മ​ടി​ച്ചു​നി​ന്നെ​ങ്കി​ലും വീ​ണ്ടും പെ​യ്തി​റ​ങ്ങി

പ​ത്ത​നം​തി​ട്ട: ജി​ല്ല​യി​ൽ അ​തി​ശ​ക്ത​മാ​യ മ​ഴ തു​ട​രു​ക​യാ​ണ്. വ്യാ​ഴാ​ഴ്ച ഉ​ച്ച​വ​രെ നേ​രി​യ ശ​മ​നം വ​ന്നെ​ങ്കി​ലും പി​ന്നീ​ട് ശ​ക്തി​പ്രാ​പി​ച്ചു. ന​ദീ​തീ​ര​ങ്ങ​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് നി​ര​വ​ധി കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ച്ചു. പ​മ്പാ, മ​ണി​മ​ല​യാ​ർ തീ​ര​ങ്ങ​ളി​ലാ​ണ് കൂ​ടു​ത​ൽ നാ​ശ​ന​ഷ്ടം. അ​ച്ച​ൻ​കോ​വി​ലാ​ർ അ​പ​ക​ട നി​ല​യി​ലേ​ക്ക്​ എ​ത്തി​യി​ട്ടി​ല്ല.

ശ​ക്ത​മാ​യ മ​ഴ തു​ട​ർ​ന്നാ​ൽ വ​ലി​യ​ദു​രി​തം വി​ത​ക്കും. തു​ട​ർ​ച്ച​യാ​യ മ​ഴ മ​ല​യോ​ര മേ​ഖ​ല​ക​ളി​ൽ മ​ണ്ണി​ടി​ച്ചി​ലി​നും സാ​ധ്യ​ത വ​ർ​ധി​പ്പി​ച്ചു. തി​രു​വ​ല്ല, മ​ല്ല​പ്പ​ള്ളി താ​ലൂ​ക്കു​ക​ളി​ലാ​ണ്​ കാ​ര്യ​മാ​യ നാ​ശ​ന​ഷ്ടം റി​പ്പോ​ർ​ട്ട്​ ചെ​യ്തി​രി​ക്കു​ന്ന​ത്. ​പ്ര​ള​യ​സ​മാ​ന സാ​ഹ​ച​ര്യം നി​ല​നി​ൽ​ക്കു​ന്ന അ​പ്പ​ർ​കു​ട്ട​നാ​ട്ടി​ൽ​നി​ന്ന്​ നി​ര​വ​ധി പേ​രാ​ണ്​ വീ​ടു​ക​ൾ ഉ​പേ​ക്ഷി​ച്ച്​ പോ​യ​ത്. കോ​ടി​ക​ളു​ടെ നാ​ശ​ന​ഷ്ട​മാ​ണ്​ ഇ​വി​ടെ​യു​ണ്ടാ​യ​ത്.

അ​​​​തേ​സ​മ​യം, പ​മ്പാ ന​ദി​യി​ലെ മാ​ട​മ​ൺ, മാ​ല​ക്ക​ര, മ​ണി​മ​ല​യാ​റ്റി​ലെ ക​ല്ലൂ​പ്പാ​റ, പു​ല്ലാ​ക്ക​യ​ർ സ്റ്റേ​ഷ​നു​ക​ൾ, അ​ച്ച​ൻ​കോ​വി​ലാ​റ്റി​ലെ തു​മ്പ​മ​ൺ സ്റ്റേ​ഷ​ൻ എ​ന്നി​വി​ട​ങ്ങ​ളി​ൽ ജ​ല​നി​ര​പ്പ് അ​പ​ക​ട​ക​ര​മാ​ണെ​ന്ന്​ കേ​ന്ദ്ര ജ​ല ക​മീ​ഷ​ൻ മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്. ഇ​വി​ട​ങ്ങ​ളി​ൽ ഓ​റ​ഞ്ച്, യെ​ല്ലോ അ​ല​ർ​ട്ടു​ക​ൾ ന​ൽ​കി​യി​ട്ടു​ണ്ട്. അ​തേ​സ​മ​യം, മ​ണി​മ​ല​യി​ലും പ​മ്പ​യി​ലും ക​ഴി​ഞ്ഞ മ​ണി​ക്കൂ​റു​ക​ളി​ൽ ജ​ല​നി​ര​പ്പ് കാ​ര്യ​മാ​യി ഉ​യ​ർ​ന്നി​ട്ടി​ല്ലെ​ന്നും ജ​ല ക​മീ​ഷ​ൻ വ്യ​ക്ത​മാ​ക്കു​ന്നു. ക​ക്കി, പ​മ്പാ അ​ണ​ക്കെ​ട്ടു​ക​ളി​ൽ സം​ഭ​ര​ണ​ശേ​ഷി​യി​ൽ ഉ​യ​രു​ന്നു​ണ്ട്.