മെ​ച്ച​പ്പെ​ട്ട വ​രു​മാ​നം വേ​ണ്ട; റാ​ന്നി റൂ​ട്ട് അ​വ​ഗ​ണി​ച്ച്​ കെ.​എ​സ്.​ആ​ർ.​ടി.​സി

റാ​ന്നി/​തി​രു​വ​ല്ല: കെ.​എ​സ്.​ആ​ർ.​ടി.​സി തി​രു​വ​ല്ല ഡി​പ്പോ​യി​ൽ​നി​ന്ന്​ വാ​ള​ക്കു​ഴി, തീ​യാ​ടി​ക്ക​ൽ, വൃ​ന്ദാ​വ​നം, ക​ണ്ടം​പേ​രൂ​ർ വ​ഴി റാ​ന്നി​യി​ലേ​ക്കും മ​ല്ല​പ്പ​ള്ളി ഡി​പ്പോ​യി​ൽ​നി​ന്ന് എ​ഴു​മ​റ്റൂ​ർ, ചാ​ലാ​പ്പ​ള്ളി, ക​ണ്ടം​പേ​രൂ​ർ വ​ഴി റാ​ന്നി​യി​ക്കും ഉ​ണ്ടാ​യി​രു​ന്ന ര​ണ്ട് ബ​സു​ക​ൾ പു​ന​രാ​രം​ഭി​ക്കാ​ൻ അ​ധി​കൃ​ത​ർ​ക്ക്​ താ​ൽ​പ​ര്യ​മി​ല്ല. മെ​ച്ച​പ്പെ​ട്ട വ​രു​മാ​ന​ത്തോ​ടെ സ​ർ​വി​സ് ന​ട​ത്തി​യി​രു​ന്ന ഷെ​ഡ്യൂ​ളു​ക​ൾ കോ​വി​ഡി​നു​ശേ​ഷം പു​ന​രാ​രം​ഭി​ച്ചി​ല്ല. എം.​എ​ൽ.​എ​യും താ​ലൂ​ക്ക് വി​ക​സ​ന​സ​മി​തി​യും അ​ട​ക്കം ആ​വ​ശ്യ​പ്പെ​ട്ടി​ട്ടും ഈ ​ര​ണ്ട് ഷെ​ഡ്യൂ​ളു​ക​ൾ പു​ന​രാ​രം​ഭി​ക്കി​ല്ലെ​ന്ന പി​ടി​വാ​ശി​യി​ലാ​ണ് ചി​ല ഉ​ദ്യോ​ഗ​സ്ഥ​ർ.

തി​രു​വ​ല്ല ഡി​പ്പോ​യി​ൽ​നി​ന്ന്​ പ​തി​റ്റാ​ണ്ടു​ക​ളാ​യി സ​ർ​വി​സ് ന​ട​ത്തി​വ​ന്ന ബ​സ് ഈ ​റൂ​ട്ടി​ലൂ​ടെ​യു​ള്ള ഏ​ക കെ.​എ​സ്.​ആ​ർ.​ടി.​സി ബ​സു​മാ​യി​രു​ന്നു. വാ​ള​ക്കു​ഴി, തീ​യാ​ടി​ക്ക​ൽ, വൃ​ന്ദാ​വ​നം, ക​ണ്ടം​പേ​രൂ​ർ റൂ​ട്ടി​ൽ റാ​ന്നി​യി​ലേ​ക്ക് പ്ര​തി​ദി​നം മൂ​ന്ന് ട്രി​പ്പു​ക​ളാ​ണു​ണ്ടാ​യി​രു​ന്ന​ത്. രാ​ത്രി 9.30ന് ​ഇ​തേ ബ​സ് വാ​ള​ക്കു​ഴി വ​ഴി എ​ഴു​മ​റ്റൂ​രി​ലെ​ത്തി സ്റ്റേ ​ചെ​യ്യു​ക​യും പു​ല​ർ​ച്ച അ​ഞ്ചി​ന് അ​വി​ടെ​നി​ന്ന് തി​രു​വ​ല്ല​ക്ക് പു​റ​പ്പെ​ടു​ക​യും ചെ​യ്തി​രു​ന്നു. രാ​വി​ലെ തി​രു​വ​ല്ല​യി​ലെ​ത്തേ​ണ്ട ദീ​ർ​ഘ​ദൂ​ര യാ​ത്ര​ക്കാ​ർ​ക്ക​ട​ക്കം ഏ​റെ പ്ര​യോ​ജ​ന​പ്പെ​ട്ടി​രു​ന്ന ട്രി​പ്പാ​യി​രു​ന്നു ഇ​ത്. പി​ന്നീ​ടു​ള്ള ട്രി​പ്പു​ക​ളാ​ണ് റാ​ന്നി​യി​ലേ​ക്കു​ണ്ടാ​യി​രു​ന്ന​ത്. ചു​ഴ​ന-​തീ​യാ​ടി​ക്ക​ൽ റോ​ഡി​ലൂ​ടെ ഉ​ണ്ടാ​യി​രു​ന്ന ഏ​ക ബ​സു​മാ​യി​രു​ന്നു ഇ​ത്. എ​ട്ടി​ന് റാ​ന്നി​യി​ൽ​നി​ന്ന് തി​രു​വ​ല്ല​യി​ലേ​ക്കു​ണ്ടാ​യി​രു​ന്ന ട്രി​പ്പ് ഈ ​റൂ​ട്ടി​ൽ സ്ഥി​രം യാ​ത്ര ചെ​യ്തി​രു​ന്ന ഉ​ദ്യോ​ഗ​സ്ഥ​ർ, വി​ദ്യാ​ർ​ഥി​ക​ൾ എ​ന്നി​വ​ർ​ക്കും ആ​ശ്ര​യ​മാ​യി​രു​ന്നു. ക​ണ്ടം​പേ​രൂ​ർ, വൃ​ന്ദാ​വ​നം, തീ​യാ​ടി​ക്ക​ൽ റൂ​ട്ടി​ൽ തി​രു​വ​ല്ല​യി​ലേ​ക്കു​ണ്ടാ​യി​രു​ന്ന സ്വ​കാ​ര്യ ബ​സും നി​ർ​ത്തി​യ​തോ​ടെ രാ​വി​ലെ ഏ​റെ യാ​ത്ര​ക്ലേ​ശ​മാ​ണ് പ്ര​ദേ​ശ​വാ​സി​ക​ൾ അ​നു​ഭ​വി​ക്കു​ന്ന​ത്. ഓ​ഫി​സ്, സ്കൂ​ൾ, കോ​ള​ജ് സ​മ​യ​ത്തി​ന്​ അ​നു​സൃ​ത​മാ​യി തി​രു​വ​ല്ല-​റാ​ന്നി കെ.​എ​സ്.​ആ​ർ.​ടി.​സി ബ​സി​ന്‍റെ ഷെ​ഡ്യൂ​ൾ ക്ര​മീ​ക​രി​ച്ച​തി​നാ​ൽ മെ​ച്ച​പ്പെ​ട്ട വ​രു​മാ​നം ല​ഭി​ച്ചി​രു​ന്നു​വെ​ങ്കി​ലും ബ​സ് സ​ർ​വി​സ് പു​ന​രാ​രം​ഭി​ക്കാ​ൻ അ​ധി​കൃ​ത​ർ താ​ൽ​പ​ര്യം കാ​ട്ടു​ന്നി​ല്ല.

മ​ല്ല​പ്പ​ള്ളി​യി​ൽ​നി​ന്ന് റാ​ന്നി​യി​ലേ​ക്കു​ണ്ടാ​യി​രു​ന്ന ഏ​ക കെ.​എ​സ്.​ആ​ർ.​ടി.​സി ബ​സ് നി​ർ​ത്തി​യ​തി​ന് പി​ന്നി​ലും ഉ​ദ്യോ​ഗ​സ്ഥ​ത​ല താ​ൽ​പ​ര്യ​മാ​ണ്. രാ​വി​ലെ​യും വൈ​കീ​ട്ടും ര​ണ്ട് ട്രി​പ്പു​ക​ളാ​ണ് ഉ​ണ്ടാ​യി​രു​ന്ന​ത്. എ​ഴു​മ​റ്റൂ​ർ, ചാ​ലാ​പ്പ​ള്ളി, ക​ണ്ടം​പേ​രൂ​ർ, ക​രി​യം​പ്ലാ​വ് വ​ഴി​യാ​ണ് ബ​സ് റാ​ന്നി​യി​ലേ​ക്കെ​ത്തി​യി​രു​ന്ന​ത്. ലാ​ഭ​ക​ര​മാ​യി സ​ർ​വി​സ് ന​ട​ത്താ​വു​ന്ന റൂ​ട്ടാ​ണെ​ങ്കി​ലും മ​ല്ല​പ്പ​ള്ളി-​റാ​ന്നി റൂ​ട്ടി​നെ കെ.​എ​സ്.​ആ​ർ‌.​ടി.​സി അ​വ​ഗ​ണി​ക്കു​ക​യാ​ണ്.