അ​ച്ച​ൻ​കോ​വി​ലാ​റും, ക​ല്ലാ​റും വ​റ്റി​വ​ര​ണ്ട​ു; കോന്നിയിൽ ഒരിറ്റ്​ വെള്ളത്തിനായി നെട്ടോട്ടം

കോ​ന്നി: അ​ച്ച​ൻ​കോ​വി​ലാ​റും, ക​ല്ലാ​റും വ​റ്റി​വ​ര​ണ്ട​തോ​ടെ മ​ല​യോ​ര നാ​ടാ​യ കോ​ന്നി കു​ടി​വെ​ള്ള​ത്തി​നാ​യി നെ​ട്ടോ​ട്ട​ത്തി​ൽ. അ​വ​സ​രം മു​ത​ലാ​ക്കി കു​ടി​വെ​ള്ള വി​ത​ര​ണ വാ​ഹ​ന​ങ്ങ​ളും സ​ജീ​വ​മാ​യി. ത​ണ്ണി​ത്തോ​ടി​ന്‍റെ വി​വി​ധ പ്ര​ദേ​ശ​ങ്ങ​ളും കൊ​ക്കാ​ത്തോ​ട് പ്ര​ദേ​ശ​വും ഏ​ല്ലാം ശു​ദ്ധ​ജ​ല ക്ഷാ​മ​ത്താ​ൽ വ​ല​യു​ക​യാ​ണ്. അ​ച്ച​ൻ​കോ​വി​ൽ, ക​ല്ലാ​ർ ന​ദി​ക​ളെ ആ​ണ് കോ​ന്നി​യി​ലെ ജ​ന​ങ്ങ​ൾ കു​ടി​വെ​ള്ള​ത്തി​നാ​യും മ​റ്റും ആ​ശ്ര​യി​ക്കു​ന്ന​ത്. മ​ണ്ഡ​ല​ത്തി​ലെ വി​വി​ധ കു​ടി​വെ​ള്ള പ​ദ്ധ​തി​ക​ളും ഈ ​ന​ദി​ക​ളെ ആ​ശ്ര​യി​ച്ചാ​ണ്.

എ​ന്നാ​ൽ, രൂ​ക്ഷ​മാ​യ വ​ര​ൾ​ച്ച​യി​ൽ ക​ല്ലാ​റും അ​ച്ച​ൻ​കോ​വി​ലാ​റും വ​റ്റി. ശു​ദ്ധ​ജ​ല പ​ദ്ധ​തി​ക​ൾ​ക്ക് ടാ​ങ്കി​ൽ വെ​ള്ളം നി​റ​ക്കാ​ൻ പോ​ലും സാ​ധി​ക്കാ​ത്ത അ​വ​സ്ഥ​യാ​ണ്. ത​ണ്ണി​ത്തോ​ട് പ​ഞ്ചാ​യ​ത്തി​ൽ തേ​ക്കു​തോ​ട് സ്ഥാ​പി​ച്ചി​രി​ക്കു​ന്ന ശു​ദ്ധ​ജ​ല പ​ദ്ധ​തി​യി​ലും കോ​ന്നി താ​ഴം ശു​ദ്ധ​ജ​ല പ​ദ്ധ​തി​യി​ലും പ്ര​മാ​ടം ഗ്രാ​മ പ​ഞ്ചാ​യ​ത്ത് പ​ദ്ധ​തി​യി​ലും മാ​ളാ​പ്പാ​റ പ​ദ്ധ​തി​യി​ലും എ​ല്ലാം വെ​ള്ളം പ​മ്പ് ചെ​യ്യാ​ൻ സാ​ധി​ക്കാ​ത്ത സ്ഥി​തി​യാ​ണ്. മു​ൻ വ​ർ​ഷ​ങ്ങ​ളി​ൽ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ടാ​ങ്ക​റു​ക​ളി​ൽ വി​വി​ധ പ്ര​ദേ​ശ​ങ്ങ​ളി​ൽ കു​ടി​വെ​ള്ളം എ​ത്തി​ച്ച് കൊ​ടു​ക്കു​മാ​യി​രു​ന്നു എ​ങ്കി​ലും ഈ ​പ​ല സ്ഥ​ല​ങ്ങ​ളി​ലും ഈ ​സം​വി​ധാ​ന​വും ഇ​ല്ല.

കൊ​ക്കാ​ത്തോ​ട് പോ​ലെ​യു​ള്ള പ്ര​ദേ​ശ​ങ്ങ​ളി​ൽ തോ​ടു​ക​ൾ കു​ഴി​ച്ചാ​ണ് ആ​ളു​ക​ൾ വെ​ള്ളം ശേ​ഖ​രി​ക്കു​ന്ന​ത്. ശു​ദ്ധ​ജ​ല​ത്തി​നാ​യി കി​ലോ​മീ​റ്റ​റു​ക​ൾ കാ​ൽ ന​ട​യാ​യി ന​ട​ന്ന് ത​ല​ച്ചു​മ​ടാ​യി വെ​ള്ളം എ​ത്തി​ക്കു​ന്ന പ്ര​ദേ​ശ​ങ്ങ​ളും ഉ​ണ്ട്. കൂ​ടാ​തെ സ്വ​കാ​ര്യ വാ​ഹ​ന​ങ്ങ​ളി​ൽ വ​ലി​യ വി​ല കൊ​ടു​ത്ത് വെ​ള്ളം ടാ​ങ്ക​റു​ക​ളി​ൽ എ​ത്തി​ക്കു​ന്ന രീ​തി​യും ഉ​ണ്ട്. ഇ​തി​ന്​ മാ​സം വ​ലി​യ ഒ​രു തു​ക ത​ന്നെ ഇ​വ​ർ​ക്ക് ചെ​ല​വാ​കു​ന്നു​ണ്ട്.

കൂ​ടാ​തെ വാ​ട്ട​ർ അ​തോ​റി​റ്റി​യു​ടെ കു​ടി​വെ​ള്ള വി​ത​ര​ണ പൈ​പ്പു​ക​ൾ അ​ടി​ക്ക​ടി പൊ​ട്ടു​ന്ന​തും കു​ടി​വെ​ള്ള വി​ത​ര​ണ സം​വി​ധാ​ന​ത്തെ സാ​ര​മാ​യി ബാ​ധി​ക്കു​ന്നു​ണ്ട്. അ​ടി​യ​ന്ത​ര ന​ട​പ​ടി സ്വീ​ക​രി​ച്ചി​ല്ലെ​ങ്കി​ൽ രൂ​ക്ഷ​മാ​യ ശു​ദ്ധ​ജ​ല ദൗ​ർ​ല​ഭ്യം ആ​കും നാ​ട്​ നേ​രി​ടാ​ൻ പോ​കു​ന്ന​ത്.