തീയണക്കാൻ ഒരു വാഹനം മാത്രം; അടൂർ അഗ്നിരക്ഷ നിലയം വിയർക്കുന്നു

അ​ടൂ​ർ: വ​ൻ തീ​പി​ടി​ത്ത​മു​ണ്ടാ​യാ​ൽ അ​ടൂ​ർ അ​ഗ്നി​ര​ക്ഷ യൂ​നി​റ്റ്​ വി​യ​ർ​ക്കും. കാ​ഴ്ച​ക്കാ​യി നി​ര​ന്ന് മൂ​ന്ന് വാ​ഹ​ന​ങ്ങ​ളു​ണ്ടെ​ങ്കി​ലും തീ​യ​ണ​ക്കാ​ൻ സ​ജ്ജ​മാ​യു​ള്ള​ത് ഒ​രെ​ണ്ണം മാ​ത്രം. ഇ​തി​ൽ ര​ണ്ടെ​ണ്ണം 15 വ​ർ​ഷം പ​ഴ​ക്ക​മു​ള്ള​തി​നാ​ൽ നി​ര​ത്തി​ലി​റ​ക്കാ​ൻ ക​ഴി​യി​ല്ല. ലേ​ല ന​ട​പ​ടി നേ​രി​ടു​ന്ന ഈ ​വാ​ഹ​ന​ങ്ങ​ൾ എം.​സി റോ​ഡി​ന്റെ ഓ​ര​ത്ത് തു​രു​മ്പെ​ടു​ക്കു​ക​യാ​ണ്. ആ​ഴ്​​ച​ക​ൾ​ക്ക്​ മു​മ്പ്​ മ​ണ​ക്കാ​ലാ​യി​ലെ സൂ​പ്പ​ർ മാ​ർ​ക്ക​റ്റ് അ​ർ​ധ​രാ​ത്രി​യോ​ടെ തീ​പി​ടി​ച്ച​പ്പോ​ൾ ശാ​സ്താം​കോ​ട്ട, കൊ​ട്ടാ​ര​ക്ക​ര, പ​ത്ത​നം​തി​ട്ട എ​ന്നീ യൂ​നി​റ്റു​ക​ളി​ൽ​നി​ന്നു​ള്ള ഫ​യ​ർ എ​ൻ​ജി​നു​ക​ൾ എ​ത്തി​യാ​ണ് തീ ​നി​യ​ന്ത്ര​ണ വി​ധേ​യ​മാ​ക്കി​യ​ത്. ജീ​പ്പ്, ആം​ബു​ല​ൻ​സ്, അ​ഡ്വാ​ൻ​സ് റെ​സ്ക്യൂ ടെ​ൻ​ഡ​ർ, ഡി​ങ്കി കൊ​ണ്ടു​പോ​കാ​റു​ള്ള മ​ൾ​ട്ടി യൂ​ട്ടി​ലി​റ്റി വെ​ഹി​ക്കി​ൾ എ​ന്നി​വ​യു​ണ്ടെ​ങ്കി​ലും പു​തി​യ ഫ​യ​ർ എ​ൻ​ജി​ൻ ല​ഭ്യ​മാ​ക്കാ​ത്ത​ത് അ​ടൂ​ർ യൂ​നി​റ്റി​നെ ത​ള​ർ​ത്തു​ന്നു.

പു​തി​യ യൂ​നി​റ്റ് ല​ഭ്യ​മാ​ക്ക​ണ​മെ​ന്നാ​വ​ശ്യം ഉ​ന്ന​യി​ച്ചെ​ങ്കി​ലും ഫ​സ്റ്റ് റെ​സ്പോ​ൺ​സ് വെ​ഹി​ക്കി​ളാ​ണ് ല​ഭ്യ​മാ​ക്കി​യ​ത്. വെ​ള്ള​ത്തി​ൽ വീ​ണു​ണ്ടാ​കു​ന്ന അ​പ​ക​ട​ങ്ങ​ളും ഏ​റ്റ​വും കൂ​ടു​ത​ൽ വാ​ഹ​ന അ​പ​ക​ട​ങ്ങ​ളും റി​പ്പോ​ർ​ട്ട് ചെ​യ്യു​ന്ന​തും ഇ​വി​ടെ​യാ​ണ്. ചി​ല മാ​സ​ങ്ങ​ളി​ൽ എ​ഴു​പ​തി​ല​ധി​കം തീ​പി​ടി​ത്ത​ങ്ങ​ൾ വ​രെ ഉ​ണ്ടാ​യി​ട്ടു​ണ്ട്.

പു​തി​യ ഫ​യ​ർ എ​ൻ​ജി​നു​ക​ൾ വേ​ണം

എം.​സി റോ​ഡ്, കെ.​പി.​റോ​ഡ്, ച​വ​റ - പ​ത്ത​നം​തി​ട്ട- ശ​ബ​രി​മ​ല റോ​ഡു​ക​ളു​ടെ സം​ഗ​മ​സ്ഥ​ലം കൂ​ടി​യാ​ണ് അ​ടൂ​ർ. അ​തി​നാ​ൽ കൂ​ടു​ത​ൽ സ​ജ്ജീ​ക​ര​ണ​ങ്ങ​ളു​ള്ള വാ​ഹ​ന​ങ്ങ​ളും ഫ​യ​ർ എ​ൻ​ജി​നു​ക​ളും ല​ഭ്യ​മാ​ക്ക​ണ​മെ​ന്നാ​വ​ശ്യം ശ​ക്ത​മാ​ണ്.

വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന അ​ഗ്നി​ശ​മ​ന നി​ല​യ​ത്തി​ൽ ര​ണ്ട് വാ​ഹ​ന​ങ്ങ​ൾ ഇ​ടാ​നു​ള്ള ഷെ​ഡ്​​മാ​ത്ര​മാ​ണു​ള്ള​ത്. അ​തി​നാ​ൽ അ​നു​വ​ദി​ക്കു​ന്ന പു​തി​യ വാ​ഹ​ന​ങ്ങ​ൾ ഉ​ൾ​പ്പെ​ടെ​യു​ള്ള​വ മ​ഴ​യും വെ​യി​ലു​മേ​റ്റ് പു​റ​ത്തി​ടേ​ണ്ട അ​വ​സ്ഥ​യി​ലാ​ണ്.

ഫ​യ​ർ സ്റ്റേ​ഷ​ൻ നി​ർ​മാ​ണം: പ​ദ്ധ​തി ഇ​ഴ​യു​ന്നു

പ​ന്നി​വി​ഴ​യി​ൽ ഫ​യ​ർ സ്റ്റേ​ഷ​നു​വേ​ണ്ടി പ​ണി​ക്ക് തു​ട​ക്ക​മി​ട്ടെ​ങ്കി​ലും പ​ദ്ധ​തി ഇ​ഴ​യു​ക​യാ​ണെ​ന്ന് പ​രാ​തി​യു​ണ്ട്. പു​തു​താ​യി അ​നു​വ​ദി​ച്ച ഫ​സ്റ്റ് റെ​സ്പോ​ൺ​സ് വെ​ഹി​ക്കി​ൾ വ​ലി​യ തീ​പി​ടി​ത്ത​ത്തെ നി​യ​ന്ത്രി​ക്കാ​ൻ പ​ര്യാ​പ്ത​മാ​യ ശേ​ഷി​യി​ല്ല. 1500 ലി​റ്റ​ർ വെ​ള്ള​വും 300 ലി​റ്റ​ർ ഫോ​മും സം​ഭ​രി​ക്കാ​ൻ മാ​ത്ര​മേ ശേ​ഷി​യു​ള്ളൂ. ചെ​റി​യ തീ​പി​ടി​ത്ത​ങ്ങ​ൾ​ക്ക് മാ​ത്ര​മേ ഈ ​വാ​ഹ​നം ഉ​പ​യോ​ഗി​ക്കാ​ൻ ക​ഴി​യു​ക​യു​ള്ളൂ. ചെ​റി​യ വ​ഴി​ക​ളി​ലൂ​ടെ പോ​യി ര​ക്ഷാ​പ്ര​വ​ർ​ത്ത​നം ന​ട​ത്താ​ൻ ക​ഴി​യു​ന്ന സ​വി​ശേ​ഷ​ത​യു​ണ്ട്.