പുലിക്കെണിക്ക്​ അനുമതിയായില്ല; ന​ട​പ​ടി വൈ​കു​ന്ന​തി​ൽ പ്ര​തി​ഷേ​ധം

കോ​ന്നി: ക​ല​ഞ്ഞൂ​ർ ഗ്രാ​മ​പ​ഞ്ചാ​യ​ത്തി​ലെ വി​വി​ധ ഇ​ട​ങ്ങ​ളി​ൽ സാ​ന്നി​ധ്യം സ്ഥി​രീ​ക​രി​ച്ച പു​ലി​യെ പി​ടി​കൂ​ടാ​ൻ കൂ​ട് സ്ഥാ​പി​ക്കു​ന്ന​തി​ന്റെ ഭാ​ഗ​മാ​യി ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ന് വ​നം വ​കു​പ്പ് അ​ധി​കൃ​ത​ർ റി​പ്പോ​ർ​ട്ട് ന​ൽ​കി.

നാ​ഷ​ന​ൽ ടൈ​ഗ​ർ ക​ൺ​സ​ർ​വേ​ഷ​ൻ ക​മ്മി​റ്റി രൂ​പ​വ​ത്​​ക​രി​ച്ച് യോ​ഗം ചേ​ർ​ന്ന​തി​ന് ശേ​ഷ​മാ​ണ് റി​പ്പോ​ർ​ട്ട് ന​ൽ​കി​യ​ത്. കേ​ന്ദ്ര സം​ഘ​ട​ന​യാ​യ ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി​യു​ടെ നി​യ​മം അ​നു​സ​രി​ച്ച് മാ​ത്ര​മേ ക​ടു​വ, പു​ലി തു​ട​ങ്ങി​യ മാ​ർ​ജാ​ര വ​ർ​ഗ​ത്തി​ൽ​പെ​ട്ട ജീ​വി​ക​ളെ കൂ​ട് സ്ഥാ​പി​ച്ച് പി​ടി​കൂ​ടാ​ൻ ക​ഴി​യൂ എ​ന്ന​തി​നാ​ലാ​ണ് വ​നം വ​കു​പ്പ് ഈ ​ന​ട​പ​ടി​യി​ലേ​ക്ക് ക​ട​ന്ന​ത്. ചീ​ഫ് ഫോ​റ​സ്റ്റ് ക​ൺ​സ​ർ​വേ​റ്റ​റാ​ണ് പു​ലി​യെ കൂ​ടു​വെ​ച്ച് പി​ടി​ക്കാ​ൻ​ അ​നു​മ​തി ന​ൽ​കേ​ണ്ട​ത്. എ​ന്നാ​ൽ, അ​ടി​യ​ന്ത​ര​മാ​യി കൂ​ട്​ സ്ഥാ​പി​ക്കു​ന്ന​തി​ൽ വ​നം​വ​കു​പ്പി‍െൻറ ന​ട​പ​ടി​ക​ൾ ത​ട​സ്സം സൃ​ഷ്ടി​ക്കു​ന്ന​തി​ൽ പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്.

ക​ല​ഞ്ഞൂ​ർ ഗ്രാ​മ​പ​ഞ്ചാ​യ​ത്തി​ലെ ക​ല്ലു​വി​ള, കാ​ര​ക്ക​കു​ഴി, ഇ​ഞ്ച​പ്പാ​റ, കു​ട​പ്പാ​റ തു​ട​ങ്ങി​യ സ്ഥ​ല​ങ്ങ​ളി​ൽ പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച​തോ​ടെ കാ​ര​ക്ക​കു​ഴി, പാ​ക്ക​ണ്ടം തു​ട​ങ്ങി​യ പ്ര​ദേ​ശ​ങ്ങ​ളി​ൽ വ​നം വ​കു​പ്പ് അ​ഞ്ച് കാ​മ​റ സ്ഥാ​പി​ച്ചി​രു​ന്നു. ക​ല്ലു​വി​ള​യി​ൽ പു​ലി ന​ട​ന്നു​പോ​കു​ന്ന സി.​സി ടി.​വി ദൃ​ശ്യ​ങ്ങ​ൾ ല​ഭി​ച്ചി​രു​ന്നു.

ന​ടു​വ​ത്തു​മൂ​ഴി ഫോ​റ​സ്റ്റ് റേ​ഞ്ചി​ന്റെ അ​ധീ​ന​ത​യി​ൽ പാ​ടം ഫോ​റ​സ്റ്റ് സ്റ്റേ​ഷ​ന്റെ പ​രി​ധി​യി​ൽ വ​രു​ന്ന​താ​ണ് പു​ലി​യെ ക​ണ്ട ഭാ​ഗം. ക​ല​ഞ്ഞൂ​ർ കു​ട​പ്പാ​റ​യി​ലാ​ണ് ആ​ദ്യം പു​ലി​യി​റ​ങ്ങി ആ​ടി​നെ പി​ടി​ക്കു​ന്ന​ത്. പി​ന്നീ​ട് ഇ​ഞ്ച​പ്പാ​റ​യി​ലും ആ​ടി​നെ പി​ടി​ച്ചു. തു​ട​ർ​ന്ന് പ​ല സ്ഥ​ല​ങ്ങ​ളി​ലും പു​ലി​യെ ക​ണ്ട​തി​നെ തു​ട​ർ​ന്ന് ജ​ന​ങ്ങ​ൾ ഭീ​തി​യി​ലാ​ണ്.

പ​ക​ലു​പോ​ലും പു​റ​ത്തി​റ​ങ്ങാ​നാ​കാ​ത്ത അ​വ​സ്ഥ​യാ​ണ്. ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ന്റെ അ​നു​മ​തി ല​ഭി​ച്ചാ​ൽ ഉ​ട​ൻ കൂ​ട് സ്ഥാ​പി​ക്കു​മെ​ന്ന്​ വ​നം വ​കു​പ്പ് അ​ധി​കൃ​ത​ർ പ​റ​ഞ്ഞു.