സു​ര​ക്ഷാ ക്ര​മീ​ക​ര​ണം: പ്രതിഷേധവുമായി പ​ന്ത​ളം നഗരസഭ ശുചീകരണ തൊഴിലാളികൾ

പ​ന്ത​ളം: സു​ര​ക്ഷാ ക്ര​മീ​ക​ര​ണം ഒ​രു​ക്ക​ണ​മെ​ന്ന് ആ​വ​ശ്യ​പ്പെ​ട്ട് ക​ല​ക്​​ട​ർ​ക്ക് മു​ന്നി​ൽ പ്ര​തി​ഷേ​ധ​വു​മാ​യി ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​ക​ൾ. പ​ന്ത​ള​ത്ത് കോ​വി​ഡ് പ്രാ​ഥ​മി​ക ചി​കി​ത്സ കേ​ന്ദ്ര​ത്തി​​െൻറ ഉ​ദ്ഘാ​ട​ന ച​ട​ങ്ങി​നി​ടെ​യാ​ണ് പ്ര​തി​ഷേ​ധം ഉ​യ​ർ​ന്ന​ത്. ചി​റ്റ​യം ഗോ​പ​കു​മാ​ർ എം.​എ​ൽ.​എ ചി​കി​ത്സ കേ​ന്ദ്ര​ത്തി​​െൻറ ഉ​ദ്ഘാ​ട​നം ന​ട​ത്തി​ക്ക​ഴി​ഞ്ഞ​യു​ട​ൻ  ശു​ചീ​ക​ര​ണ തൊ​ഴി​ലാ​ളി​ക​ൾ പ്ര​തി​ഷേ​ധ​വു​മാ​യി ക​ല​ക്​​ട​ർ പി.​വി. നൂ​ഹി​നെ സ​മീ​പി​ച്ചു.

ത​ങ്ങ​ൾ​ക്ക് സു​ര​ക്ഷ ഉ​റ​പ്പാ​ക്ക​ണം എ​ന്ന ആ​വ​ശ്യ​മാ​ണ് തൊ​ഴി​ലാ​ളി​ക​ൾ ഉ​ന്ന​യി​ച്ച​ത്. ന​ഗ​ര​സ​ഭ അ​തി​കൃ​ത​രു​മാ​യി ബ​ന്ധ​പ്പെ​ട്ട് വേ​ണ്ട ക്ര​മീ​ക​ര​ണം വ​രു​ത്താ​മെ​ന്ന് ക​ല​ക്​​ട​ർ തൊ​ഴി​ലാ​ളി​ക​ൾ​ക്ക് ഉ​റ​പ്പു​ന​ൽ​കി. ന​ഗ​ര​സ​ഭ നി​യ​ന്ത്ര​ണ​ത്തി​നു​ള്ള സാ​നി​റ്റേ​ഷ​ൻ സൊ​സൈ​റ്റി​യി​ലെ 19 ക​രാ​ർ തൊ​ഴി​ലാ​ളി​ക​ളാ​ണ് പ്ര​തി​ഷേ​ധ​വു​മാ​യി രം​ഗ​ത്ത് വ​ന്ന​ത്. ന​ഗ​ര​സ​ഭ മാ​ലി​ന്യം നീ​ക്കം ചെ​യ്യു​ന്ന ക​രാ​ർ തൊ​ഴി​ലാ​ളി​ക​ളെ ത​ന്നെ​യാ​ണ് ക്വാ​റ​ൻ​റീ​ൻ കേ​ന്ദ്ര​ങ്ങ​ളി​ലെ ശു​ചീ​ക​ര​ണ​ത്തി​നു​ നി​യോ​ഗി​ച്ച​ത്. പ​ന്ത​ള​ത്തെ ര​ണ്ടു നി​രീ​ക്ഷ​ണ കേ​ന്ദ്ര​ത്തി​ൽ ഉ​ണ്ടാ​യി​രു​ന്ന ര​ണ്ടു പേ​ർ​ക്ക് ക​ഴി​ഞ്ഞ ദി​വ​സം കോ​വി​ഡ്​  സ്ഥി​രീ​ക​രി​ച്ചി​രു​ന്നു.

ഈ ​കേ​ന്ദ്ര​ങ്ങ​ളി​ൽ ശു​ചീ​ക​ര​ണം ന​ട​ത്തി​യ തൊ​ഴി​ലാ​ളി​ക​ൾ​ക്ക് ന​ഗ​ര​സ​ഭ​യോ, ആ​രോ​ഗ്യ വി​ഭാ​ഗ​മോ സു​ര​ക്ഷാ ഉ​പ​ക​ര​ണ​ങ്ങ​ൾ ന​ൽ​കി​യി​രു​ന്നി​ല്ല. പു​ല​ർ​ച്ച അ​ഞ്ചു മു​ത​ൽ ഉ​ച്ച​ക്ക്​ ഒ​ന്നു​വ​രെ ജോ​ലി ചെ​യ്തി​രു​ന്ന തൊ​ഴി​ലാ​ളി​ക​ൾ കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഏ​റ്റെ​ടു​ത്ത​തോ​ടെ ജോ​ലി സ​മ​യം വ​ർ​ധി​ച്ച​താ​യും പ​റ​യു​ന്നു. സു​ര​ക്ഷാ സം​വി​ധാ​ന​ങ്ങ​ൾ ഇ​ല്ലാ​തെ ക്വാ​റ​ൻ​റീ​ൻ കേ​ന്ദ്ര​ങ്ങ​ൾ അ​ട​ക്കം തൊ​ഴി​ൽ ചെ​യ്യു​ന്ന​തി​ൽ ആ​ശ​ങ്ക​യി​ലാ​ണ് തൊ​ഴി​ലാ​ളി​ക​ൾ.