തൊ​ഴി​ലു​റ​പ്പ് പ​ദ്ധ​തി മ​ഹാ​ത്മ പു​ര​സ്കാ​രം; ഒന്നാം സ്ഥാനത്ത്​ മൈലപ്രയും കൊടുമണ്ണും

പ​ത്ത​നം​തി​ട്ട: മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി ന​ട​ത്തി​പ്പി​ലെ മി​ക​വി​ന്​ മ​ഹാ​ത്മ പു​ര​സ്കാ​രം മൈ​ല​പ്ര, കൊ​ടു​മ​ൺ, ഓ​മ​ല്ലൂ​ർ ഗ്രാ​മ​പ​ഞ്ചാ​യ​ത്തു​ക​ൾ​ക്ക്. മൈ​ല​പ്ര, കൊ​ടു​മു​ൺ ഒ​ന്നാ​മ​തെ​ത്തി​യ​പ്പോ​ൾ, ഓ​മ​ല്ലൂ​ർ പ​ഞ്ചാ​യ​ത്ത്​ ര​ണ്ടാം സ്ഥാ​നം നേടി.

തു​ട​ർ​ച്ച​യാ​യ മൂ​ന്നാം വ​ർ​ഷ​മാ​ണ് മൈ​ല​പ്ര പ​ഞ്ചാ​യ​ത്ത് ജി​ല്ല​യി​ൽ ഒ​ന്നാം സ്ഥാ​നം നേ​ടു​ന്ന​ത്. എം.​ജി.​എ​ൻ.​ആ​ർ.​ഇ 2022- 23 സാ​മ്പ​ത്തി​ക വ​ർ​ഷം തൊ​ഴി​ലി​ന് അ​പേ​ക്ഷി​ച്ച 100 ശ​ത​മാ​നം തൊ​ഴി​ലാ​ളി​ക​ൾ​ക്കും തൊ​ഴി​ൽ ന​ൽ​കി 78 .7 ശ​രാ​ശ​രി​തൊ​ഴി​ൽ ദി​ന​ങ്ങ​ൾ ന​ൽ​കി.രജനി ജോസഫ്​ പ്രസിഡന്‍റും മാത്യു വർഗീസ്​ വൈസ്​ ​​ പ്രസിഡന്‍റുമാണ്​.

കൊ​ടു​മ​ൺ പ​ഞ്ചാ​യ​ത്തി​ൽ 2610 സ​ജീ​വ തൊ​ഴി​ലാ​ളി​ക​ൾ പ​ദ്ധ​തി​യി​ൽ ജോ​ലി ചെ​യ്യു​ന്നു​ണ്ട്. ക​ഴി​ഞ്ഞ സാ​മ്പ​ത്തി​ക​വ​ർ​ഷം ജി​ല്ല​യി​ൽ ഏ​റ്റ​വും കൂ​ടു​ത​ൽ കു​ടും​ബ​ങ്ങ​ൾ​ക്ക് 100 ദി​വ​സം തൊ​ഴി​ൽ ന​ൽ​കാ​ൻ സാ​ധി​ച്ചു. 1110 കു​ടും​ബ​ങ്ങ​ൾ​ക്ക് തൊ​ഴി​ൽ ന​ൽ​കി. ആ​കെ ചെ​ല​വ​ഴി​ച്ച തു​ക 6.5 കോ​ടി രൂ​പ​യാ​ണ്. കേ​ര​ഗ്രാ​മം പ​ദ്ധ​തി​യു​ടെ ഭാ​ഗ​മാ​യി തെ​ങ്ങി​ൻ തൈ​ക​ൾ ഉ​ൽ​പാ​ദി​പ്പി​ച്ച് വി​ത​ര​ണം ചെ​യ്യാ​ൻ സാ​ധി​ച്ചു. ശു​ചി​ത്വ കേ​ര​ളം പ​ദ്ധ​തി​യു​ടെ ഭാ​ഗ​മാ​യി ഏ​റ്റ​വും കൂ​ടു​ത​ൽ കം​പോ​സ്റ്റ് പി​റ്റ്, സോ​ക്‌​പി​റ്റ് എ​ന്നി​വ ന​ൽ​കി. വ​ർ​ക്ക് ഷെ​ഡ്, റോ​ഡ് കോ​ൺ​ക്രീ​റ്റ് തു​ട​ങ്ങി​യ മെ​റ്റീ​രി​യ​ൽ പ്ര​വൃ​ത്തി​ക​ളും ഏ​റ്റെ​ടു​ത്തു. 1,54,912 തൊ​ഴി​ൽ ദി​ന​ങ്ങ​ളും സൃ​ഷ്ടി​ച്ചു.കെ.കെ. ശ്രീധരൻ പ്രസിഡന്‍റും ധന്യദേവി വൈസ്​ പ്രസിഡന്‍റുമാണ്​.

ര​ണ്ടാം സ്ഥാ​നം ഓ​മ​ല്ലൂ​ർ ഗ്രാ​മ​പ​ഞ്ചാ​യ​ത്ത് ക​ര​സ്ഥ​മാ​ക്കി. 2022-23 വ​ർ​ഷ​ത്തെ പു​ര​സ്കാ​ര​മാ​ണ് ല​ഭി​ച്ച​ത്. 2022-23 സാ​മ്പ​ത്തി​ക വ​ർ​ഷം 38,054 തൊ​ഴി​ൽ​ദി​നം സൃ​ഷ്ടി​ച്ചു. 54.67 ല​ക്ഷം രൂ​പ​യു​ടെ മെ​റ്റീ​രി​യ​ൽ പ്ര​വൃ​ത്തി​ക​ൾ ന​ട​പ്പാ​ക്കി. 119.42 ല​ക്ഷം രൂ​പ തൊ​ഴി​ലാ​ളി​ക​ൾ​ക്ക് വേ​ത​നം ഇ​ന​ത്തി​ൽ ല​ഭി​ച്ചു. 6000 തെ​ങ്ങി​ൻ തൈ​ക​ൾ ഉ​ൽ​പാ​ദി​പ്പി​ച്ച് വി​ത​ര​ണം ചെ​യ്തു. കോ​ള​നി​ക​ളി​ൽ കു​ടി​വെ​ള്ള ക്ഷാ​മ​ത്തി​ന് പ​രി​ഹാ​ര​മാ​യി 16 കി​ണ​ർ നി​ർ​മി​ച്ചു. ഇ​വ​ക്കു പു​റ​മെ ര​ണ്ട്​ പൊ​തു കി​ണ​റും ഒ​രു പൊ​തു​കു​ള​വും നി​ർ​മി​ച്ചു.

ജോൺസൺ വിളവിനാൽ പ്രസിഡന്‍റും സ്മിത സുരേഷ്​ വൈസ്​ പ്രസിഡന്‍റുമാണ്​.