ഉപയോഗശൂന്യമായ ഭക്ഷ്യക്കിറ്റ്​ അതിദരിദ്രർക്ക്​ നൽകാൻ നീക്കം

പ​ന്ത​ളം: ഉ​പ​യോ​ഗ​ശൂ​ന്യ​മാ​യ ഭ​ക്ഷ്യ​ക്കി​റ്റു​ക​ൾ മ​റ്റൊ​രു ക​വ​റി​ലാ​ക്കി അ​തി​ദ​രി​ദ്ര​രാ​യ ഉ​പ​ഭോ​ക്താ​ക്ക​ൾ​ക്ക് ന​ൽ​കാ​ൻ നീ​ക്കം. ന​ഗ​ര​സ​ഭ​യി​ൽ ഇ​തി​നു​ള്ള ശ്ര​മം ന​ട​ക്കു​ന്ന​താ​യ ഞെ​ട്ടി​പ്പി​ക്കു​ന്ന തെ​ളി​വു​ക​ൾ പു​റ​ത്ത്. അ​തി​ദ​രി​ദ്ര​ർ​ക്ക് ന​ൽ​കാ​ൻ ന​ഗ​ര​സ​ഭ വാ​ങ്ങി​യ ഭ​ക്ഷ്യ​ക്കി​റ്റ് യ​ഥാ​സ​മ​യം വി​ത​ര​ണം ചെ​യ്യാ​ത്ത​തി​നെ തു​ട​ർ​ന്ന് ന​ശി​ച്ചി​രു​ന്നു.

പ​ന്ത​ളം ബ്ലോ​ക്ക്​ ഓ​ഫി​സി​ന് സ​മീ​പ​ത്തെ മു​റി​യി​ൽ​വെ​ച്ചി​രു​ന്ന അ​മ്പ​തി​ല​ധി​കം കി​റ്റു​ക​ളാ​ണ് പൊ​ട്ടി ന​ശി​ച്ച​നി​ല​യി​ൽ ബു​ധ​നാ​ഴ്ച ന​ഗ​ര​സ​ഭ പ്ര​തി​പ​ക്ഷ കൗ​ൺ​സി​ല​ർ​മാ​ർ ക​ണ്ടെ​ത്തി​യ​ത്. ധാ​ന്യ​ങ്ങ​ളും പൊ​ടി​ക​ളും തേ​യി​ല​യും എ​ല്ലാം അ​ട​ങ്ങു​ന്ന​താ​ണ്​ കി​റ്റ്. ഓ​ണ​ക്കാ​ല​ത്ത് ന​ൽ​കേ​ണ്ട​താ​യി​രു​ന്നു ഇ​വ​യെ​ന്ന് പ​റ​യു​ന്നു.

ന​ഗ​ര​സ​ഭ ആ​രോ​ഗ്യ​വി​ഭാ​ഗ​ത്തി​നാ​ണ് കി​റ്റ്​ വി​ത​ര​ണ​ത്തി​ന്റെ ചു​മ​ത​ല. വി​വാ​ദ​മാ​യ​തോ​ടെ കി​റ്റു​ക​ൾ സൂ​ക്ഷി​ച്ചി​രു​ന്ന മു​റി പൂ​ട്ടി​യ​ശേ​ഷം ഉ​ദ്യോ​ഗ​സ്ഥ​ർ മ​ട​ങ്ങി​യി​രു​ന്നു. ശ​നി​യാ​ഴ്ച രാ​വി​ലെ പ​ത്ത​ര​യോ​ടെ മു​റി തു​റ​ന്നു ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ ശു​ചീ​ക​ര​ണ തൊ​ഴി​ലാ​ളി​ക​ൾ പു​തി​യ ക​വ​റി​ലേ​ക്ക് ഭ​ക്ഷ്യ​സാ​ധ​ന​ങ്ങ​ൾ മാ​റ്റു​ക​യാ​യി​രു​ന്നു. സം​ഭ​വം അ​റി​ഞ്ഞ കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്‍റ്​ എ​സ്. ഷെ​രീ​ഫി​ന്‍റെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​രെ ത​ട​ഞ്ഞിരുന്നെങ്കിലും പ്ര​തി​ഷേ​ധം ക​ണ​ക്കി​ലെ​ടു​ക്കാ​തെ കി​റ്റു​ക​ൾ പു​തി​യ ക​വ​റി​ൽ ആ​ക്കു​ക​യാ​യി​രു​ന്നു.

152 അ​തി​ദ​രി​ദ്ര​ർ പ​ന്ത​ളം ന​ഗ​ര​സ​ഭ​യി​ലു​ണ്ടെ​ന്നാ​ണ് ഔ​ദ്യോ​ഗി​ക ക​ണ​ക്ക്. ഇ​വ​രി​ൽ ചി​ല​ർ എ​ത്തി​യി​രു​ന്ന​താ​യും എ​ന്നാ​ൽ, കി​റ്റ് എ​ത്തി​യി​ട്ടി​ല്ലെ​ന്ന് കാ​ര​ണം പ​റ​ഞ്ഞ് മ​ട​ക്കി അ​യ​ക്കു​ക​യാ​യി​രു​ന്നു. സം​ഭ​വത്തിൽ ന​ഗ​ര​സ​ഭ​ക്ക്​ ഗു​രു​ത​ര വീ​ഴ്ച​യു​ണ്ടാ​യ​താ​ണ് പ്ര​തി​പ​ക്ഷ ആ​രോ​പ​ണം.