പന്തളം നഗരസഭയിൽ കാടുകയറിയ അടിത്തറയിലൊതുങ്ങി ലൈഫ്​ പദ്ധതി

പ​ന്ത​ളം: ന​ഗ​ര​സ​ഭ​യി​ൽ മ​ന്നം കോ​ള​നി​യി​ൽ പ​ണി ആ​രം​ഭി​ച്ച ലൈ​ഫ് കെ​ട്ടി​ടം കാ​ടു​ക​യ​റി​യ നി​ല​യി​ൽ. ഭൂ​ര​ഹി​ത-​ഭ​വ​ന​ര​ഹി​ത​ർ​ക്കാ​യി സ​ർ​ക്കാ​ർ 2017ൽ ​ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്തി കി​ഫ്ബി ഫ​ണ്ട്​ ഉ​പ​യോ​ഗി​ച്ച്​ നി​ർ​മാ​ണം ആ​രം​ഭി​ച്ച ര​ണ്ടു കെ​ട്ടി​ട​ത്തി​ന്‍റെ​യും അ​ടി​ത്ത​റ ഭാ​ഗി​ക​മാ​യി നി​ർ​മി​ച്ചെ​ങ്കി​ലും പ​ണി തു​ട​രാ​നാ​കാ​തെ കാ​ടു​ക​യ​റി ന​ശി​ക്കു​ക​യാ​ണ്. പ​ന്ത​ളം പ​ഞ്ചാ​യ​ത്താ​യി​രു​ന്ന​പ്പോ​ൾ പ​ട്ടി​ക​ജാ​തി​ക്കാ​രാ​യ ഭൂ​ര​ഹി​ത​ർ​ക്കാ​യി വാ​ങ്ങി​യ സ്ഥ​ല​മാ​ണ് ന​ഗ​ര​സ​ഭ ലൈ​ഫ് ഫ്ലാ​റ്റ് സ​മു​ച്ച​യ​ത്തി​നാ​യി വി​ട്ടു​ന​ൽ​കി​യ​ത്.

44 കു​ടും​ബ​ത്തി​നാ​ണ്​ ഫ്ലാ​റ്റ്​ ത​യാ​റാ​ക്കു​ന്ന​തെ​ങ്കി​ലും ന​ഗ​ര​സ​ഭ​യി​ൽ മാ​ത്രം 520 അ​പേ​ക്ഷ​ക​രാ​ണ് ഉ​ണ്ടാ​യി​രു​ന്ന​ത്. അ​തി​ൽ​നി​ന്ന് 39 പേ​രെ​യാ​ണ് തെ​ര​ഞ്ഞെ​ടു​ത്തി​രു​ന്ന​ത്. ഈ ​അ​ഭി​മു​ഖം സ​ത്യ​സ​ന്ധ​മ​ല്ലെ​ന്ന് അ​ന്നേ ആ​ക്ഷേ​പ​മു​യ​ർ​ന്നി​രു​ന്നു.

ലൈ​ഫ് ലി​സ്റ്റി​ൽ പേ​രു​ൾ​പ്പെ​ട്ട കി​ട​പ്പാ​ട​മി​ല്ലാ​ത്ത ആ​ളു​ക​ൾ വ​ർ​ഷ​ങ്ങ​ളാ​യി കാ​ത്തി​രി​ക്കു​ക​യാ​ണ്. നി​ർ​മാ​ണം പു​ന​രാ​രം​ഭി​ക്കാ​നും ലി​സ്റ്റി​ൽ ക​ട​ന്നു​കൂ​ടി​യ അ​പാ​ക​ത പ​രി​ഹ​രി​ക്കാ​നും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന്​ യു.​ഡി.​എ​ഫ് ന​ഗ​ര​സ​ഭ ക​മ്മി​റ്റി ക​ൺ​വീ​ന​ർ എ. ​നൗ​ഷാ​ദ് റാ​വു​ത്ത​ർ, ആ​ർ.​എ​സ്.​പി ജി​ല്ല സെ​ക്ര​ട്ട​റി കെ.​എ​സ്. ശി​വ​കു​മാ​ർ, മു​സ്​​ലിം​ലീ​ഗ് ജി​ല്ല വൈ​സ് പ്ര​സി​ഡ​ന്‍റ്​ എ. ​ഷാ​ജ​ഹാ​ൻ, കേ​ര​ള കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി കെ.​ആ​ർ. ര​വി, കൗ​ൺ​സി​ല​ർ​മാ​രാ​യ കെ.​ആ​ർ. വി​ജ​യ​കു​മാ​ർ, പ​ന്ത​ളം മ​ഹേ​ഷ്, സു​നി​ത വേ​ണു, ര​ത്ന​മ​ണി സു​രേ​ന്ദ്ര​ൻ എ​ന്നി​വ​ർ ആ​വ​ശ്യ​പ്പെ​ട്ടു.