അമ്പട വീരാ! മൊബൈൽ ഫോണുമായി വാനരൻ കടന്നു

തി​രു​വ​ല്ല: വി​റ​ക് വെ​ട്ടു​കാ​ര​ന്‍റെ മൊ​ബൈ​ൽ ഫോ​ണു​മാ​യി വാ​ന​ര​ൻ ക​ട​ന്നു. അ​ടി​ച്ചു മാ​റ്റി​യ ഫോ​ൺ മി​നി​റ്റു​ക​ൾ​ക്ക് ശേ​ഷം സ​മീ​പ പു​രി​ട​ത്തി​ലെ തെ​ങ്ങി​ൽ ക​യ​റു​ന്ന​തി​നി​ടെ ഉ​പേ​ക്ഷി​ച്ചു. പ​ഞ്ചാ​യ​ത്ത് പ​ത്താം വാ​ർ​ഡ് മെ​മ്പ​ർ എ​സ്. സ​ന​ൽ കു​മാ​രി​യു​ടെ വീ​ട്ടി​ൽ വെ​ള്ളി​യാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ്​ സം​ഭ​വം.

വി​റ​ക് വെ​ട്ടാ​ൻ എ​ത്തി​യ പെ​രി​ങ്ങ​ര സ്വ​ദേ​ശി ര​മ​ണ​ന്‍റെ മൊ​ബൈ​ൽ ഫോ​ണു​മാ​യാ​ണ് വാ​ന​ര​ൻ ക​ട​ന്ന​ത്. വി​റ​ക് കീ​റു​ന്ന​തി​ന് സ​മീ​പ​ത്താ​യി വെ​ച്ചി​രു​ന്ന ഫോ​ൺ വാ​ന​ര​ൻ കൈ​ക്ക​ലാ​ക്കു​ക​യാ​യി​രു​ന്നു. ഫോ​ൺ ക​യ്യി​ലെ​ടു​ത്ത വാ​ന​ര​ൻ ഉ​ച്ച​ത്തി​ൽ ശ​ബ്ദം ഉ​ണ്ടാ​ക്കി​യ​തോ​ടെ ര​മ​ണ​ൻ തി​രി​ഞ്ഞു​നോ​ക്കി. ഇ​തോ​ടെ ഫോ​ണു​മാ​യി വാ​ന​ര​ൻ സ​മീ​പ പു​ര​യി​ട​ത്തി​ലേ​ക്ക് ഓ​ടി. തു​ട​ർ​ന്ന് തെ​ങ്ങി​ൽ പാ​തി ക​യ​റി ഇ​രി​പ്പു​റ​പ്പി​ച്ചു. പി​ന്നാ​ലെ ഓ​ടി​യെ​ത്തു​ന്ന ര​മ​ണ​നെ ക​ണ്ട് മൊ​ബൈ​ൽ ഫോ​ൺ താ​ഴെ ഉ​പേ​ക്ഷി​ച്ച വാ​ന​ര​ൻ തെ​ങ്ങി​ൽ നി​ന്ന്​ മ​റ്റൊ​രു മ​ര​ത്തി​ലേ​ക്ക് ചാ​ടി ര​ക്ഷ​പ്പെ​ട്ടു. ക​ഴി​ഞ്ഞ ഒ​രു മാ​സ​ക്കാ​ല​മാ​യി പെ​രി​ങ്ങ​ര​യി​ലും പ​രി​സ​ര​പ്ര​ദേ​ശ​ങ്ങ​ളി​ലും വാ​ന​ര​ശ​ല്യം വ​ർ​ധി​ക്കു​ക​യാ​ണെ​ന്ന് പ​രാ​തി​യു​ണ്ട്.