ജില്ല ആസ്ഥാനത്ത്​ വില്ലേജ് ഓഫിസറില്ല; നെ​ട്ടോട്ടമോടി ജനം

പ​ത്ത​നം​തി​ട്ട: ജി​ല്ല ആ​സ്ഥാ​ന​ത്തെ​ വി​ല്ലേ​ജ് ഓ​ഫി​സി​ൽ ഉ​ദ്യോ​ഗ​സ്ഥ​ൻ ഇ​ല്ലാ​താ​യി​ട്ട്​ പ​ത്ത്‌ ദി​വ​സം. സ​ർ​ട്ടി​ഫി​ക്ക​റ്റ്‌ ഉ​ൾ​പ്പെ​ടെ വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​ർ വ​ല​യു​ന്നു. പ​ക​രം ചു​മ​ത​ല ന​ൽ​കി​യ ഓ​ഫി​സ​ർ​മാ​ർ എ​ത്തു​ന്നു​മി​ല്ല. ഇ​തി​നാ​ൽ അ​പേ​ക്ഷ ന​ൽ​കി കാ​ത്തി​രി​ക്കേ​ണ്ടി വ​രു​ന്നു.

സ്ഥാ​ന​ക്ക​യ​റ്റം ല​ഭി​ച്ച​തി​നെ തു​ട​ർ​ന്ന്‌ ക​ഴി​ഞ്ഞ അ​ഞ്ചി​നാ​ണ്‌ വി​ല്ലേ​ജ്‌ ഓ​ഫി​സ​ർ മാ​റി പോ​യ​ത്‌. പ​ക​രം വ​രേ​ണ്ട​യാ​ൾ ഇ​തു​വ​രെ വ​ന്നി​ട്ടു​മി​ല്ല. അ​ധ്യ​യ​ന വ​ർ​ഷാ​രം​ഭ​മാ​യ​തി​നാ​ൽ വി​ദ്യാ​ർ​ഥി​ക​ളാ​ണ്‌ കൂ​ടു​ത​ൽ ബു​ദ്ധി​മു​ട്ടു​ന്ന​ത്‌. സ​ർ​ക്കാ​റി​ൽ​നി​ന്ന്‌ വി​വി​ധ ആ​നു​കൂ​ല്യ​ങ്ങ​ൾ ല​ഭി​ക്കു​ന്ന​തി​നാ​യും വി​ദ്യാ​ഭ്യാ​സ വാ​യ്‌​പ​യെ​ടു​ക്കു​ന്ന​തി​നാ​യും ഹാ​ജ​രാ​ക്കേ​ണ്ട സ​ർ​ട്ടി​ഫി​ക്ക​റ്റു​ക​ൾ​ക്ക്‌ അ​പേ​ക്ഷ ന​ൽ​കി​യ​വ​രാ​ണ്‌ ഇ​പ്പോ​ൾ ദു​രി​ത​മ​നു​ഭ​വി​ക്കു​ന്ന​ത്.

ജാ​തി- വ​രു​മാ​നം തു​ട​ങ്ങി​യ സ​ർ​ട്ടി​ഫി​ക്ക​റ്റു​ക​ൾ എ​ല്ലാ ആ​നു​കൂ​ല്യ​ങ്ങ​ൾ​ക്കും ആ​വ​ശ്യ​മാ​ണ്‌. പ്ര​ഫ​ഷ​ന​ൽ കോ​ള​ജ്‌ ഉ​ൾ​പ്പെ​ടെ​യു​ള്ള വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ സം​വ​ര​ണ ആ​നു​കൂ​ല്യ​മു​ള്ള വി​ദ്യാ​ർ​ഥി​ക​ൾ​ക്ക്‌ പ്ര​വേ​ശ​ന​ത്തി​നും പ​ല​ത​രം സ​ർ​ട്ടി​ഫി​ക്ക​റ്റു​ക​ൾ ആ​വ​ശ്യ​മാ​ണ്‌.

പ​ല കോ​ഴ്‌​സു​ക​ൾ​ക്കാ​യി കേ​ര​ള​ത്തി​ന്‌ പു​റ​ത്ത്‌ ഉ​ൾ​പ്പെ​ടെ പ്ര​വേ​ശ​നം നേ​ടി വി​ദ്യാ​ഭ്യാ​സ വാ​യ്‌​പ​ക്കാ​യി അ​പേ​ക്ഷ ന​ൽ​കി​യ നി​ര​വ​ധി കു​ട്ടി​ക​ളു​ടെ ര​ക്ഷ​ക​ർ​ത്താ​ക്ക​ളു​മു​ണ്ട്‌. ബാ​ങ്കി​ൽ ന​ൽ​കു​ന്ന​തി​നാ​യി കൈ​വ​ശ അ​വ​കാ​ശ സ​ർ​ട്ടി​ഫി​ക്ക​റ്റ്‌ ഉ​ൾ​പ്പെ​ടെ വേ​ണം. മൈ​ല​പ്ര, നാ​ര​ങ്ങാ​നം വി​ല്ലേ​ജ്‌ ഓ​ഫി​സ​ർ​മാ​ർ​ക്കാ​ണ്‌ പു​തി​യ ഓ​ഫി​സ​ർ വ​രു​ന്ന​ത്‌ വ​രെ ചാ​ർ​ജ്‌ ന​ൽ​കി​യി​രി​ക്കു​ന്ന​ത്‌.

എ​ന്നാ​ൽ, ക​ഴി​ഞ്ഞ​യാ​ഴ്‌​ച ചു​മ​ത​ല​യു​ള്ള മൈ​ല​പ്ര വി​ല്ലേ​ജ്‌ ഓ​ഫി​സ​ർ ചാ​ർ​ജ്‌ ല​ഭി​ച്ച ശേ​ഷം നീ​ണ്ട അ​വ​ധി​യെ​ടു​ത്തു. പി​ന്നീ​ട് നാ​ര​ങ്ങാ​നം വി​ല്ലേ​ജ്‌ ഓ​ഫി​സ​ർ​ക്കാ​ണ്‌ ചു​മ​ത​ല ന​ൽ​കി​യ​ത്. ഇ​ദ്ദേ​ഹം ഇ​തു​വ​രെ വി​ല്ലേ​ജ്‌ ഓ​ഫി​സി​ൽ എ​ത്തി​യി​ട്ടി​ല്ല. ഒ​രു വി​ല്ലേ​ജ്‌ ഓ​ഫി​സ​ർ​ക്ക്‌ മ​റ്റൊ​രു വി​ല്ലേ​ജി​ന്റെ ചു​മ​ത​ല ന​ൽ​കു​ക​യാ​ണെ​ങ്കി​ൽ പോ​ലും അ​ത്യാ​വ​ശ്യ​മാ​യ എ​ല്ലാ സ​ർ​ട്ടി​ഫി​ക്ക​റ്റും ഉ​ട​ൻ ന​ൽ​കേ​ണ്ട​താ​ണ്‌. സ്ഥ​ലം​മാ​റ്റം ല​ഭി​ച്ച മ​റ്റ്‌ ജീ​വ​ന​ക്കാ​രും പോ​യ​തി​നാ​ൽ വി​ല്ലേ​ജ്‌ ഓ​ഫി​സ്‌ ഒ​ഴി​ഞ്ഞു​കി​ട​ക്കു​ന്ന അ​വ​സ്ഥ​യാ​ണ് ഫ​ല​ത്തി​ൽ.

ചെ​ന്നീ​ർ​ക്ക​ര, ഓ​മ​ല്ലൂ​ർ വി​ല്ലേ​ജ്‌ ഓ​ഫി​സ​ർ​മാ​രും സ്ഥ​ലം മാ​റി​യ​തി​നാ​ൽ ഇ​വി​ടെ​യും ഇ​തു​ത​ന്നെ​യാ​ണ് അ​വ​സ്ഥ​യെ​ന്ന് നാ​ട്ടു​കാ​ർ പ​റ​ഞ്ഞു.