നാ​ഷ​ന​ല്‍ ട്ര​സ്റ്റ് യോ​ഗം: 40 പേ​ര്‍ക്ക് നി​യ​മ​പ​ര​മാ​യ ര​ക്ഷാ​ക​ര്‍തൃ​ത്വം അ​നു​വ​ദി​ച്ചു

പ​ത്ത​നം​തി​ട്ട: 40 പേ​ര്‍ക്ക് നി​യ​മ​പ​ര​മാ​യ ര​ക്ഷാ​ക​ര്‍ത്താ​ക്ക​ളെ അ​നു​വ​ദി​ക്കാ​ൻ ക​ല​ക്ട​ര്‍ ഡോ. ​ദി​വ്യ എ​സ്. അ​യ്യ​രു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന നാ​ഷ​ന​ല്‍ ട്ര​സ്റ്റ് ലോ​ക്ക​ല്‍ ലെ​വ​ല്‍ ക​മ്മി​റ്റി തീ​രു​മാ​നി​ച്ചു.

അ​പേ​ക്ഷ​ക​രു​ടെ കു​ടും​ബ​ങ്ങ​ളു​ടെ വി​വ​ര​ങ്ങ​ള്‍ നേ​രി​ട്ട് സ​ന്ദ​ര്‍ശി​ച്ച് വി​ല​യി​രു​ത്തി. അ​വ​രു​ടെ സം​ര​ക്ഷ​ണ​വും അ​വ​കാ​ശ​ങ്ങ​ളും ഉ​റ​പ്പു​വ​രു​ത്തി​യ ശേ​ഷം ലോ​ക്ക​ല്‍ ലെ​വ​ല്‍ ക​മ്മി​റ്റി​യി​ല്‍ അ​വ​ത​രി​പ്പി​ച്ച അ​പേ​ക്ഷ​ക​ളി​ലാ​ണ് തീ​രു​മാ​നം എ​ടു​ത്ത​ത്.

നാ​ഷ​ന​ല്‍ ട്ര​സ്റ്റ് ആ​ക്ട് പ്ര​കാ​രം ഭി​ന്ന​ശേ​ഷി​ക്കാ​രു​ടെ സം​ര​ക്ഷ​ണം ഉ​റ​പ്പാ​ക്കാ​നാ​യി നി​യ​മ​പ​ര​മാ​യ ര​ക്ഷാ​ക​ർ​തൃ​ത്വം ഏ​റ്റെ​ടു​ക്കു​ന്ന​വ​ര്‍ അ​വ​രോ​ടൊ​പ്പം താ​മ​സി​ച്ച് ശു​ശ്രൂ​ഷി​ക്കു​ന്ന​വ​രും നി​യ​മ​പ​ര​മാ​യും സാ​മ്പ​ത്തി​ക​മാ​യും എ​ല്ലാ ഇ​ട​പെ​ട​ലു​ക​ളും ചെ​യ്യാ​നാ​യി പ്രാ​പ്തി ഉ​ള്ള​വ​രാ​ണോ​യെ​ന്നും ക​മ്മി​റ്റി വി​ല​യി​രു​ത്തും.

കൂ​ടാ​തെ ഭി​ന്ന​ശേ​ഷി​ക്കാ​ര്‍ക്ക് ല​ഭി​ക്കു​ന്ന പെ​ന്‍ഷ​ന്‍, സ്‌​കോ​ള​ര്‍ഷി​പ് മു​ത​ലാ​യ ആ​നു​കൂ​ല്യ​ങ്ങ​ള്‍ ല​ഭി​ക്കു​ന്നു​ണ്ടോ, വാ​സ​യോ​ഗ്യ​മാ​യ ഭ​വ​നം ഉ​ണ്ടോ, കു​ടും​ബ​സ്വ​ത്ത് വീ​തം ചെ​യ്യു​മ്പോ​ള്‍ പി​ന്‍തു​ട​ര്‍ച്ചാ​വ​കാ​ശ പ്ര​കാ​ര​മു​ള്ള ഭാ​ഗം കി​ട്ടു​ന്നു​ണ്ടോ തു​ട​ങ്ങി​യ പ്ര​ശ്‌​ന​ങ്ങ​ളി​ലും ട്ര​സ്റ്റ് ഇ​ട​പെ​ട​ലു​ക​ള്‍ ന​ട​ത്തും.

ഓ​ട്ടി​സം, സെ​റി​ബ്ര​ല്‍ പാ​ള്‍സി, മെ​ന്‍റ​ല്‍ റി​ട്രാ​ഡേ​ഷ​ന്‍, മ​ള്‍ട്ടി​പ്പി​ള്‍ ഡി​സ​ബി​ലി​റ്റി വി​ഭാ​ഗ​ങ്ങ​ളി​ല്‍ ഉ​ള്‍പ്പെ​ടു​ന്ന​വ​ര്‍ക്കാ​ണ് നാ​ഷ​ന​ല്‍ ട്ര​സ്റ്റി​ന്റെ ക​മ്മി​റ്റി നി​യ​മ​പ​ര​മാ​യ ര​ക്ഷാ​ക​ര്‍ത്താ​ക്ക​ളെ അ​നു​വ​ദി​ക്കു​ന്ന​ത്. ഈ ​വ​ര്‍ഷം ഇ​തു​വ​രെ 112 പേ​ര്‍ക്ക് നി​യ​മ​പ​ര​മാ​യ ര​ക്ഷാ​ക​ര്‍തൃ​ത്വം അ​നു​വ​ദി​ച്ചി​ട്ടു​ണ്ട്.