മോക്​ഡ്രിൽ ദുരന്തം: നാലാമൻ എവിടെയെന്ന്​ അധികൃതർ

മ​ല്ല​പ്പ​ള്ളി: ഞ​ങ്ങ​ൾ നാ​ലു​പേ​രും ഒ​രു​മി​ച്ചാ​ണ്​ മ​ണി​മ​ല ആ​റ്റി​ൽ​ചാ​ടി​യ​ത്. ഞ​ങ്ങ​ൾ മൂ​ന്നു​പേ​ർ തി​രി​ച്ചെ​ത്തി​യ​പ്പോ​ൾ നാ​ലാ​മ​നാ​യ ബി​നു എ​വി​ടെ​യെ​ന്ന്​ ത​ങ്ങ​ളോ​ട്​ അ​ധി​കൃ​ത​ർ ചോ​ദി​ച്ച ഞെ​ട്ട​ലി​ലാ​ണ്​ മു​ൻ ഗ്രാ​മ പ​ഞ്ചാ​യ​ത്ത് അം​ഗം കൂ​ടി​യാ​യ പ​ടു​തോ​ട് മ​രു​തു​കു​ന്നേ​ൽ ബി​ജു നൈ​നാ​ൻ. ‘‘രാ​വി​ലെ ന​ട​ക്കാ​ൻ പോ​യ എ​ന്നെ വി​ളി​ച്ചു​കൊ​ണ്ടു​പോ​യി ആ​റ്റി​ലി​റ​ക്കു​ക​യാ​യി​രു​ന്നു.

സു​ഹൃ​ത്ത് കൂ​ടി​യാ​യ ഡെ​പ്യൂ​ട്ടി ത​ഹ​സി​ൽ​ദാ​ർ ഷി​ബു തോ​മ​സ് സ​ഹാ​യം ആ​വ​ശ്യ​പ്പെ​ട്ട​പ്പോ​ൾ, തോ​ർ​ത്ത് എ​ടു​ക്കാ​ൻ പ​ഞ്ചാ​യ​ത്ത് അം​ഗം ര​തീ​ഷ് പീ​റ്റ​റു​ടെ സ്കൂ​ട്ട​റി​ലാ​ണ് വീ​ട്ടി​ലേ​ക്ക് പോ​യ​ത്’’. എ​ല്ലാ വ​കു​പ്പ്​ ഉ​ദ്യോ​ഗ​സ്ഥ​രും സ​ർ​വ സ​ന്നാ​ഹ​ങ്ങ​ളോ​ടെ​യും സു​സ​ജ്ജ​മാ​യി ന​ട​ത്തേ​ണ്ട ദു​ര​ന്ത നി​വാ​ര​ണ പ​രി​ശീ​ല​ന​ത്തി​ന്‍റെ പ​രാ​ജ​യ​മാ​ണ്​ ബി​ജു നൈ​നാ​ന്‍റെ വാ​ക്കു​ക​ളി​ലൂ​ടെ വെ​ളി​വാ​കു​ന്ന​ത്. ദു​ര​ന്ത നി​വാ​ര​ണ അ​തോ​റി​റ്റി സം​ഘ​ടി​പ്പി​ച്ച ദു​ര​ന്ത നി​വാ​ര​ണ പ​രി​ശീ​ല​ന​ത്തി​ൽ പൊ​തു ആ​വ​ശ്യം മു​ൻ നി​ർ​ത്തി​യാ​ണ്​ ബി​ജു​വി​നൊ​പ്പം, ക​ർ​ക്കി​ട​കം പ​ള്ളി മോ​ൻ​സി കു​ര്യാ​ക്കോ​സും വാ​ത​റ വീ​ട്ടി​ൽ ജി​ജോ മാ​ത്യു​വും മു​ങ്ങി​മ​രി​ച്ച ബി​നു സോ​മ​നും ഒ​ഴു​ക്കി​ൽ​പെ​ട്ട​വ​രാ​യി അ​ഭി​ന​യി​ക്കാ​ൻ ത​യാ​റാ​യ​ത്. എ​ന്നാ​ൽ, കൂ​ടെ നി​ന്ന ആ​ൾ ദു​ര​ന്ത​ത്തി​ൽ​പെ​ടു​മെ​ന്ന് ആ​രും ഓ​ർ​ത്തി​ല്ല. നാ​ടി​ന്‍റെ പൊ​തു​വാ​യ ഏ​തു​കാ​ര്യ​ത്തി​ലും ഒ​പ്പം നി​ൽ​ക്കു​ന്ന സു​ഹൃ​ത്താ​യ ബി​നു ഇ​നി ഇ​ല്ലെ​ന്ന ദുഃ​ഖ​ത്തി​ലാ​ണ് മൂ​ന്നു​പേ​രും. എ​ന്നാ​ൽ, കു​റ​ച്ചു​കൂ​ടി ശ്ര​ദ്ധ പ​രി​ശീ​ല​ന​ത്തി​ൽ ഉ​ണ്ടാ​ക​ണ​മാ​യി​രു​ന്നു എ​ന്നാ​ണ് ബി​ജു പ​റ​യു​ന്ന​ത്. പ്ര​ള​യ​ത്തി​ൽ ന​ദി​യി​ൽ അ​ക​​പ്പെ​ടു​ന്ന​വ​രാ​യി അ​ഭി​ന​യി​ക്കാ​ൻ അ​ഞ്ചു പേ​ർ ​വേ​ണ​മെ​ന്നാ​യി​രു​ന്നു റ​വ​ന്യൂ വ​കു​പ്പ്​ അ​റി​യി​ച്ചി​രു​ന്ന​തെ​ന്ന്​ ഇ​വ​ർ പ​റ​യു​ന്നു. ത​ങ്ങ​ൾ നാ​ലു​പേ​രും അ​ധി​കൃ​ത​ർ പ​റ​ഞ്ഞ​തോ​ടെ ന​ദി​യി​​ലേ​ക്ക്​ ചാ​ടി നീ​ന്തു​ക​യാ​യി​രു​ന്നു.

മോ​ൻ​സി, ജി​ജോ എ​ന്നി​വ​ർ​ക്ക്​ പി​ന്നാ​ലെ ബി​നു​വും ബി​ജു​വും നീ​ന്തി തു​ട​ങ്ങി. മോ​ൻ​സി, ജി​ജോ എ​ന്നി​വ​ർ സ്കൂ​ബ ബോ​ട്ടി​ൽ​നി​ന്ന്​ ഇ​ട്ടു​കൊ​ടു​ത്ത കാ​റ്റ്​ നി​റ​ച്ച ട്യൂ​ബി​ൽ​പി​ടി​ച്ച്​ ബോ​ട്ടി​ൽ ക​യ​റി. എ​ന്നാ​ൽ, ഇ​വ​ർ​ക്ക്​ പി​ന്നാ​ലെ എ​ത്തി​യ ബി​നു ച​ളി​യി​ൽ പൂ​ണ്ട്​ ക​യ​ത്തി​ൽ അ​ക​പ്പെ​ടു​ക​യാ​യി​രു​ന്നു. ഈ ​സ​മ​യം ദു​ര​ന്ത നി​വാ​ര​ണ സേ​ന, അ​ഗ്​​നി​സു​ര​ക്ഷാ സേ​ന സ്കൂ​ബ സം​ഘം, പൊ​ലീ​സ്, ആ​രോ​ഗ്യം, റ​വ​ന്യൂ തു​ട​ങ്ങി​യ എ​ല്ലാ വ​കു​പ്പു​ക​ളി​ലെ​യും ഉ​ദ്യോ​ഗ​സ്ഥ​ർ സ്ഥ​ല​ത്തു​ണ്ടാ​യി​ട്ടും ബി​നു അ​ര​മ​ണി​ക്കൂ​റോ​ളം വെ​ള്ള​ത്തി​ൽ ആ​ണ്ടു​കി​ട​ന്നു.