എം.ജി കലോത്സവം: കലാജാഥ പര്യടനം തുടരുന്നു

പത്തനംതിട്ട: മഹാത്മാഗാന്ധി സർവകലാശാല കലോത്സവത്തിന്‍റെ കലാജാഥ പര്യടനം തുടരുന്നു. ബുധനാഴ്ച രാവിലെ കാതോലിക്കറ്റ് കോളജിൽ സ്വാഗത സംഘം ജനറൽ കൺവീനർ ശരത് ശശിധരൻ ജാഥ ഫ്ലാഗ് ഓഫ് ചെയ്തു. ആദ്യദിനം പരുമല ഡി.ബി കോളജ്, തിരുവല്ല മാർത്തോമ കോളജ്, തിരുവല്ല ബസ് സ്റ്റാൻഡ്, കോഴഞ്ചേരി സെന്‍റ് തോമസ് കോളജ്, കോഴഞ്ചേരി ബസ് സ്റ്റാൻഡ്, റാന്നി ബസ് സ്റ്റാൻഡ് എന്നിവിടങ്ങളിലാണ് പര്യടനം നടത്തിയത്. വ്യാഴാഴ്ച രാവിലെ കോന്നിയിൽനിന്ന് ആരംഭിക്കുന്ന കലാജാഥ വൈകീട്ട് ആറിന് പത്തനംതിട്ട നഗരത്തിൽ സമാപിക്കും. ഏപ്രിൽ ഒന്നുമുതൽ അഞ്ചുവരെയാണ് പത്തനംതിട്ടയിൽ മഹാത്മാഗാന്ധി സർവകലാശാല കലോത്സവം.