ലോക്സഭ തെരഞ്ഞെടുപ്പ്​; പത്തനംതിട്ട മണ്ഡലത്തിൽ പൊതുസ്വതന്ത്രനെ തിരഞ്ഞ്​ ബി.​ജെ.പി

പ​ത്ത​നം​തി​ട്ട: വ​രു​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ൽ പ​ത്ത​നം​തി​ട്ട മ​ണ്ഡ​ല​ത്തി​ൽ ബി.​ജെ.​പി പൊ​തു​സ്വ​ത​ന്ത്ര​നെ നി​ർ​ത്താ​ൻ സാ​ധ്യ​ത. ക്രി​സ്തീ​യ വി​ഭാ​ഗ​ത്തി​ലു​ള്ള സ്ഥാ​നാ​ർ​ഥി​ക്കാ​ണ് പ​രി​ഗ​ണ​ന. ബി.​ജെ.​പി പി​ന്തു​ണ​യി​ൽ പ​ത്ത​നം​തി​ട്ട​യി​ൽ സ്ഥാ​നാ​ർ​ഥി​യാ​യാ​ൽ വി​ജ​യം ഉ​റ​പ്പെ​ന്നാ​ണ് പൂ​ഞ്ഞാ​ർ മു​ൻ എം.​എ​ൽ.​എ പി.​സി. ജോ​ർ​ജ് പ​റ​യു​ന്ന​ത്.

ബി.​ജെ.​പി കേ​ന്ദ്ര​നേ​തൃ​ത്വം പ്രാ​ധാ​ന്യം ന​ൽ​കു​ന്ന എ ​ക്ലാ​സ് കാ​റ്റ​ഗ​റി​യി​ലെ ലോ​ക്സ​ഭ മ​ണ്ഡ​ല​മാ​ണ് പ​ത്ത​നം​തി​ട്ട. ക്രി​സ്ത്യ​ൻ വി​ഭാ​ഗ​ങ്ങ​ൾ​ക്ക് 70 ശ​ത​മാ​നം വോ​ട്ടു​ക​ളു​ള്ള മ​ണ്ഡ​ല​ത്തി​ൽ ജ​ന​പ്രി​യ സ്ഥാ​നാ​ർ​ഥി വേ​ണ​മെ​ന്നാ​ണ് നി​ർ​ദേ​ശം.

ആ​ന്‍റോ ആ​ൻ​റ​ണി എം.​പി​യു​ടെ ജ​ന​പ്രീ​തി​യി​ല്‍ ഇ​ടി​വ് സം​ഭ​വി​ച്ചി​ട്ടു​ണ്ടെ​ന്നാ​ണ് കോ​ൺ​ഗ്ര​സ് നി​യോ​ഗി​ച്ച ഏ​ജ​ൻ​സി​യു​ടെ റി​പ്പോ​ര്‍ട്ട് . മൂ​ന്നു​ത​വ​ണ ജ​യി​ച്ച ആ​ൻ​റോ​ക്ക്​ പ​ക​രം മ​റ്റൊ​രാ​ൾ വ​ര​ട്ടെ​യെ​ന്ന അ​ഭി​പ്രാ​യ​ക്കാ​രാ​ണ് കോ​ൺ​ഗ്ര​സി​ൽ ന​ല്ലൊ​രു വി​ഭാ​ഗ​വും. ഈ ​ഭി​ന്ന​ത മു​ത​ലെ​ടു​ക്കാ​നാ​ണ് ക്രി​സ്തീ​യ വി​ഭാ​ഗ​ത്തി​ൽ​നി​ന്നു​ള്ള പൊ​തു സ്ഥാ​നാ​ർ​ഥി​യെ തേ​ടാ​ൻ ബി.​ജെ.​പി നി​ർ​ബ​ന്ധി​ത​രാ​കു​ന്ന​ത്.

ബി.​ജെ.​പി പി​ന്തു​ണ​യു​ണ്ടെ​ങ്കി​ൽ എ​ൻ.​ഡി.​എ സ്ഥാ​നാ​ർ​ഥി​യാ​കാ​നു​ള്ള ആ​ഗ്ര​ഹം പി.​സി. ജോ​ർ​ജി​നു​ണ്ട്. ബി.​ജെ.​പി പി​ന്തു​ണ​യി​ൽ ജ​യി​ക്കാ​ൻ ക​ഴി​യു​മെ​ന്നാ​ണ് ജോ​ർ​ജ് പ​റ​യു​ന്ന​ത്.

ജോ​ർ​ജി​ന് അ​നു​കൂ​ല​മാ​യ നി​ല​പാ​ടാ​ണ് ബി.​ജെ.​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ ഉ​ൾ​പ്പെ​ടെ നേ​താ​ക്ക​ൾ സ്വീ​ക​രി​ച്ചി​ട്ടു​ള്ള​തെ​ന്ന്​ അ​റി​യു​ന്നു. ദേ​ശീ​യ ന്യൂ​ന​പ​ക്ഷ മോ​ർ​ച്ച വൈ​സ് പ്ര​സി​ഡ​ൻ​റ് നോ​ബി​ൾ മാ​ത്യു​വും എ​ൻ.​എ​സ്.​എ​സ് സ​ഹ​യാ​ത്രി​ക​നും മു​തി​ർ​ന്ന നേ​താ​വു​മാ​യ ബി. ​രാ​ധാ​കൃ​ഷ്ണ മേ​നോ​നും സ്ഥാ​നാ​ർ​ഥി​ത്വ​ത്തി​നാ​യി രം​ഗ​ത്തു​ണ്ട്.

മ​ണ്ഡ​ല​ത്തി​ലെ വി​വി​ധ സാ​മു​ദാ​യി​ക നേ​തൃ​ത്വ​വു​മാ​യു​ള്ള മി​ക​ച്ച ബ​ന്ധം ത​ന്നെ​യാ​ണ് ഇ​രു​വ​രു​ടെ​യും പി​ടി​വ​ള്ളി.

ഹി​ന്ദു ഐ​ക്യ​വേ​ദി ഉ​ൾ​പ്പെ​ടെ ഹി​ന്ദു​ത്വ സം​ഘ​ട​ന​ക​ളു​ടെ അ​ഭി​പ്രാ​യ​വും സ്ഥാ​നാ​ർ​ഥി​ത്വ​ത്തി​ൽ നി​ർ​ണാ​യ​ക​മാ​ണ്. യു.​ഡി.​എ​ഫി​ൽ ആ​ന്‍റോ ആ​ൻ​റ​ണി മാ​റി​യാ​ൽ യൂ​ത്ത്​ കോ​ൺ​ഗ്ര​സ്​ നേ​താ​വ്​ രാ​ഹു​ൽ മാ​ങ്കൂ​ട്ട​ത്തി​ലി​ന് സാ​ധ്യ​ത​യേ​റി​യി​ട്ടു​ണ്ട്. മ​ണ്ഡ​ല​ത്തി​ൽ സ​ജീ​വ​മാ​കാ​ൻ നി​ർ​ദേ​ശം ല​ഭി​ച്ചി​ട്ടു​ണ്ട്. അ​ടൂ​ർ സ്വ​ദേ​ശി​യാ​യ​തി​നാ​ൽ പാ​ർ​ട്ടി​ക്കു​ള്ളി​ൽ എ​തി​ർ​പ്പും കു​റ​വാ​ണ്.

സി.​പി.​എ​മ്മി​ൽ മു​ൻ എം.​എ​ൽ.​എ രാ​ജു എ​ബ്ര​ഹാ​മി​നും സാ​ധ്യ​ത വ​ർ​ധി​ച്ചി​ട്ടു​ണ്ട്.