കോൺഗ്രസ് യോഗത്തിൽ പ്രവർത്തകർ തമ്മിൽ കൈയാങ്കളി

മ​ല്ല​പ്പ​ള്ളി: കൊ​റ്റ​നാ​ട് ഗ്രാ​മ​പ​ഞ്ചാ​യ​ത്ത് ഏ​ഴാം വാ​ർ​ഡി​ൽ ന​ട​ക്കു​ന്ന ഉ​പ​തെ​ര​ഞ്ഞെ​ടു​പ്പി​ന്​ സ്ഥാ​നാ​ർ​ഥി നി​ർ​ണ​യ​ത്തി​നാ​യി ചേ​ർ​ന്ന കോ​ൺ​ഗ്ര​സ് യോ​ഗ​ത്തി​ൽ പ്ര​വ​ർ​ത്ത​ക​ർ ത​മ്മി​ൽ കൈയാങ്കളി. സം​ഘ​ർ​ഷ​ത്തി​ൽ കോ​ൺ​ഗ്ര​സ് ബ്ലോ​ക്ക് ജ​ന​റ​ൽ സെ​ക്ര​ട്ട​റി ഉ​ണ്ണി​കൃ​ഷ്ണ​ൻ മേ​ലേ​തി​ന് പ​രി​ക്കേ​റ്റു.

കെ.​പി.​സി.​സി രാ​ഷ്ട്രീ​യ​കാ​ര്യ സ​മി​തി​യം​ഗം പ്ര​ഫ. പി.​ജെ. കു​ര്യ​ൻ, ഡി.​സി.​സി പ്ര​സി​ഡ​ന്‍റ്​​ പ്ര​ഫ. സ​തീ​ഷ് കൊ​ച്ചു​പ​റ​മ്പി​ൽ എ​ന്നി​വ​രു​ടെ സാ​ന്നി​ധ്യ​ത്തി​ൽ ന​ട​ന്ന യോ​ഗ​ത്തി​ലാ​ണ് കൈയാങ്കളി ഉ​ണ്ടാ​യ​ത്. സി.​പി.​ഐ അം​ഗം മ​നോ​ജ് ച​ര​ളേ​ൽ ദേ​വ​സ്വം ബോ​ർ​ഡ്​ അം​ഗ​മാ​യ​തി​നെ തു​ട​ർ​ന്ന് രാ​ജി​വെ​ച്ച ഒ​ഴി​വി​ൽ മേ​യ് 17നാ​ണ് തെ​ര​ഞ്ഞെ​ടു​പ്പ്.

യോ​ഗ​ത്തി​ൽ കോ​ൺ​ഗ്ര​സ് പ്ര​വ​ർ​ത്ത​ക​ർ ചേ​രി​തി​രി​ഞ്ഞ് ഏ​റ്റു​മു​ട്ടു​ക​യാ​യി​രു​ന്നു. ഏ​ഴാം​വാ​ർ​ഡ് കോ​ൺ​ഗ്ര​സ് സ്ഥാ​നാ​ർ​ഥി​യാ​യി ക​ഴി​ഞ്ഞ​ത​വ​ണ വി​മ​ത​നാ​യി മ​ത്സ​രി​ച്ച​തി​ന്‍റെ പേ​രി​ൽ പു​റ​ത്താ​ക്കി​യ ആ​ളെ മ​ത്സ​രി​പ്പി​ക്കാ​നു​ള്ള നീ​ക്ക​മാ​ണ് ഒ​രു​വി​ഭാ​ഗ​ത്തെ ചൊ​ടി​പ്പി​ച്ച​ത്. പി.​ജെ. കു​ര്യ​ന്‍റെ സ​മ്മ​ർ​ദ​ത്തെ തു​ട​ർ​ന്നാ​ണ് ഇ​ത്ത​ര​മൊ​രു തീ​രു​മാ​ന​മെ​ന്ന പേ​രി​ൽ പ്ര​വ​ർ​ത്ത​ക​രി​ൽ ഒ​രു​വി​ഭാ​ഗം അ​ദ്ദേ​ഹ​ത്തി​നെ​തി​രെ തി​രി​ഞ്ഞു. വാ​ഗ്വാ​ദ​വും അ​സ​ഭ്യ​വ​ർ​ഷ​വും അ​വ​സാ​നം കൈയാങ്കളി വ​രെ​യെ​ത്തി. പെ​രു​മ്പെ​ട്ടി പൊ​ലീ​സി​ൽ പ​രാ​തി​യും എ​ത്തി.

മു​ൻ എം.​എ​ൽ.​എ മാ​ലേ​ത്ത് സ​ര​ളാ​ദേ​വി, മു​ൻ ജി​ല്ല പ​ഞ്ചാ​യ​ത്ത് മു​ൻ വൈ​സ് പ്ര​സി​ഡ​ന്‍റ്​ ശോ​ശാ​മ്മ തോ​മ​സ്, ഡി.​സി.​സി ജ​ന​റ​ൽ സെ​ക്ര​ട്ട​റി സ​തീ​ഷ് പ​ണി​ക്ക​ർ, ബ്ലോ​ക്ക് പ്ര​സി​ഡ​ന്‍റ്​ പ്ര​കാ​ശ് കു​മാ​ർ ച​ര​ളേ​ൽ തു​ട​ങ്ങി​യ​വ​രും യോ​ഗ​ത്തി​ലു​ണ്ടാ​യി​രു​ന്നു.