ബി, റ​വ​ന്യൂ, റോ​ഡ് ഫ​ണ്ട് ബോ​ർ​ഡ് ഉ​ദ്യോ​ഗ​സ്ഥ​ർ സം​യു​ക്ത പ​രി​ശോ​ധ​ന ന​ട​ത്തു​മെ​ന്നും അ​ധി​കൃ​ത​ർ അ​റി​യി​ച്ചു.

ഗ​താ​ഗ​ത​ക്കു​രു​ക്ക്​ അ​ഴി​യും

പ​ദ്ധ​തി​യു​ടെ നി​ർ​മാ​ണോ​ദ്ഘാ​ട​നം 2018 ന​വം​ബ​റി​ലാ​യി​രു​ന്നു. സ്ഥ​ലം അ​ള​ന്നു​തി​ട്ട​പ്പെ​ടു​ത്തു​ന്ന ജോ​ലി​ക്ക് കാ​ല​താ​മ​സം നേ​രി​ട്ടു. എം.​സി റോ​ഡി​ൽ, കാ​ത്ത​ലി​ക് സി​റി​യ​ൻ ബാ​ങ്കി​ന് എ​തി​ർ​വ​ശ​ത്തു​നി​ന്ന്​ തു​ട​ങ്ങി, മ​ന്നം ആ​യു​ർ​വേ​ദ ആ​ശു​പ​ത്രി, മു​ട്ടാ​ർ ജ​ങ്​​ഷ​ൻ​വ​ഴി മ​ണി​ക​ണ്ഠ​നാ​ൽ​ത​റ​യി​ൽ എ​ത്തു​ന്ന രീ​തി​യി​ലാ​ണ് ബൈ​പാ​സ്.

12 മീ​റ്റ​ർ വീ​തി​യി​ൽ നി​ർ​മി​ക്കു​ന്ന റോ​ഡി​ന്‍റെ നീ​ളം 3.8 കി​ലോ​മീ​റ്റ​റാ​ണ്. 28.78 കോ​ടി​യാ​ണ് നി​ർ​മാ​ണ​ച്ചെ​ല​വ്. ബൈ​പാ​സ് യാ​ഥാ​ർ​ഥ്യ​മാ​യാ​ൽ പ​ന്ത​ളം ന​ഗ​ര​ത്തി​ലെ രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​നു പ​രി​ഹാ​ര​മാ​കു​മെ​ന്നാ​ണ് പ്ര​തീ​ക്ഷ. ശ​ബ​രി​മ​ല തീ​ർ​ഥാ​ട​നം​കൂ​ടി ആ​രം​ഭി​ക്കു​മ്പോ​ൾ പ​ന്ത​ള​ത്ത് ഗ​താ​ഗ​ത​ക്കു​രു​ക്ക് രൂ​ക്ഷ​മാ​കാ​റു​ണ്ട്. പ​ദ്ധ​തി യാ​ഥാ​ർ​ഥ്യ​മാ​യാ​ൽ പ​ന്ത​ളം വ​ലി​യ​കോ​യി​ക്ക​ൽ ക്ഷേ​ത്ര​ത്തി​ലെ​ത്തു​ന്ന തീ​ർ​ഥാ​ട​ക​ർ​ക്കും ആ​ശ്വാ​സ​മാ​കും.

രൂ​പ​രേ​ഖ ക​ല​ക്​​ട​റേ​റ്റി​ൽ

ബൈ​പാ​സി​ന്‍റെ രൂ​പ​രേ​ഖ ക​ല​ക്ട​റേ​റ്റി​ൽ പ​രി​ഗ​ണി​ച്ചി​ട്ട് ത​ന്നെ എ​ട്ടു മാ​സ​ത്തി​ലേ​റെ​യാ​യി. രൂ​പ​രേ​ഖ പ്ര​കാ​രം 11 ഏ​ക്ക​ർ സ്ഥ​ല​മാ​ണ് ഏ​റ്റെ​ടു​ക്കേ​ണ്ട​ത്. ചേ​രി​യ​ക്ക​ൽ മ​ന്നം ആ​യു​ർ​വേ​ദ ആ​ശു​പ​ത്രി ജ​ങ്​​ഷ​ൻ മു​ത​ൽ മു​ട്ടാ​ർ ജ​ങ്​​ഷ​ൻ​വ​രെ റോ​ഡ് പ​ദ്ധ​തി​യു​ടെ ഭാ​ഗ​മാ​കും. റോ​ഡ് ക​ട​ന്നു​പോ​കു​ന്ന കൂ​ടു​ത​ൽ ഭാ​ഗ​വും പാ​ട​വും നീ​ർ​ച്ചാ​ലു​മാ​ണ്.

തോ​ന്ന​ല്ലൂ​ർ ‍വൃ​ദ്ധ​സ​ദ​ന​ത്തി​നു സ​മീ​പ​ത്തെ ഒ​രു വീ​ട് മാ​ത്ര​മാ​ണ് പൂ​ർ​ണ​മാ​യി ഏ​റ്റെ​ടു​ക്കു​ക. മു​ട്ടാ​ർ നീ​ർ​ച്ചാ​ൽ ക​ട​ന്നാ​ണ് ബൈ​പാ​സ് എം.​സി റോ​ഡി​ലെ മ​ണി​ക​ണ്ഠ​നാ​ൽ​ത്ത​റ​യി​ൽ ചേ​രു​ന്ന​ത്. ഏ​ക​ദേ​ശം 500 മീ​റ്റ​റോ​ളം ഭാ​ഗ​മാ​ണ് പ​ദ്ധ​തി​യി​ലു​ള്ള​ത്. മു​ട്ടാ​ർ നീ​ർ​ച്ചാ​ലി​നോ​ട്​ ചേ​ർ​ന്ന ച​തു​പ്പു​സ്ഥ​ല​ത്ത്​ വ​ൻ തോ​തി​ൽ ച​ളി അ​ടി​ഞ്ഞ​തി​നാ​ലും മ​ണ്ണി​ന്​ ഉ​റ​പ്പ്​ ഇ​ല്ലാ​ത്തി​നാ​ലും ഈ ​ഭാ​ഗ​ത്ത്​ പ്രാ​ഥ​മി​ക ഘ​ട്ട​ത്തി​ൽ സ​ർ​വേ ഒ​ഴി​വാ​ക്കി​യി​രു​ന്നു. എ​ന്നാ​ൽ, ഇ​ത് പ​ദ്ധ​തി​ക്ക് ത​ട​സ്സ​മാ​കി​ല്ല.