ആഞ്ഞിലിക്കുഴി ആറിന്​ മരണമണി; ക​ട​ക​ളി​ല്‍നി​ന്ന്​ ഇ​റ​ച്ചി അ​വ​ശി​ഷ്ട​ങ്ങ​ള്‍ കൊ​ണ്ടി​ടു​ന്ന​താ​യി നാ​ട്ടു​കാ​ര്‍

തി​രു​വ​ല്ല: പാ​യ​ലും പോ​ള​യും നി​റ​ഞ്ഞ് ഒ​ഴു​ക്കു നി​ല​ച്ച ആ​ഞ്ഞി​ലി​ക്കു​ഴി ആ​റി​നു മ​ര​ണ​മ​ണി. മൂ​ന്നു കി​ലോ​മീ​റ്റ​ർ ദൂ​ര​ത്തി​ൽ കു​റ്റൂ​ർ, തി​രു​വ​ൻ വ​ണ്ടൂ​ർ പ​ഞ്ചാ​യ​ത്തു​ക​ളി​ലൂ​ടെ ഒ​ഴു​കി​യി​രു​ന്ന ന​ദി വെ​റും നീ​ർ​ച്ചാ​ൽ മാ​ത്ര​മാ​യി. ക​റു​ത്ത നി​റ​ത്തി​ല്‍ കൊ​ഴു​ത്ത വെ​ള​ള​ത്തി​ന് ചി​ല ഭാ​ഗ​ങ്ങ​ളി​ല്‍ ക​ടു​ത്ത ദു​ര്‍ഗ​ന്ധ​മു​ണ്ട്. കാ​ല​ങ്ങ​ളാ​യ മാ​ലി​ന്യം അ​ടി​ഞ്ഞു​കി​ട​ക്കു​ന്നു. ക​ട​ക​ളി​ല്‍നി​ന്ന്​ ഇ​റ​ച്ചി അ​വ​ശി​ഷ്ട​ങ്ങ​ള്‍ കൊ​ണ്ടി​ടു​ന്ന​താ​യി നാ​ട്ടു​കാ​ര്‍ പ​റ​യു​ന്നു.

നീ​ര്‍നാ​യ്ക്ക​ളും കു​ള​യ​ട്ട​ക​ളും പെ​രു​കി. മ​ഴ​പെ​യ്യു​മ്പോ​ള്‍ മാ​ത്രം ഒ​ഴു​ക്കു​വീ​ഴു​ന്ന സ്ഥി​തി​യാ​ണ്​ ഇ​പ്പോ​ള്‍. ക​ര്‍ക്ക​ട​കം പാ​തി പി​ന്നി​ട്ട​പ്പൊ​ഴേ ജ​ല​നി​ര​പ്പ് താ​ഴു​ക​യാ​ണ്. ക​ര​ക​ളി​ലെ കി​ണ​റു​ക​ളി​ല്‍ വേ​ന​ലി​ന്‍റെ തു​ട​ക്ക​ത്തി​ല്‍ ത​ന്നെ മ​ലി​ന ജ​ലം നി​റ​യും. ന​ദി​യെ തി​രി​കെ​പ്പി​ടി​ക്കാ​ന്‍ ന​ട​ത്തി​യ ശ്ര​മ​ങ്ങ​ളൊ​ന്നും വി​ജ​യി​ച്ചി​ല്ല. പ്ര​ത്യേ​ക ധ​ന​സ​ഹാ​യ​ത്തോ​ടെ മീ​ന്‍ വ​ള​ര്‍ത്താ​ൻ ഇ​റ​ങ്ങി​യ​വ​രും പാ​തി​വ​ഴി പ​ദ്ധ​തി ഉ​പേ​ക്ഷി​ച്ചു.

വ​ര​ട്ടാ​റി​ന്‍റെ ശാ​ഖ​ക​ള്‍ ചേ​ര്‍ന്ന് മ​ധു​രം​പു​ഴ​യു​ടെ കൈ​വ​ഴി​യാ​യി തെ​ങ്ങേ​ലി​യി​ല്‍ തു​ട​ങ്ങു​ന്ന​താ​ണ് ആ​ഞ്ഞി​ലി​ക്കു​ഴി. ഈ​ര​ടി​ച്ചി​റ പു​ത്ത​ന്‍തോ​ട്ടി മ​ണി​മ​ല​യാ​റി​ന്‍റെ കൈ​വ​ഴി​യാ​കും. തെ​ങ്ങേ​ലി ല​ക്ഷം വീ​ട്, പു​തു​വ​ല്‍ തു​ട​ങ്ങി​യ ജ​ന​വാ​സ കേ​ന്ദ്ര​ങ്ങ​ള്‍ ഉ​ള്‍പ്പ​ടെ ര​ണ്ടാ​യി​ര​ത്തോ​ളം കു​ടും​ബ​ങ്ങ​ള്‍ക്ക് സ​ഹാ​യ​മാ​യി​രു​ന്ന ജ​ല​സ്രോ​ത​സ്സാ​ണ് ആ​ഞ്ഞി​ലി​ക്കു​ഴി​യാ​ർ. ആ​റി​ന്‍റെ പു​ന​രു​ജ്ജീ​വ​ന ജോ​ലി​ക​ളെ​ല്ലാം വി​ഫ​ല​മാ​വു​ക​യാ​യി​രു​ന്നു.

2009 മു​ത​ല്‍ 2015 വ​രെ പ​ത്ത്‌ ല​ക്ഷ​ത്തി​ല​ധി​കം രൂ​പ ചെ​ല​വി​ട്ട് പോ​ള​ക​ള്‍ നീ​ക്കി. 2018-ല്‍ 2.35 ​ല​ക്ഷം രൂ​പ ചെ​ല​വി​ല്‍ തൊ​ഴി​ലു​റ​പ്പി​ല്‍ വീ​ണ്ടും ചി​ല ഭാ​ഗ​ത്ത് പോ​ള നീ​ക്കി. നാ​ശോ​ന്മു​ഖ​മാ​യ ത​ണ്ണീ​ര്‍ത്ത​ടം തി​രി​കെ​പ്പി​ടി​ക്കാ​ന്‍ ന​ട​പ്പാ​ക്കി​യ പ​ദ്ധ​തി​ക​ൾ എ​ല്ലാം പാ​ഴാ​യി.

30 മീ​റ്റ​ര്‍ വ​രെ വീ​തി​യു​ണ്ടാ​യി​രു​ന്ന ആ​റി​ന്​ ഇ​പ്പോ​ള്‍ പ​ല​യി​ട​ത്തും പ​ത്തു മീ​റ്റ​റി​ല്‍ താ​ഴെ​യാ​ണ് വീ​തി. വെ​ള​ളം താ​ഴു​മ്പോ​ള്‍ ആ​ഞ്ഞി​ലി​ക്കു​ഴി​യി​ല്‍ ഒ​ഴു​ക്ക് നി​ല​ക്കു​ന്ന​തി​ന്‍റെ പ്ര​തി​ഫ​ല​നം ക​ര​യി​ലും ഉ​ണ്ടാ​കും. കി​ണ​റു​ക​ളി​ല്‍ ജ​ല​നി​ര​പ്പ് ക്ര​മാ​തീ​ത​മാ​യി താ​ഴും. വെ​ള​ള​ത്തി​ന്‍റെ നി​റം മാ​റി ദു​ർ​ഗ​ന്ധ​പൂ​രി​ത​മാ​വും. ആ​റ്റി​ല്‍ വെ​ള​ള​മു​ള​ള​പ്പോ​ള്‍ പ​ല​രും മോ​ട്ടോ​ര്‍ ഉ​പ​യോ​ഗി​ച്ച് കി​ണ​റി​ന് ചു​റ്റു​മു​ള​ള ഭൂ​മി​യി​ലേ​ക്ക് വെ​ള​ളം പ​മ്പ് ചെ​യ്തി​രു​ന്നു. എ​ന്നാ​ൽ ഇ​ത്ത​വ​ണ ഓ​ണ​മെ​ത്തും മു​മ്പ് ആ​ഞ്ഞി​ലി​ക്കു​ഴി വ​റ്റു​മോ എ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.